ساۋدا جەنە ينتەگراتسييا مينيسترلٸگٸ ازىق-تٷلٸك ٶنٸمدەرٸ باعاسى ٷشٸن باقىلاۋ فۋنكتسيياسىن ٶزٸنە الماق. بۇل تۋرالى بٷگٸن ٷكٸمەت وتىرىسىندا اتالعان ۆەدومستۆلنىڭ ۆيتسە-مينيسترٸ ەرجان قازانباەۆ مەلٸم ەتتٸ, دەپ حابارلايدى قازاقپارات.
«مەملەكەت باسشىسىنىڭ قازاقستان حالقىنا جولداۋىندا ساۋدا مينيسترلٸگٸنە بەرٸلگەن تاپسىرمالار اياسىندا اتقارىلاتىن جۇمىستارعا توقتالساق, بٸرٸنشٸدەن, ۇلتتىق تاۋار ٶتكٸزۋ جٷيەسٸنٸڭ نەگٸزگٸ مٸندەتٸ ٶندٸرۋشٸدەن ريتەيلگە دەيٸن تولىق تسيكلدٸ ينفراقۇرىلىمنىڭ تۇتاس جٷيەسٸن قۇرۋ بولىپ وتىر. تاۋار ٶندٸرۋشٸلەر مەن جەكە قوسالقى شارۋاشىلىقتاردىڭ كٶتەرمە ساۋدا ورتالىقتارى جٷيەسٸنە ەركٸن جەنە بەسەكەلٸ قول جەتكٸزۋٸن قامتاماسىز ەتۋ ماقساتىندا جەكە ەرٸ مەملەكەتتٸك ەرٸپتەستەر اراسىنداعى جاسالعان مەملەكەتتٸك -جەكەشەلٸك ەرٸپتەستٸك شارتى اياسىندا تيٸستٸ نورمالار كٶزدەلەتٸن بولادى. بۇل اۋىل شارۋاشىلىعى ٶنٸمدەرٸن ٶتكٸزۋ نارىعىن كەڭەيتۋگە مٷمكٸندٸك بەرەدٸ جەنە ٶندٸرۋشٸنٸ تۇتىنۋشىعا جاقىنداتاتىن جەكە ەكونوميكالىق كلاستەردٸ قۇرادى», - دەدٸ ەرجان قازانباەۆ.
ٶز كەزەگٸندە, ەركٸن بەسەكەلەستٸك پەن ٶنٸمدٸ ساقتاۋ جەنە بٶلۋ ينفراقۇرىلىمى تاريفتەرٸنٸڭ بولجامدى دەڭگەيٸ بٸزدٸڭ ازاماتتارىمىز ٷشٸن ازىق-تٷلٸكتٸڭ تٷپكٸلٸكتٸ باعاسىنا وڭ ەسەرٸن تيگٸزەدٸ.
«ەكٸنشٸ تاپسىرما – ول ٶندٸرۋشٸدەن تۇتىنۋشىعا دەيٸنگٸ تٸزبەك بويىنشا تاماق ٶنٸمدەرٸنٸڭ باعاسىن بٸرىڭعاي باقىلاۋ جٶنٸندەگٸ نەگٸزگٸ جاۋاپتى مەملەكەتتٸك ورگاندى ايقىنداۋ جەنە مٷددەلٸ مەملەكەتتٸك ورگانداردىڭ ٶزارا ٸس-قيمىل رەگلامەنتٸن ەزٸرلەۋ. وسى تارماقتى ٸسكە اسىرۋ ٷشٸن مينيسترلٸك ۇلتتىق ەكونوميكا مينيسترلٸگٸ جەنە باسقا دا مٷددەلٸ ورگاندارمەن بٸرلەسٸپ, بٸر ايلىق مەرزٸمدە ساۋدا جەنە ينتەگراتسييا مينيسترلٸگٸنە ٶندٸرۋشٸدەن تۇتىنۋشىعا دەيٸنگٸ تٸزبەك بويىنشا ازىق-تٷلٸك تاۋارلارىنا باعا بەلگٸلەۋدٸ ٷيلەستٸرۋ جەنە بٶلۋ جٶنٸندەگٸ ۋەكٸلەتتٸ ورگاننىڭ فۋنكتسييالارىن بەرۋ ۇسىنىستارىن ەنگٸزەدٸ», - دەدٸ ۆيتسە-مينيستر.
سونىمەن قاتار, بٸر اي مەرزٸمٸندە سالالىق مەملەكەتتٸك ورگاندار مەن ۇيىمدار اراسىنداعى ٶزارا ٸس-قيمىلدىڭ تيٸستٸ رەگلامەنتٸ ەزٸرلەنەتٸن بولادى.
«بٸزدٸڭ ماقساتىمىز – ازىق-تٷلٸك تاۋارلارىنىڭ اعىندارى مەن باعالارىن مونيتورينگتەۋ مەن بولجاۋدىڭ دۇرىس جەنە تيٸمدٸ جٷيەسٸن قۇرۋ. بۇل مەملەكەتكە نارىق كونەكتۋراسى مەن باعا ٶزگەرۋٸنە ۋاقتىلى جەنە جەدەل دەن قويۋعا مٷمكٸندٸك بەرەدٸ», - دەدٸ ول.
