فوتو: Pexels.com
قازاقستاندا 2025 جىلدىڭ العاشقى جارتىجىلدىعىندا ساۋدا كٶلەمٸ 8,4%-عا ٶسٸپ, جالپى تاۋار اينالىمى 31,4 ترلن تەڭگەنٸ قۇرادى. بۇل تۋرالى ٷكٸمەت وتىرىسىندا ساۋدا جەنە ينتەگراتسييا مينيسترٸ ارمان شاققاليەۆ مەلٸمدەدٸ, دەپ حابارلايدى Ult.kz.
كٶتەرمە ساۋدا 9,2%-عا ٶسٸپ, 21,2 ترلن تەڭگەگە جەتسە, بٶلشەك ساۋدا كٶلەمٸ 6,6%-عا ارتىپ, 10,2 ترلن تەڭگەگە جەتتٸ. ساۋدا ٶسٸمٸ نەگٸزٸنەن مۇناي, گاز, تۇرمىستىق تەحنيكا, فارماتسەۆتيكالىق ٶنٸمدەر مەن ۇيالى تەلەفوندار سيياقتى توعىز نەگٸزگٸ تاۋار توبى ەسەبٸنەن قامتاماسىز ەتٸلگەن. جىل سوڭىنا دەيٸن بۇل تاۋارلار بويىنشا ٶتكٸزۋ كٶلەمٸ 26,4 ترلن تەڭگەگە جەتۋٸ مٷمكٸن.
مينيستردٸڭ ايتۋىنشا, ساۋدا ٶسٸمٸنە ەڭ كٶپ ٷلەس قوسقان ٶڭٸرلەر – الماتى, استانا, شىمكەنت قالالارى, اتىراۋ جەنە قاراعاندى وبلىستارى. ال تٷركٸستان, اقمولا جەنە پاۆلودار وبلىستارى ساۋدا ٶسٸمٸ بويىنشا كٶش باستاپ تۇر.
مينيسترلٸك ساۋدا سالاسىن ٷش باعىت بويىنشا دامىتۋدا: ساۋدانىڭ زاماناۋي فورماتتارى, ەلەكتروندىق ساۋدانى كەڭەيتۋ جەنە كٶلەڭكەلٸ ەكونوميكانى ازايتۋ. بيىل بۇل سالاعا 5,2 ملرد تەڭگە بٶلٸنٸپ, 168,4 ملرد تەڭگەنٸڭ ينۆەستيتسييالىق جوبالارى ٸسكە اسىرىلۋدا. ەلەكتروندى ساۋدا نارىعى 1,5 ترلن تەڭگەگە جەتٸپ, نەگٸزگٸ ٷلەستٸ Kaspi.kz, Halyk market, Forte, Jusan, Ozon جەنە Wildberries پلاتفورمالارى يەلەنٸپ وتىر.
ەكٸنشٸ جارتىجىلدىقتا ەلٸمٸزدە بٸرنەشە dark store جەنە فۋلفيلمەنت-ورتالىقتار ٸسكە قوسىلماق. سونىمەن قاتار قىتايمەن B2B فورماتىنداعى ەلەكتروندىق پلاتفورما اشۋ جوسپارلانىپ وتىر.
كٶلەڭكەلٸ ساۋدانى ازايتۋ ماقساتىندا مينيسترلٸك تاۋارلاردى تاڭبالاۋ, كاتالوگتاۋ جەنە تسيفرلاندىرۋ جوبالارىن جٷزەگە اسىرۋدا. «Digital Bazar» سەكٸلدٸ باستامالار ارقىلى اقشا اينالىمىنىڭ اشىقتىعى ارتپاق.
