قازاقستاننىڭ ساۋد ارابيياسىنداعى ەلشٸلٸگٸ كورول فەيسال اتىنداعى يسلامدىق زەرتتەۋ ورتالىعىمەن بٸرلەسٸپ, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ قولداۋىمەن «ەبۋ ناسر ەل-فارابيدٸڭ ادامزات ٶركەنيەتٸنٸڭ دامۋىنا قوسقان ٷلەسٸ» تاقىرىبىندا حالىقارالىق كونفەرەنتسييا ٶتكٸزدٸ, دەپ حابارلايدى قر سٸم باسپاسٶز قىزمەتٸ.
ٸس-شارا جۇمىسىنا كورول فەيسال اتىنداعى يسلامدىق زەرتتەۋلەر ورتالىعىنىڭ باسقارما تٶراعاسى حانزادا تۋركي ەل-فەيسال ەل ساۋد, يسلام ىنتىماقتاستىعى ۇيىمى باس حاتشىسىنىڭ عىلىم جەنە تەحنولوگييا مەسەلەلەرٸ جٶنٸندەگٸ ورىنباسارى اسقار مۋسينوۆ, قازۇۋ رەكتورى عالىمقايىر مۇتانوۆ, يراكتىق جازۋشى راشيد ەل-حايۋن, قازاقستان ۇلتتىق عىلىم اكادەميياسىنىڭ اكادەميگٸ, پروفەسسور ەبساتتار قاجى دەربٸسەلٸ, بٸرقاتار ساۋدتىق فيلوسوفتار مەن عالىمدار قاتىسىپ, باياندامالار جاسادى.
كونفەرەنتسييا اشىلۋىندا سٶز سٶيلەگەن ەلشٸ بەرٸك ارىن كٷللٸ مۇسىلمان جۇرتىنىڭ ماقتانىشى, ەبۋ ناسىر ەل-فارابيدٸڭ مۇراسىن دەرٸپتەۋ جەنە ەلەمگە پاش ەتۋ ماقساتىندا قازاقستاندا جەنە شەت ەلدەردە ٶتٸپ جاتقان كەڭ اۋقىمدى مەرەيتويلىق جەنە عىلىمي-پراكتيكالىق شارالار تۋرالى ايتا وتىرىپ, ولاردىڭ, مەملەكەت باسشىسى اتاپ ٶتكەندەي, رۋحاني جاڭعىرۋدا جەنە جاستاردىڭ قۇندىلىقتارىن قالىپتاستىرۋدا ەرەكشە ماڭىزعا يە ەكەنٸن ايتتى.
سونىمەن قاتار, ديپلومات عالىم بابامىزدىڭ ميراسى تۋرالى تۇڭعىش پرەزيدەنت – ەلباسى نۇرسۇلتان نازارباەۆ «ۇلى ويشىل ەل-فارابي ەسٸمٸ ەلٸمٸزدٸڭ يميدجٸن ەلەمدٸك دەڭگەيگە كٶتەرۋگە ىقپال ەتەتٸن اسا قۇندى رەمٸزدٸك كاپيتال» دەپ اتاپ ٶتكەنٸن جەتكٸزدٸ.
ٶز كەزەگٸندە حانزادا تۋركي ەل-فەيسال ەل-فارابيدٸڭ ەلەمدٸك دەڭگەيدەگٸ كەمەڭگەر تۇلعا ەكەندٸگٸن جەنە ونىڭ ەڭبەكتەرٸ ادامزات ٶركەنيەتٸنٸڭ دامۋىنا وراسان زور ٷلەس قوسقانىن اتاي وتىرىپ, ونى يسلامدىق فيلوسوفييانىڭ نەگٸزٸن قالاۋشىلاردىڭ بٸرٸ جەنە جاھاندىق بٸلٸم مەن عىلىمدى جانجاقتى بايىتۋعا وڭ سەرپٸن بەرگەن عۇلاما ۇستاز دەدٸ.
ا. مۋسينوۆ وسى مەرەيتويعا وراي يىۇ شەڭبەرٸندە اتقارىلىپ جاتقان شارالار, سونىڭ ٸشٸندە ٷ.ج. 27-28 قاراشادا نيگەر رەسپۋبليكاسىنىڭ استاناسى نيامەيدە ٶتكەن ۇيىمعا مٷشە مەملەكەتتەر سىرتقى ٸستەر مينيسترلەرٸ كەڭەسٸنٸڭ 47-شٸ سەسسيياسى بارىسىندا قازاق تاراپىنىڭ ۇسىنىسىمەن ەل-فارابيدٸڭ 1150 جىلدىعىن ۇيىم شەڭبەرٸندە مەرەكەلەۋگە قاتىستى باستامالارى قولداۋ تاۋىپ, ارنايى قارار قابىلدانعاندىعىن حابارلادى.
سٶز العان باسقا قاتىسۋشىلار ەل-فارابيدٸڭ ٶمٸر جولى مەن عىلىمي ەڭبەكتەرٸنە قاتىستى ٶزدەرٸ جٷرگٸزگەن ٸزدەنٸستەرٸ تۋرالى جان-جاقتى باياندادى. وسى رەتتە كورول فەيسال اتىنداعى ورتالىقتىڭ سيرەك كٸتاپتار بٶلٸمٸنٸڭ باسشىسى ومار تامالات ورتالىق قورىندا ەل-فارابيدٸڭ بٸرنەشە ەڭبەگٸنٸڭ قولجازبالارى مەن 90-عا جۋىق كٶشٸرمەلەرٸنٸڭ ساقتالعاندىعىن, حابارلاپ, ولاردى قازاقستاندىق عالىمدار ٶز ٸزدەنٸستەرٸندە پايدالانۋىنا بولاتىنىن مەلٸمدەدٸ.
