الماتىدا بۇعان دەيٸن قايرات ساتىبالدىۇلىنىڭ اكتيۆتەرٸمەن بايلانىستىرىلعان DoubleTree by Hilton قوناقٷي كەشەنٸ ساتىلىمعا شىعارىلدى. نىساننىڭ باستاپقى باعاسى — 12,76 ميلليارد تەڭگە, دەپ حابارلايدى ult.kz.
مەملەكەتتٸك مٷلٸك جەنە جەكەشەلەندٸرۋ دەپارتامەنتٸ ۇسىنعان لوت بويىنشا اۋكتسيون 25 قىركٷيەكتە ٶتەدٸ. ساۋدا باعانى كٶتەرۋ ەدٸسٸمەن جٷرگٸزٸلەدٸ. بٸر عانا قاتىسۋشى بولعان جاعدايدا دا نىساندى ساتۋعا رۇقسات ەتٸلگەن.
دوسمۇحامەدوۆ كٶشەسٸ, 115 مەكەنجايىندا ورنالاسقان قوناقٷيدٸڭ جالپى اۋدانى 16 196,4 شارشى مەتر. نىسان 0,2581 گەكتار جەر تەلٸمٸندە ورنالاسقان, الايدا جەر ۋچاسكەسٸ جەكەشەلەندٸرۋ نىسانىنىڭ قۇرامىنا كٸرمەيدٸ.
قوناقٷي عيماراتى 2023 جىلعى 18 قىركٷيەكتە قايرات ساتىبالدىۇلىنان سىيعا تارتۋ شارتى ارقىلى مەملەكەت مەنشٸگٸنە ٶتكەن. الايدا سول كەزدە نىساندى «ابلي-قۇرىلىس» جشس يەلەنٸپ وتىرعان. مەملەكەتتٸك مٷلٸك دەپارتامەنتٸ كومپانييانىڭ عيماراتتى يەلەنۋٸنە زاڭدى نەگٸز بولماعانىن مەلٸمدەگەن.
2024 جىلى سوت دەپارتامەنتتٸڭ قوناقٷيدٸ بوساتۋ تۋرالى تالابىن قاناعاتتاندىردى.
بۇعان دەيٸن مەجٸلٸس دەپۋتاتى ەرمۇرات باپي قوناقٷيدٸ «كٷشپەن تارتىپ الۋ» ەرەكەتٸ جٷرٸپ جاتقانىن ايتىپ, باس پروكۋراتۋراعا ساۋال جولداعان. ول نىساننىڭ باعاسى تٶمەندەتٸلۋٸ مٷمكٸن ەكەنٸن دە مەلٸمدەگەن. دەپۋتاتتىڭ ايتۋىنشا, نارىقتىق قۇنى شامامەن 12 ميلليارد تەڭگە بولاتىن قوناقٷي 4,5 ميلليارد تەڭگەگە باعالانعان.
ال انتيكور بۇعان دەيٸن قوناقٷيدٸڭ 6,49 ميلليارد تەڭگەگە باعالانعانىن حابارلاعان.
قازٸر مەملەكەت نىساندى 12,76 ميلليارد تەڭگەگە باستاپقى باعامەن ساتىلىمعا شىعارىپ وتىر.
قوناقٷي قايرات ساتىبالدىۇلى مەملەكەتكە قايتارعان, جالپى قۇنى 732,8 ميلليارد تەڭگەدەن اساتىن اكتيۆتەردٸڭ قاتارىندا بولعان.
