فوتو: الماتى ەكٸمدٸگٸ
الماتىدا ن. ساتس اتىنداعى مەملەكەتتٸك ورىس بالالار مەن جاسٶسپٸرٸمدەر تەاترىنىڭ اۋقىمدى قايتا جاڭعىرتۋ جۇمىستارى جالعاسىپ جاتىر, دەپ حابارلايدى Ult.kz.
جٶندەۋ كەزەڭٸندە تەاتر قويىلىمدارى جاڭارتىلعان وقۋشىلار سارايىنىڭ ٷلكەن كونتسەرت زالىندا ٶتەدٸ. جاڭا ساحنادا العاش قويىلعان سپەكتاكل – كٶرەرمەندەردٸڭ ىستىق ىقىلاسىنا بٶلەنگەن «كٷلشەقىز» ەرتەگٸسٸ بولدى.
تەاتردىڭ تاريحي عيماراتىندا تٸرەك قۇرىلىمدارىن نىعايتۋ, قاسبەتتٸ, ساحنا مەن جارىق جٷيەسٸن جاڭارتۋ جۇمىستارى جٷرگٸزٸلۋدە. سونىمەن قاتار, سەۋلەتتٸك ەلەمەنتتەردٸ ساقتاۋ مەن مٷمكٸندٸگٸ شەكتەۋلٸ كٶرەرمەندەرگە جاعداي جاساۋعا باسا مەن بەرٸلگەن.
تەاتر جانىندا كامەرالىق ساحنا مەن SATS COMMUNITY تەاتر ستۋديياسى ورنالاساتىن جاڭا عيمارات بوي كٶتەرٸپ جاتىر.
رەكونسترۋكتسييانى اياقتاۋ 2026 جىلدىڭ شٸلدە ايىنا جوسپارلانعان. ال ەزٸرگە تەاتر كٶرەرمەندەرٸن وقۋشىلار سارايىندا كٷتەدٸ. كەلەسٸ قويىلىم – «برەمەن مۋزىكانتتارى» 22 مامىر كٷنٸ ٶتەدٸ.
