قاراعاندى وبلىسى سەتباەۆ قالاسىندا العاشقى قار جاۋدى. قالادا جىلۋ بٷگٸن بەرٸلەدٸ, دەپ حابارلايدى "ۇلت اقپارات".
بٷگٸن 5 قازان, تاڭعى ساعات 8:30-دار شاماسىندا باستالعان قاردىڭ ارتى بۇرقاسىنعا اينالعان. تابيعاتتىڭ توسىن سىيىنىڭ ارقاسىندا جەر اق مامىققا وراندى. دەل قازٸرگٸ ۋاقىتتا قالادا اۋا رايى +3 گرادۋستى كٶرسەتٸپ تۇر.
بيىلعى جىلى كەنشٸلەر قالاسىنا قار جىلداعىدان ەلدەقايدا ەرتە جاۋدى. مامانداردىڭ ايتۋىنشا, جىلدا قالادا جىلىتۋ ماۋسىمى قازاننىڭ ونىندا باستالاتىن, الايدا بيىل كٷننٸڭ ەرتەرەك سۋىتۋىنا بايلانىستى بٷگٸن تۇرعىن ٷيلەرگە جىلۋ جٸبەرۋ قاراستىرىلىپ جاتىر.
«قۇرمەتتٸ قالا تۇرعىندارى, جىلۋ قازاندىعى ٸسكە قوسىلدى. بٷگٸن جىلۋ بەرٸلەدٸ», - دەلٸنگەن جەرگٸلٸكتٸ كوممۋنالدىق قىزمەتكە جاۋاپتى ورگاننىڭ تاراتقان حابارلاماسىندا.
