Qaraǵandy oblysy Sátbaev qalasynda alǵashqy qar jaýdy. Qalada jylý búgin beriledi, dep habarlaidy "Ult aqparat".
Búgin 5 qazan, tańǵy saǵat 8:30-dar shamasynda bastalǵan qardyń arty burqasynǵa ainalǵan. Tabiǵattyń tosyn syiynyń arqasynda jer aq mamyqqa orandy. Dál qazirgi ýaqytta qalada aýa raiy +3 gradýsty kórsetip tur.
Biylǵy jyly kenshiler qalasyna qar jyldaǵydan áldeqaida erte jaýdy. Mamandardyń aitýynsha, jylda qalada jylytý maýsymy qazannyń onynda bastalatyn, alaida biyl kúnniń erterek sýytýyna bailanysty búgin turǵyn úilerge jylý jiberý qarastyrylyp jatyr.
«Qurmetti qala turǵyndary, jylý qazandyǵy iske qosyldy. Búgin jylý beriledi», - delingen jergilikti kommýnaldyq qyzmetke jaýapty organnyń taratqan habarlamasynda.
