فوتو: https://www.facebook.com/rinat.rafkhat
الماتى گارنيزونىنىڭ ەسكەري سوتى بيىل مامىردا ەسكەري گوسپيتالگە تٷسٸپ, اۋرۋحانادا كٶز جۇمعان قاتارداعى جاۋىنگەر دوسىمجان سەلٸمجاننىڭ ٸسٸ بويىنشا ٷكٸم شىعاردى, دەپ حابارلايدى Azattyq Rýhy.
ەسكەري بٶلٸمدەگٸ لەيتەنانت جانبوتا شەكٸروۆكە «بيلiكتi اسىرا پايدالاندى» دەگەن ايىپ تاعىلىپ, 7 جىلعا باس بوستاندىعىنان ايىرىلدى. قوعام بەلسەندٸسٸ رينات رافحات بۇل تۋرالى ەلەۋمەتتٸك جەلٸدە جازدى.
«ەسكەردەگٸ ەلٸمجەتتٸكتٸڭ سالدارىنان اۋرۋحاناعا تٷسٸپ, 10 كٷننەن كەيٸن كٶز جۇمعان جاس سارباز دوسىمجان سەلٸمجاننىڭ ٸسٸ بويىنشا ايىپتالعان لەيتەنانت شەكٸروۆ قك 451-باپ «بيلiكتi اسىرا پايدالانۋ» 2-تارماعىمەن 7 جىل باس بوستاندىعىنان ايىرىلدى», - دەپ جازدى ول.
جانبوتا شەكٸروۆ سوتتا مارقۇمنىڭ اتا-اناسىنان كەشٸرٸم سۇرادى.
ەسكە سالساق, 2024 جىلعى 13 مامىردا سارىٶزەك كەنتٸندەگٸ 29108 ەسكەري بٶلٸمٸنٸڭ مەرزٸمدٸ قىزمەتتەگٸ قاتارداعى جاۋىنگەرٸ 19 جاستاعى دوسىمجان سەلٸمجاننىڭ قايتىس بولۋىنا بايلانىستى قىلمىستىق ٸس قوزعالعان بولاتىن.
