قر پارلامەنتٸ مەجٸلٸسٸنٸڭ دەپۋتاتى ايدوس سارىم قوعامدا سوڭعى ۋاقىتتا قىزۋ تالقىلانىپ جاتقان كيبەربۋللينگ تاقىرىبىنا قاتىستى ويىن ورتاعا سالدى, دەپ حابارلايدى قازاقپارات.
«بٸز بارلىق ٸرٸ ەلەۋمەتتٸك جەلٸلەر ٶز فيليالدارىن قازاقستاندا مٸندەتتٸ تٷردە تٸركەۋٸ, رەسمي ٶكٸلٸ مەن كەڭسەسٸنٸڭ بولۋى تۋرالى بٸرشاما قاتاڭ تالاپ قويدىق. وسىدان كەيٸن زاڭ جوباسىنىڭ جەنە تۇتاستاي العاندا قوعامدا نە بولىپ جاتقانىن تٷسٸنۋدٸڭ ەۆوليۋتسيياسى ارتتى. بٸرٸنشٸدەن, ٷكٸمەت ەلەۋمەتتٸك جەلٸ نارىعىنداعى ٸرٸ ويىنشىلارمەن بٸرنەشە ماڭىزدى كەلٸسسٶز جٷرگٸزدٸ. مەن ٶزٸم سول كەلٸسسٶزدەردٸڭ كەيبٸرٸنە قاتىستىم. مەنٸڭ ويىمشا, ٸرٸ تەحنوگيگانتتار مەسەلەنٸڭ مەن-جايىن تٷسٸنٸپ وتىر. ولار ەنگٸزٸلگەلٸ وتىرعان نورما ٷشٸن الاڭداپ وتىرعان جوق», - دەدٸ ايدوس سارىم.
ونىڭ ايتۋىنشا, ەلەمدٸك دەڭگەيدەگٸ ٸرٸ ەلەۋمەتتٸك جەلٸلەر ەكٸمشٸلٸگٸ كيبەربۋللينگ مەسەلەسٸنە تٷسٸنٸستٸكپەن قارايدى.
«كەرٸسٸنشە بٸزدٸڭ الاڭداۋشىلىعىمىزدى تٷسٸنٸپ, ىنتىماقتاسىپ ەرەكەت ەتۋگە دايىن ەكەندٸكتەرٸن جەتكٸزدٸ. ۇلتتىق زاڭناما تالاپتارىندا بالالار تاعدىرى مەن كيبەربۋللينگ مەسەلەسٸ عانا كٶتەرٸلمەگەن. زاڭناما ٸشٸنە لاڭكەستٸك, ەكسترەميزم, ەسٸرتكٸمەن كٷرەس, پەدوفيلييا جەنە تاعىس باسقا مەسەلەلەر كٸرەدٸ. ال جوعارىدا اتالعان مەسەلەلەرمەن كٷرەس تالاپتارى ەلەۋمەتتٸك پلاتفورمالاردىڭ ەرەجەلەرٸنە سەيكەس كەلەدٸ», - دەيدٸ ول.
سونداي-اق, مەجٸلٸس دەپۋتاتى قازاقستاننىڭ قۇزىرلى ورگاندارى مەن ينتەرنەت-پلاتفورمالار ٶكٸلدەرٸ اراسىندا تۇراقتى ديالوگتىڭ بولۋى كەرەكتٸگٸن اتاپ ٶتتٸ. سول سيياقتى ٷكٸمەت جارتى جىلدىڭ ٸشٸندە ٶزارا ٸس-قيمىل تەتٸكتەرٸن رەتتەۋٸ تيٸس.
ودان بٶلەك, ايدوس سارىمنىڭ پٸكٸرٸنشە, ەلٸمٸزدە قانداي دا بٸر ەلەۋمەتتٸك جەلٸنٸ بۇعاتتاۋ تۋرالى جوسپار بولعان ەمەس.
