وليمپيادا ويىندارىن تاماشالاۋدان قۇر قالعان بٸز بٸردە انا جەلٸگە, بٸردە مىنا جەلٸگە كٸرٸپ, نەتيجەلەرٸن كٶرٸپ وتىرامىز ەيتەۋٸر. قازاقستان ۇلتتىق قۇراماسى ەزٸرگە دۇرىستاپ بٸر سٸلكٸنە الماۋدا. دەل وسى مەزەتتە نۇر-سۇلتاندا سپورتتىڭ كٶپتەگەن تٷرٸنەن بولاشاق وليمپياداشىلاردى دايارلاۋمەن اينالىساتىن «سارىارقا» ۆەلوترەگٸ تٶڭٸرەگٸندە تٶتەننەن كەلگەن داۋ ٶرشٸپ تۇر. وليمپيادا چەمپيونى, قازٸرگٸ شەنەۋنٸك, سپورت جەنە دەنە شىنىقتىرۋ كوميتەتٸنٸڭ تٶراعاسى سەرٸك ساپيەۆ اتالعان كەشەندٸ جەكەمەنشٸككە ٶتكٸزۋ تۋرالى تيٸستٸ قۇجاتقا قول قويعان دەسەدٸ.
ال, بۇل مەسەلەنٸڭ تۋىنداعانىنا كٶپ بولا قويعان جوق. الايدا ەلٸمٸزدٸڭ مەدەنيەت جەنە سپورت مينيسترلٸگٸنٸڭ وسىعان بايلانىستى تٷسٸنٸك بەرەتٸن تٷرٸ جوق.
ەستەرٸڭٸزگە سالا كەتسەك, بۇل كەشەننٸڭ قۇرىلىسىنا مەملەكەت تاراپىنان 124 ميلليون اقش دوللارى جۇمسالعان بولاتىن. قازٸرگٸ باعاممەن ەسەپتەگەندە, بۇل دەگەنٸڭٸز 53 ميلليارد تەڭگە ەكەن. قازٸرگٸ تاڭدا سپورتشىلار وسى كەشەندە سپورتتىڭ 18 تٷرٸمەن شۇعىلدانادى.
جەكەنٸڭ قولىنا ٶتكەن جاعدايدا, ول جەردە تەك ۆەلوترەك قانا قالىپ, جىل سايىن 2 ميلليارد تەڭگە عانا سۋبسيدييا تٶلەنەدٸ دەپ كٷتٸلۋدە.
سپورتتىڭ قالعان 17 تٷرٸنٸڭ تاعدىرى ەزٸرگە بەيمەلٸم قالىپ وتىر. سول سيياقتى وسى ماڭىزدى وبەكتٸنٸڭ كٸمنٸڭ قولىنا ٶتەتٸنٸ دە جۇمباق كٷيٸندە.
استانامىزدىڭ سول جاعالاۋىندا ورنالاسقان «سارىارقانىڭ» جالپى اۋماعى 50 000 شارشى مەتردٸ قۇرايدى. ۆەلوترەك پەن مۇز ايدىنىن قامتيتىن بۇل كەشەندە وليمپيادا سپورتشىلارى دايارلىقتان ٶتەدٸ, سونىمەن قاتار تۇرمىسى تٶمەن وتباسىلار مەن مٷگەدەكتەر ٷشٸن دە جەڭٸلدٸكتەر قاراستىرىلعان ەدٸ.
كەشەننٸڭ ەڭ ماڭىزدى ارتىقشىلىعى مىنادا. ونداعى ارەنانى كەز-كەلگەن سەتتە بوكس, دزيۋدو, گيمناستيكا, باسكەتبول, ۆولەيبول جارىستارىن ٶتكٸزۋگە, سونداي-اق كونتسەرتتٸك باعدارلامالار ۇيىمداستىرۋعا ىڭعايلاستىرۋعا بولادى.
سونىمەن, استانانىڭ سول جاعالاۋىندا جاسالىپ جاتقان بىلىقتار بٸر-بٸرٸمەن باتتاسىپ جاتىر.
سپورتقا ەش قاتىسى جوق كومپوزيتور-مينيستر جاپونيياعا ات تەرلەتٸپ بارىپ, وليمپيادانى جاپادان جالعىز تاماشالاپ مەز, ال ۇلتتىق ارنالاردان جانكٷيەر بولۋدى قانشا ارمانداعان بٸز سەكٸلدٸ قاراپايىم جۇرت جوعارى بيلٸكتە وتىرعان شەنەۋنٸكتەردٸڭ بۇل ەرەكەتٸن تٷسٸنبەي دال بولۋدا. باسقا باسقا سپورت جەنە دەنە شىنىقتىرۋ كوميتەتٸنٸڭ تٶراعاسى سەرٸك ساپيەۆ مۇنى تٷسٸنۋٸ تيٸس ەمەس پە! نە تەلەديداردا جوق, تەك ەلەۋمەتتٸك جەلٸلەردەن عانا وقيمىز دا قويامىز. بٸز قاي عاسىردا ٶمٸر سٷرٸپ وتىرمىز?
ال چەمپيوندار ليگاسى دەگەندە, بارلىق ترانسلياتسيياعا قىرۋار قارجى بٶلٸنەدٸ. اۋ, وليمپيادا ويىندارىندا ەلٸمٸزدٸڭ نامىسىن جىرتۋعا بارعان جەرلەستەرٸمٸزگە كٶك جەشٸككە تەلمٸرٸپ, قولداۋ كٶرسەتە الماساق, ەلدٸگٸمٸز قايدا?
ەندٸ مٸنە سول سوراقىلىقتىڭ سوڭىن الا نۇر-سۇلتاننىڭ قاق تٶرٸندەگٸ «سارىارقا» دا قولدى بولىپ كەتپەك پە! ال, مەدەنيەت (ٶكٸنٸشكە قاراي سپورت ەمەس) مينيسترلٸگٸنٸڭ جاعاسى جايلاۋدا.
سٶيتٸپ, كٸمنٸڭ قولىنا, كٸمگە ٶتپەك? بٸزدٸڭ سالىق تٶلەمدەرٸمٸزدٸڭ ەسەبٸنەن سالىنعان وسىنداي وبەكتٸلەر بٸزدٸڭ پٸكٸرٸمٸزدٸ پىسقىرماي, جەكە مەنشٸككە ٶتە بەرۋٸ تيٸس پە?
مەملەكەتتٸك جەكە كەسٸپكەرلٸك مەكەمەسٸ مٷمكٸندٸگٸنشە قولدان كەلگەننٸڭ بەرٸن جاساپ جاتىر. بٸر جاعىنان ولاردى تٷسٸنۋگە دە بولادى. دەگەنمەن ولاردىڭ دا جۇمىسىن مٸز باقپاس شەنەۋنٸكتەر ەبدەن سەرگەلدەڭگە سالعانعا ۇقسايدى.
شىنتۋايتىنا كەلگەندە, مەدەنيەت مينيسترلٸگٸ مەملەكەتٸمٸزگە دەگەن سەنٸمدٸ تام-تۇمداپ جوعالتا باستادى!
تۇرمىسى تٶمەن وتباسىلار مەن مٷگەدەكتەر تٸرنەكتەپ جيعان-تەرگەندەرٸن سپورتپەن شۇعىلدانۋعا, سالاۋاتتى ٶمٸر سالتىن قالىپتاستىرۋعا جۇمساپ, كەيبٸر اتا-انالار ٶزدەرٸنٸڭ قولدارى تيمەسە دە, بالدارىن سپورت ٷيٸرمەلەرٸنە بەردٸم دەپ مەز بوپ جٷرگەندە, كەنەتتەن وسىنداي پروبلەمالارعا ۇرىنا باستادى. جەر استىنان جٸك شىقتى, ەكٸ قۇلاعى تٸك شىقتى! سوندا سپورتتىڭ قالعان 17 تٷرٸن شەندٸ-شەكپەندٸلەر دويبىنىڭ تاستارى سەكٸلدٸ تاقتادان شەرتٸپ-شەرتٸپ دالاعا لاقتىرىپ تاستاي بەرگەنٸ مە?
ەڭ سوراقىسى سول, جەكەنٸڭ قولىنا ٶتٸپ كەتكەن جاعدايدىڭ ٶزٸندە جەكە مەنشٸك يەسٸنە مەملەكەتتٸك بيۋدجەتتەن جىل سايىن 2 ميلليارد تەڭگە بٶلٸنٸپ وتىرادى ەكەن! ال بۇل اقشا تەك ۆەلوسپورتشىلار ٷشٸن عانا!
ەندٸ مىنا فاكتٸگە نازار اۋدارىپ كٶرٸڭٸزشٸ. وليمپيادا سپورتشىلارىن دايارلايتىن ورتالىقتىڭ ەكٸ كەشەنٸ بار. سپورتتىڭ ونداعان تٷرلەرٸنە ول جەردە جىلىنا شامامەن 2,8 ميلليارد تەڭگە بٶلٸنەدٸ. سوندا ۆەلوسپورت بٸزدٸڭ ۇلتتىق ويىن تٷرٸ مە?
ەگەمەندٸكتٸڭ العاشقى جىلدارى ەرٸكسٸز ەسٸمٸزگە تٷسەدٸ. مەملەكەتتٸك وبەكتٸلەر, بالاباقشا, باسقا دا مەدەني وشاقتار بولماشى باقىرعا ساتىلىپ, شەنەۋنٸكتەردٸڭ شەكپەنٸن جامىلعاندار ويلارىنا كەلگەنٸن جاساي باستادى.
تٷك ٶزگەرمەپپٸز! باياعى جارتاس - سول جارتاس!
ا. ارمان
