«قازمۇنايگاز» ۇلتتىق كومپانيياسىنىڭ جاۋاپكەرشٸلٸگٸ اياسىنداعى «سارىارقا» گاز قۇبىرىنىڭ 796,6 شاقىرىمى تارتىلدى. بۇل ايتۋلى جوبانىڭ جەلٸلٸك بٶلٸگٸ قۇرىلىسىنىڭ 75%-ن قۇرايدى, دەپ حابارلايدى "ۇلت اقپارات" قمگ باسپاسٶز قىزمەتٸنە سٸلتەمە جاساپ.
«سارىارقا» ەلدٸڭ ەنەرگەتيكالىق قاۋٸپسٸزدٸگٸ دەڭگەيٸن ارتتىرۋعا, ورتالىق جەنە سولتٷستٸك ايماقتاردى كٶگٸلدٸر وتىنمەن ٷزدٸكسٸز قامتي وتىرىپ, ەكولوگييالىق احۋالدى جاقسارتۋعا تيٸس. بولاشاقتا جەكەمەنشٸك جەنە شاعىن كوممۋنالدىق قازاندىقتاردى, جەر ٷيلەر مەن تۇرعىن ٷيلەردٸ, جىلۋ-ەلەكتر ورتالىقتارىن بٸرتٸندەپ گازعا اۋىستىرۋ جوسپارلانۋدا.
«قازمۇنايگاز» جاۋاپكەرشٸلٸگٸ شەڭبەرٸندەگٸ قۇبىردىڭ جەلٸلٸك بٶلٸگٸن سالۋ جۇمىستارىن ٷستٸمٸزدەگٸ جىلدىڭ سوڭىنا دەيٸن اياقتاۋ جوسپارلانىپ وتىر. سودان كەيٸن جەرگٸلٸكتٸ ەكٸمدٸكتەر ەلدٸ مەكەندەردٸ, سونىڭ ٸشٸندە ەلوردانى گازبەن قامتاماسىز ەتۋ جۇمىستارىنا كٸرٸسپەك.
بٷگٸندە قىزىلوردا وبلىسىندا دەنەكەرلەۋ-پٸسٸرۋ جۇمىستارى تولىقتاي اياقتالىپ, قاراعاندى جەنە اقمولا وبلىستارىندا قارقىندى جٷرٸپ جاتىر. جوبانى ٸسكە اسىرۋ بارىسىندا دەنەكەرلەۋ-پٸسٸرۋدٸڭ ەڭ وزىق تەحنولوگييالارى قولدانىلۋدا. وزىق تەحنولوگييالار ديامەترٸ 820 مم قۇبىردى تەۋلٸگٸنە 6 شاقىرىمنان اسا جىلدامدىقپەن تارتۋعا مٷمكٸندٸك بەرەدٸ.
قازٸرگٸ كەزدە دەنەكەرلەۋ-پٸسٸرۋ كەشەندەرٸ:
- قاراعاندى وبلىسىندا گاز قۇبىرى جولىنىڭ 794-شٸ شاقىرىمىندا («قاراعاندى» اۆتوماتتى گاز تاراتۋ ستانتسيياسىنا بۇرۋ جٷيەسٸن ورناتۋ جەرٸنە دەيٸن 14 شاقىرىم) جەنە 844 شاقىرىمىندا («قاراعاندى» بۇرۋ جٷيەسٸن ورناتۋ جەرٸنەن كەيٸن 36 شاقىرىم);
- اقمولا وبلىسىندا گاز قۇبىرى جولىنىڭ 970-شٸ شاقىرىمىندا (قاراعاندى جەنە اقمولا وبلىستارىنىڭ شەكاراسىنان سولتٷستٸككە قاراي 27 شاقىرىم) جەنە 1056-شى شاقىرىمىندا («استانا-1» اۆتوماتتى گاز تاراتۋ ستانتسيياسىنا بۇرۋ جٷيەسٸن ورناتۋ جەرٸنە دەيٸن 5 شاقىرىم) جۇمىس ٸستەۋدە.
ماگيسترالدى گاز قۇبىرىنىڭ قۇرىلىس جۇمىستارىنا 2 مىڭنان استام ادام جەنە 800 تەحنيكا جۇمىلدىرىلعان. جىلجىمالى ۆاحتالىق كەنتتەر جۇمىستى تەۋلٸك بويى جٷرگٸزۋ ٷشٸن قاجەتتٸ جابدىقتارمەن جابدىقتالدى. قىزمەتكەرلەر تٸرشٸلٸگٸ ٷشٸن بارىنشا قولايلى جاعداي جاسالعان. وپەراتسييالىق قىزمەتتٸ اكتسيونەرلەرٸ «سامۇرىق-قازىنا» ۇەق» اق مەن «بەيتەرەك» ۇبح» اق بولىپ تابىلاتىن «استاناگاز قمگ» اق جٷزەگە اسىرادى. قۇرىلىستىڭ باس مەردٸگەرٸ بولىپ «قازقۇرىلىسسەرۆيس» مگقك» اق ايقىندالعان.
