كەلەشەكتە 2,7 ميلليون ادامدى تابيعي گازبەن قامتاماسىز ەتەتٸن «سارىارقا» گاز قۇبىرى قىزىلوردا وبلىسىنداعى «قاراٶزەك» كومپرەسسورلىق ستانساسىنان باستالادى. اتالمىش ستانسادان باستاپ قىزىلوردا, جەزقازعان, قاراعاندى, تەمٸرتاۋ, استانا باعىتى بويىنشا گاز قۇبىرى قۇرىلىسى جٷرگٸزٸلەدٸ, دەپ حابارلايدى "ۇلت اقپارات" ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
«قاراٶزەك» جاڭا ستانساسى «بەينەۋ-بوزوي-شىمكەنت» ماگيسترالدىق گاز قۇبىرىنان 944 شاقىرىمدا ورنالاسقان. وسى جىلعى سەۋٸردە اقتٶبە وبلىسىندا پايدالانۋعا بەرٸلگەن «بوزوي» ستانساسىمەن قوسارلى جۇمىسقا ەسەپتەلگەن. بۇل «بەينەۋ-بوزوي-شىمكەنت» ماگيسترالدىق گاز قۇبىرىنىڭ ٶتكٸزگٸشتٸك قابٸلەتتٸلٸگٸن 10 ملرد تەكشەمەتر گازعا دەيٸن ۇلعايتۋعا مٷمكٸندٸك بەرەدٸ.
بۇدان باسقا, «قاراٶزەك» كس قۇرىلىسى قازاقستاننىڭ استاناسى استانانى جەنە سولتٷستٸك ٶڭٸرلەردٸ الداعى گازداندىرۋدى ەسەپكە الا وتىرىپ جوسپارلانعان. بۇل ماقساتتى ورىنداۋعا ستانسا قۋاتى تولىعىمەن جەتەدٸ.
بيىل «پرەزيدەنتتٸڭ بەس ەلەۋمەتتٸك باستاماسى» اتتى حالىققا ٷندەۋٸنٸڭ بەسٸنشٸ باستاماسى «ەلدٸ گازبەن قامتاماسىز ەتۋدٸ جالعاستىرۋ» بولاتىن. وسى ورايدا, قازٸرگٸ تاڭدا, «سارىارقا» ماگيسترالدى گاز قۇبىرى قۇرىلىسىنىڭ العاشقى كەزەگٸندەگٸ قىزىلوردا-جەزقازعان-قاراعاندى-تەمٸرتاۋ-استانا باعىتىن 2018 جىلدىڭ قاراشا-جەلتوقسان ايلارىندا باستاپ, 2019 جىلدىڭ جەلتوقسان ايىندا تولىقتاي اياقتاۋ جوسپارلانۋدا.
«تولىعىراق ايتا كەتسەك, «سارىارقا» مگق جوباسى مەملەكەتتٸك ساراپتامادان ٶتكٸزٸلٸپ, تامىز ايىنىڭ اياعىندا قورىتىندىسى الىندى. العاشقى كەزەڭنٸڭ قۇرىلىسى 267 ملرد تەڭگەنٸ قۇراپ وتىر. جالپى ۇزىندىعى 1000 شاقىرىمعا سوزىلعان گاز قۇبىرى قىزىلوردا, قاراعاندى جەنە اقمولا وبلىستارىنىڭ اۋماعىنان ٶتكٸزٸلەدٸ. ونىڭ 178 شاقىرىمى سىر ٶڭٸرٸندە. جوبانى ٸسكە اسىرۋ بارىسىندا 800-گە جۋىق ادام ۋاقىتشا, قۇرىلىس اياقتالعان سوڭ 220 ازامات تۇراقتى جۇمىسپەن قامتىلادى دەپ جوسپارلانۋدا.
ايماقتا گاز قىسىمى دەڭگەيٸن رەتتەۋ ماقساتىندا تاعى ەكٸ بٸردەي كومپرەسسورلىق ستانسا سالىنۋدا. قازالى اۋدانى اقسۋات ەلدٸ مەكەنٸ مەن ارالعا قاراستى سەكسەۋٸل اۋىلىندا تۇرعىزىلىپ جاتقان بۇل نىسانداردىڭ قۇرىلىسى بيىل اياقتالۋى تيٸس», - دەدٸ وبلىستىق ەنەرگەتيكا جەنە تۇرعىن ٷي شارۋاشىلىعى باسقارماسى باسشىسىنىڭ ورىنباسارى ەرلان جولامانوۆ.
جوبانى جٷزەگە اسىرۋ ارقىلى «سارىارقا» ماگيسترالدى گاز قۇبىرىنىڭ بويىنداعى 171 ەلدٸ مەكەن تابيعي گازبەن قامتاماسىز ەتٸلەدٸ. سونىمەن قاتار, شاعىن جەنە ورتا بيزنەستٸڭ جاڭا ٶندٸرٸستەرٸن اشۋعا مٷمكٸندٸك بەرەدٸ دەپ جوسپارلانۋدا. ەڭ باستىسى, جوبانىڭ قۇرىلىس-مونتاج جۇمىستارىنىڭ بارىسىندا شامامەن ۋاقىتشا 800 ادام جۇمىسپەن قامتىلسا, ماگيسترالدىق گاز قۇبىرى ٸسكە قوسىلعاننان كەيٸن 200-دەن استام ادامدى تۇراقتى جۇمىسپەن قامتىلادى.
