تٷركٸستان وبلىسىنىڭ سارىاعاش اۋدانىنداعى «جٸبەك جولى» كەدەن بەكەتٸندەگٸ ٷش مىڭنان استام ٶزبەكستان رەسپۋبليكاسىنىڭ ازاماتى ەلٸنە ٶتكٸزٸلدٸ. كٶرشٸ ەلدٸڭ ازاماتتارى بٸرنەشە كٷننەن بەرٸ شەكارا اسا الماي, كەدەن بەكەتٸنٸڭ ماڭىندا ايالداعان بولاتىن, دەپ حابارلايدى قازاقپارات.
سارىاعاش اۋانى ەكٸمدٸگٸنٸڭ مەلٸمەتٸنشە, ٶزبەكستاندىقتار سوڭعى ەكٸ تەۋلٸكتە كەدەن بەكەتٸنەن ٶتكٸزٸلگەن. قازٸر بۇل بەكەتتٸڭ ماڭىنداعى اۆتوتۇراقتا تەك 40-قا جۋىق تەجٸكستان ازاماتى تٷنەپ قالعان.
«اۋدان ەكٸمدٸگٸنٸڭ ۇيىمداستىرۋىمەن ەلٸنە ٶتە الماي تۇرعان ازاماتتارعا ەرٸكتٸلەر جەنە دەمەۋشٸلەر تاراپىنان بٸر رەتتٸك ىستىق تاماق, باسقا دا قاجەتتٸ زاتتار بەرٸلٸپ, تيٸستٸ كٶمەكتەر كٶرسەتٸلٸپ كەلەدٸ. جاس بالالارى بار جەنە جٷكتٸ ەيەلدەر سول ماڭداعى قوناق ٷيلەرگە ورنالاستىرىلىپ, ولارعا بارلىق جاعداي جاسالىندى. ۋاقىتشا اۋماقتىڭ تازالىعى كٷندەلٸكتٸ جٷرگٸزٸلٸپ, ەر جولى جينالعان ازاماتتار شەكارادان ٶتكٸزٸلە سالا دەزينفەكتسييالاۋ جۇمىستارى جٷرگٸزٸلٸپ كەلەدٸ. كارانتين باستاعان ناۋرىز ايىنان بٷگٸنگٸ كٷنگە دەيٸن ٶزبەكستان رەسپۋبليكاسىنىڭ 47 489, تەجٸكستان رەسپۋبليكاسىنىڭ 1 554 ازاماتى ەلدەرٸنە ٶتكٸزٸلگەن» دەلٸنگەن حابارلامادا.
ايتا كەتەيٸك, كٷنٸ كەشە ٶڭٸردەگٸ ەپيدەميولوگييالىق جاعدايعا بايلانىستى بريفينگ بەرگەن تٷركٸستان وبلىسىنىڭ ەكٸمٸ ٶمٸرزاق شٶكەەۆ وسى مەسەلەگە توقتالدى. ايماق باسشىسى ناۋرىز ايىنان بەرٸ جالعاسىپ كەلە جاتقان مەسەلە ٶزەكتٸ بولىپ وتىرعانىن ايتىپ ٶتتٸ.
«ٶزبەكستانداعىلار ازاماتتارىن شەكارادان ٶتكٸزۋ ٷشٸن كارانتيندٸك تٶسەك ورىندارى جەتكٸلٸكسٸز ەكەنٸن, سول سەبەپتەن ٶزكٸزە الماي وتىرعانىن ايتقان بولاتىن. بٸزگە بۇل مەسەلە ەرينە ٷلكەن اۋىرتپاشىلىق تٷسٸرٸپ جاتىر. بۇل جەردە كەيدە ەكٸمشٸلٸك قىزمەتكەرلەرٸ, كەيدە قحا تاراپىنان ىستىق تاماقتار ۇيىمداستىرىلدى. كەيدە دەمەۋشٸلەر قول ۇشىن سوزۋدا. كەدەن بەكەتٸندە جينالعان ٷش مىڭعا تارتا ادامعا جاعداي جاساۋ ەر تٷرلٸ تەسٸلدەرمەن شەشٸلدٸ, بۇل جۇمىستار ەلٸ دە جالعاسادى. بٸز بۇل مەسەلەنٸ ٷكٸمەتتٸك دەڭگەيدە كٶتەرٸپ جاتىرمىز. بٸزدە ەكٸ ۇسىنىس بار. بٸرٸنشٸسٸ - شەكارانىڭ ارعى جاعىندا ترانزيتتٸك ايماق بار, تۇراقتايتىن جەردٸ سوندا كٶشٸرۋ. ەكٸنشٸسٸ, شەكارادان ٶتەتٸندەردٸ باسقا كەدەن بەكەتٸنە اۋىستىرۋ. ٶيتكەنٸ, «جٸبەك جولى» كەدەن بەكەتٸ ەلدٸمەكەندەرگە تىم جاقىن ورنالاسقان, قاۋٸپ تۋدىرۋى مٷمكٸن. ەگەر جاعداي وسىلاي جالعاسا بەرەتٸن بولسا, كٷن سۋىتقاننان كەيٸن ولاردى ۇستاپ تۇرۋ ٶتە قيىن بولادى», - دەدٸ ٶمٸرزاق شٶكەەۆ.
