رەجيسسەر ەدٸلحان ەرجانوۆتىڭ «سارى مىسىق» فيلمٸ قازاقستان اتىنان «وسكار» جٷلدەسٸنٸڭ «شەتەلدٸڭ ٷزدٸك فيلم» نوميناتسيياسىنا ۇسىنىلدى. كينوتۋىندىنى Short Brothers (قازاقستان), ش.ايمانوۆ اتىنداعى «قازاقفيلم» كينوستۋديياسى جەنە Arizona Productions (فرانتسييا) قومپانييالارىنىڭ قاتىسۋىمەن Zerde Films (قازاقستان) كومپانيياسى تٷسٸردٸ.
فيلم قازاقستاندىق «بونني مەن كلايدتىڭ» وقيعاسىن باياندايدى. كەرمەك ەسٸمدٸ جاس جٸگٸت تٷرمەدە جازاسىن ٶتەپ, قىلمىستىق توپ يەمدەنٸپ, ٶزٸنٸڭ قاتال زاڭدارىن ورناتقان تۋعان قالاسىنا ورالادى. جٸگٸتتٸڭ عاشىعى ەۆا قىلمىسكەرلەردٸڭ ىقپالىنان تەرٸس جولعا تٷسكەن. كەرمەك ٶزٸ دە قىلمىسقا بەلشەسٸنەن باتادى. بٸراق ول سٷيگەن قىزىمەن بٸرگە ەركٸندٸككە قول جەتكٸزٸپ, كينوتەاتر سالۋ تۋرالى ارمانىن تاستامايدى. ول قالاي دا ارمانىنا قول جەتكٸزۋگە بەل بايلايدى...
«سارى مىسىق» – رەجيسسەر ەدٸلحان ەرجانوۆتىڭ توعىزىنشى تولىقمەتراجدى كٶركەم فيلمٸ. تٷسٸرٸلٸم جۇمىستارى بىلتىر الماتى وبلىسىندا ٶتتٸ. فيلمنٸڭ باس پروديۋسەرلەرٸ: ەسەل سەدۋاقاسوۆا, قانات بيتەمٸروۆ جەنە ەربول تويباەۆ.
فيلمنٸڭ ەلەمدٸك تٷساۋكەسەرٸ 77-شٸ حالىقارالىق ۆەنەتسييا كينوفەستيۆالٸ شەڭبەرٸندە ٶتتٸ. سونداي-اق كينوتۋىندى رەسەيدٸڭ «نيكا» نوميناتسيياسىنا جەنە Asian Film Awards جٷلدەسٸنٸڭ «ٷزدٸك رەجيسسەر», «ٷزدٸك وپەراتور» جەنە «ٷزدٸك سۋرەتشٸ» ٷش بٸردەي نوميناتسيياسىنا ۇسىنىلعان بولاتىن.
وسى ۋاقىت ارالىعىندا اتالعان فيلم قىتايدا ٶتكەن «جٸبەك جولى» حالىقارالىق كينوفەستيۆالٸندە «ەرەكشە ستسەناريي» جٷلدەسٸمەن, باتۋميدە جەنە ستوكگولمدە ٶتكەن Hope International Film Festival فەستيۆالٸندە «ٷزدٸك رەجيسسەر» جٷلدەسٸمەن, «مەسكەۋلٸك تۇساۋكەسەر» كينوفەستيۆالٸندە كينوسىنشىلاردىڭ جٷلدەسٸمەن, Verona International Film Festival جەنە Brugge International Film Festival كينوفەستيۆالدەرٸندە «ٷزدٸك كٶركەم فيلم» جٷلدەسٸمەن ماراپاتتالعان بولاتىن.
فيلمنٸڭ ستسەناريي اۆتورلارى ەدٸلحان ەرجانوۆ پەن يننا سمايلوۆا. پروديۋسەرلٸك مٸندەتتٸ رەجيسسەردٸڭ تۇراقتى ەرٸپتەستەرٸ سەرٸك ەبٸشەۆ پەن ولگا حلاششەۆا اتقاردى. كارتينانىڭ كو-پروديۋسەرٸ فرانتسۋز مامانى گييوم دە سيەل. فيلمنٸڭ وپەراتورى وسىعان دەيٸن ەدٸلحان ەرجانوۆتىڭ «ٷكٸلٸ كەمشات» جەنە «اتبايدىڭ شايقاسى» فيلمدەرٸن تاسپالاعان – ەركٸنبەك پٸتٸرەليەۆ. قويۋشى سۋرەتشٸ – ەرمەك ٶتەگەنوۆ, مۋزىكاسىن اليم زايروۆ جەنە يۆان سينتسوۆ جازدى. فيلمگە ازامات نىعمانوۆ, كاميللا نۇعىمانوۆ, سانجار مادي جەنە باسقالارى تٷستٸ.
«وسكار» جٷلدەسٸنٸڭ سالتاناتتى ماراپاتتاۋ رەسٸمٸ لوس-اندجەلەستە 2022 جىلى 27 ناۋرىزدا ٶتەدٸ.
