سارايشىق قالاشىعىنىڭ ماڭىندا قاسىم حانعا مونۋمەنتالدى ەسكەرتكٸش ورناتىلادى. بۇل جايىندا قر پرەمەر-مينيسترٸ اسقار ماميننٸڭ مەجٸلٸس دەپۋتاتتارىنا بەرگەن جاۋابىندا ايتىلعان, - دەپ حابارلايدى "ۇلت اقپارات".
ايتا كەتەرلٸگٸ, پرەمەر-مينيسترگە رەسمي ساۋال جولداعان دەپۋتاتتار سارايشىق قالاشىعىنا ارنالعان ٷكٸمەتتٸڭ ارنايى كەشەندٸ شەشٸم قابىلداۋىن سۇراعان بولاتىن.
اتالعان ساۋالعا جاۋاپ بەرگەن ٷكٸمەت باسشىسى «سارايشىق» مەملەكەتتٸك تاريحي-مەدەني مۇراجاي-قورىعى» رمقك قىزمەتٸن قامتاماسىز ەتۋگە رەسپۋبليكالىق بيۋدجەتتەن 52,2 ملن تەڭگە قاراستىرىلعانىن ايتادى. سونداي-اق مۋزەي-قورىق كٶرسەتٸلەتٸن اقىلى قىزمەتتەن تٷسكەن تابىستى بەلگٸلەنگەن تەرتٸپپەن قىزمەتتٸ دامىتۋعا پايدالانادى. سارايشىق قالاشىعىن كونسەرۆاتسييالاۋ مەن قالپىنا كەلتٸرۋدٸ قامتاماسىز ەتۋ ٷشٸن 2020-2022 جىلدارعا ارنالعان رەسپۋبليكالىق بيۋدجەت جوباسىندا 58 ملن تەڭگە جەنە مۋزەي-قورىقتىڭ قىزمەتٸن قامتاماسىز ەتۋگە 163,1 ملن تەڭگە قاراستىرىلدى. مۇنان بٶلەك مەدەنيەت جەنە سپورت مينيسترلٸگٸنە 2020-2022 جىلدارعا ارنالعان رەسپۋبليكالىق بيۋدجەتتٸ ناقتىلاۋ كەزٸندە مۋزەي-قورىقتىڭ ماتەريالدىق تەحنيكالىق بازاسىنىڭ مەسەلەلەرٸن قوسىمشا قاراۋ تاپسىرىلدى.
«2020 جىلى رەسپۋبليكالىق دەڭگەيدە التىن وردانىڭ 750 جىلدىعىن مەرەكەلەۋ جوسپارلانىپ وتىر. وسىعان بايلانىستى 2020 جىلعا ارنالعان تيٸستٸ جوسپار جوباسى ەزٸرلەندٸ. 2019 جىلعى 10-11 قازاندا مۋزەي-قورىقتا تٷركييا, رەسەي, قىتاي, گەرمانييا ەلدەرٸنٸڭ وتاندىق جەنە شەتەلدٸك عالىمدارىنىڭ قاتىسۋىمەن «جوشى ۇلىسى جەنە سارايشىق-قازاق مەملەكەتتٸلٸگٸنٸڭ باستاۋىندا» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ. وسى ٸس-شارا اياسىندا مۋزەي-قورىقتىڭ ۆيرتۋالدى نۇسقاسى تانىستىرىلدى. كەلەسٸ جىلى مۋزەي-قورىقتا كەرۋەن سارايدىڭ, ورتاعاسىرلىق سارايشىق قالاشىعى تسيتادەلٸنٸڭ قاقپاسىن قالپىنا كەلتٸرۋ جەنە سارايشىق قالاشىعىنىڭ ماڭىندا قاسىم حانعا مونۋمەنتالدى ەسكەرتكٸش ورناتۋ سيياقتى ٸس-شارالار ٶتكٸزۋ جوسپارلانۋدا», - دەپ اتاپ ٶتەدٸ ٷكٸمەت باشىسى.
ا.ماميننٸڭ اتاپ ٶتٸنشە, قازٸرگٸ ۋاقىتتا عىلىمي-رەستاۆراتسييالاۋ جۇمىستارىن جٷرگٸزۋگە عىلىمي-جوبالاۋ قۇجاتتاماسى ەزٸرلەنٸپ جاتىر. سونداي-اق 2020 جىلى ورتاعاسىرلىق سارايشىق قالاشىعىنىڭ قورعاۋ ايماقتارىن انىقتاۋ بويىنشا جۇمىستار جٷرگٸزٸلەتٸن بولادى.
«بۇدان باسقا, 2020 جىلى رەسپۋبليكالىق جەنە ٶڭٸرلٸك باق-تاردا اتاۋلى كٷندٸ مٸندەتتٸ تٷردە اقپاراتتىق سٷيەمەلدەۋ جوسپارلانىپ وتىر. اتالعان ٸس-شارالار مۋزەي-قورىقتىڭ قىزمەتٸن جانداندىرۋعا باعىتتالعان. وسىعان بايلانىستى سارايشىق مۋزەي-قورىعىن دامىتۋعا ارنالعان ٷكٸمەتتٸڭ جەكەلەگەن كەشەندٸ شەشٸمٸن ەزٸرلەۋ جەنە قابىلداۋ ورىنسىز», - دەدٸ پرەمەر-مينيستر.
