جوعارى وقۋ ورىندارىندا ارحەولوگييالىق ماماندىقتى كٷشەيتۋ كەرەك. مىقتى ارحەولوگ مامان دايىنداۋ ٷشٸن قىسقا مەرزٸمدٸ ارحەولوگييالىق پراكتيكا تىم از. بۇل تۋرالى ەلوردادا ٶتكەن «سارايشىق - ۇلى دالا مۇراعاتى: مەملەكەتتٸك جەنە تاريحي ساباقتاستىق» اتتى دٶڭگەلەك ٷستەلدە ايتىلدى, دەپ حابارلايدى قازاقپارات تٸلشٸسٸ.
«بٷگٸن مەدەني مۇرامىزدى ساقتاۋ جەنە ناسيحاتتاۋ مەسەلەسٸ كٶتەرٸلٸپ وتىر. وسى شارادا ايتىلاتىن ۇسىنىستاردى جٷيەلەپ, ناقتى جۇمىس ٸستەۋگە دايىنبىز. وسى ورايدا «التىن وردا عاسىرىنا ارنايى مەملەكەتتٸك عىلىمي-زەرتتەۋ كونكۋرستارىن جارييالاۋ كەرەك« دەگەن ۇسىنىس ايتىلىپ وتىر. سوڭعى ەكٸ جىل بويى جىلدىق بيۋدجەتتەن جاس عالىمداردىڭ عىلىمي-زەرتتەۋ جۇمىستارىنا 3 ملرد تەڭگە قارجى بٶلٸنٸپ وتىر. اتالعان جوبانى جٷزەگە اسىرۋ ٷشٸن قاراجات بار دەپ ويلاڭىزدار», - دەدٸ ٶز سٶزٸندە قر پارلامەنتٸ مەجٸلٸسٸنٸڭ دەپۋتاتى بەيبٸت بايماعامبەتۇلى.
ول بىلتىر جىل سوڭىندا تاريحي-مەدەني مۇرانى ساقتاۋ تۋرالى زاڭ قابىلدانعانىن اتاپ ٶتتٸ.
«ول زاڭمەن بەرٸڭٸز تانىستىڭىزدار دەپ ويلايمىن. ەندٸ نورماتيۆتٸك-قۇقىقتىق قۇجاتتار دايىنداۋ, زاڭدى جٷزەگە اسىرۋ جۇمىستارى قر مەدەنيەت جەنە سپورت مينيسترلٸگٸنٸڭ قولىندا. تاريحي, مەدەني مۇرامىزدى ساقتاۋ ٷشٸن ەلٸمٸزدە ەكسپەديتسييا ٶتكٸزگەن دۇرىس. كٶنە جولدار, جايىلىمدار, جايلاۋ, قىستاۋلار تۇرعان جەرلەردە تاريحىمىز بار», - دەيدٸ ول.
سونداي-اق, دەپۋتات تۋريزمدٸ دامىتۋ باعىتىندا ون ايماققا باسىمدىق بەرٸلگەنٸن, ونىڭ ٸشٸندە سارايشىق جوق ەكەنٸن ايتتى.
«نەگٸزٸندە سارايشىق تۋريستٸك نىساندار قاتارىنا كٸرۋٸ كەرەك ەدٸ. ەڭ الدىمەن جوعارى وقۋ ورىندارىندا ارحەولوگييالىق ماماندىقتى كٷشەيتۋ كەرەك. مىقتى ارحەولوگ مامان دايىنداۋ ٷشٸن قىسقا مەرزٸمدٸ ارحەولوگييالىق پراكتيكا تىم از», - دەيدٸ بەيبٸت بايماعامبەتۇلى.
شارا التىن وردانىڭ 750 جىلدىعى, قاسىم حاننىڭ تۋعانىنا 575 جىل, قازاق حاندىعىنىڭ 555 جىلدىعىنا وراي ٶتتٸ.
