قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ كوميتەتٸنٸڭ تٶراعاسى سەرٸك سەپيەۆ «GGG-روللس» اندەركارتىندا دانييار ەلەۋسٸنوۆتٸڭ شارشى الاڭعا شىقپاۋىنا قاتىستى ويىن ايتتى, دەپ حابارلايدى قازاقپارات تٸلشٸسٸ.
«بۇل تۋرالى نە ايتۋعا بولادى? مەن كەسٸپقوي بوكستىڭ قىر-سىرىن تولىق بٸلمەيمٸن. ٸرٸ ايقاستاردىڭ اندەركارتىنا سپورتشىلاردى قالاي قوساتىنىنان ازداپ حابارىم بار. بۇل - ولاردىڭ قارىم-قاتىناستارى. ٶزدەرٸ شەشٸپ الار. ەكەۋٸ دە وتانداسىمىز. دانيياردى اتالمىش تٸزٸمگە نەلٸكتەن قوسپاعانىن بٸلمەيمٸن. بەلكٸم, بەلگٸلٸ بٸر نيۋانستار بار شىعار. ونىڭ بەرٸن اقىرىنا دەيٸن بٸلمەيمٸز», - دەدٸ سەرٸك سەپيەۆ بوديبيلدينگتەن ەلوردادا ٶتەتٸن ورتا ازييا چەمپيوناتىنا ارنالعان باسپاسٶز مەسليحاتىنان كەيٸن قازاقپارات تٸلشٸسٸنە.
سەرٸك سەپيەۆ ٶز سٶزٸندە كەسٸپقوي بوكستا ەرتٷرلٸ جاعدايلار بولىپ جاتاتىنىن تٸلگە تيەك ەتتٸ.
«سەبەبٸ, كەسٸپقوي بوكستا ەربٸر بوكسشى بەلگٸلٸ بٸر قارسىلاستى شاقىرادى دەلٸك. ال شىنتۋايتىندا ول وسى شاقىرۋىمەن ٷلكەن گونورار سۇراپ تۇرعان بولار. مەسەلەن, اعىلشىن بوكسشىسى دجو سوندەرس كەۋدەسٸن توقپاقتاپ, گولوۆكيندٸ جەكپە-جەككە شاقىردى. گەنا ەلبەتتە, ونىمەن قۋانا-قۋانا شىعار ەدٸ. بٸراق, سوندەرستٸڭ پروموۋتەرلەرٸ گولوۆكيننٸڭ كٶڭٸلٸنەن شىقپايتىن شارتتاردى اتادى. ال شىنتۋايتىندا باسىمدىق گولوۆكيندە ەدٸ. ول - «ا» ساناتىنداعى بوكسشى. ولار بولسا, مەنٸڭ ويىمشا, ەدٸلەتسٸز شارتتاردى ۇسىنعان بولۋى كەرەك. بۇل رەتتە گولوۆكين نەگٸزگٸ شارتتى اتايتىن بوكسشى ەدٸ. ولار بولسا, ەشبٸر بوكسشى كەلٸسپەيتٸندەي شارتتى ۇسىندى. سوندىقتان, ايقاس تا ۇيىمداستىرىلمادى. وسىنداي نيۋانس بار. سول سەكٸلدٸ, گولوۆكين مەن ەلەۋسٸنوۆتە دە... بٸلمەيمٸن, بەلكٸم, ول جەردە دە قانداي دا بٸر ٸشكٸ نيۋانستار بار شىعار. كٶپشٸلٸككە اقپارات تاراتىلىپ كەتەدٸ. ال بۇل جەردە ەكەۋٸ دە ايتقىسى كەلمەيتٸن بەلگٸلٸ بٸر جاي بولۋى مٷمكٸن. بٸز بٸلمەيمٸز», - دەدٸ سەرٸك سەپيەۆ.
ەسكە سالا كەتسەك, تاياۋدا دانييار ەلەۋسٸنوۆتٸڭ گولوۆكيننٸڭ جەكپە-جەگٸندە ٶنەر كٶرسەتپەيتٸنٸ بەلگٸلٸ بولعان ەدٸ. بوكسشىنىڭ مەنەدجەرٸ زييا اليەۆ Sports.kz-كە بەرگەن سۇحباتىندا ەلەۋسٸنوۆتٸڭ 8 ماۋسىمداعى گولوۆكين-روللس اندەركارتىنداعى جەكپە-جەگٸ بەلگٸسٸز سەبەپتەرگە بايلانىستى بولمايتىنىن جەتكٸزگەن.
كەيٸن بۇل مەسەلەگە قاتىستى قر كەسٸپقوي بوكس فەدەراتسيياسىنىڭ ۆيتسە-پرەزيدەنتٸ ۆيكتور دەميانەنكو پٸكٸر بٸلدٸرٸپ, گولوۆكين مەن ەلەۋسٸنوۆ اراسىندا قانداي دا بٸر تٷسٸنبەۋشٸلٸك بار دەگەنگە سەنبەيتٸنٸن ايتقان بولاتىن.
