تاراز قالاسىنداعى مارس ٷركٸمباەۆ اتىنداعى جاستار سارايىندا جەتٸم بالالار مەن اتا-اناسىنىڭ قامقورلىعىنسىز قالعان بالالاردى ەلەۋمەتتٸك قولداۋ بويىنشا «مەيٸرٸم» جوباسىنىڭ تۇساۋكەسەرٸ ٶتتٸ, دەپ حابارلايدى "ۇلت اقپارات".
وبلىستا 18 جاسقا دەيٸنگٸ بارلىعى 433 مىڭ بالا تۇرادى. ونىڭ ٸشٸندە 1352 بالا جەتٸم جەنە اتا-اناسىنىڭ قامقورلىعىنسىز قالعان بالالار. وسى ەلەۋمەتتٸك ساناتقا جاتاتىن 113 بالا وبلىستىڭ مەملەكەتتٸك مەكەمەلەرٸندە تەربيەلەنۋدە.
جوبانىڭ تۇساۋكەسەرٸنە كەلگەن قوناقتار الدىمەن جاستار سارايىنىڭ فوەسٸندە ەزٸرلەنگەن ٶمٸرلٸك قيىن جاعدايداعى بالالاردى قولداۋ جٶنٸندەگٸ وبلىستىق ورتالىقتىڭ بالالارىنا ارنالعان سۋرەتتەر مەن قولٶنەر بۇيىمدارىنىڭ كٶرمەسٸمەن تانىستى.
«بٸزدە بارلىعى 70 بالا بار, ولاردىڭ 49-ى وسى «مەيٸرٸم» جوباسىنا ەندٸ, ال بٷگٸن كٶمەككە مۇقتاج التى بالا شاراعا قاتىسۋدا», - دەيدٸ ٶمٸرلٸك قيىن جاعدايداعى بالالاردى قولداۋ ورتالىعىنىڭ ديرەكتورى ايجان مەيٸرحانوۆا.
«مەيٸرٸم» جوباسىنىڭ تۇجىرىمداماسىنا سەيكەس 134 جەتٸم بالا وبلىستىڭ 87 مەملەكەتتٸك مەكەمەسٸ مەن ٸرٸ كەسٸپورىندارىنىڭ باسشىلارىنا بەكٸتٸلگەن. مەملەكەتتٸك ورگاندار مەن بيزنەس قۇرىلىمداردىڭ باسشىلارى بۇل بالالاردى ودان ەرٸ ەلەۋمەتتٸك قامتاماسىز ەتۋ ٷشٸن بارلىق جاعداي جاسايتىن بولادى. اتاپ ايتقاندا, ولار بالالاردىڭ تۇرعىن ٷي جيناق شوتتارىن كەزەڭ-كەزەڭٸمەن تولىقتىرۋدى ۇيىمداستىرادى جەنە جان-جاقتى قولداۋ كٶرسەتەدٸ. دەمەۋشٸلەر بالالاردى تۇراقتى جۇمىسپەن جەنە تۇرعىن ٷيمەن قامتاماسىز ەتۋ مەسەلەلەرٸن شەشەدٸ.
«بٷگٸنگٸ كٷنگە دەيٸن ەلەۋمەتتٸك بەيٸمدەۋ, بٸلٸم بەرۋ جەنە جۇمىسپەن قامتۋ, وتباسىن قۇرۋ, جەتٸم بالالار مەن اتا-اناسىنىڭ قامقورلىعىنسىز قالعان بالالاردى, ارنايى مەكەمەلەردٸڭ تٷلەكتەرٸن تۇرعىن ٷيمەن قامتاماسىز ەتۋ شارالارى ٶزەكتٸ بولىپ قالىپ وتىر», - دەدٸ تانىستىرىلىم بارىسىندا وبلىس ەكٸمٸ بەردٸبەك ساپارباەۆ.
بۇل اۋقىمدى جوبانىڭ ماقساتى – ەلەۋمەتتٸك جەنە قۇقىقتىق كەپٸلدٸكتەردٸ قامتاماسىز ەتۋ ارقىلى جەتٸم بالالار مەن اتا-اناسىنىڭ قامقورلىعىنسىز قالعان بالالاردىڭ ٶمٸر سٷرۋ ساپاسىن جاقسارتۋ. تاريحقا زەر سالساق, ۇلى دالادا ەشقاشان جەتٸمدەر بولعان ەمەس, الايدا, ۇجىمداستىرۋ, جاپپاي قۋعىن-سٷرگٸن جەنە حالىقتاردىڭ قازاقستانعا جەر اۋدارىلۋ, سوعىس كەزەڭٸندەگٸ قيىندىقتار جەتٸمدٸك جاعدايلارىن تۋدىردى. ال بٷگٸنگٸدەي تىنىش ەرٸ بەيبٸت, توقشىلىق كەزدە بٸز بالالارىمىزدىڭ ەشقايسىسىنا جەتٸمدٸك تاۋقىمەتٸن تارتقىزباۋعا تيسٸپٸز, بارشامىز بٸرگە ولارعا قامقورلىق تانتۋىمىز كەرەك. جوبانىڭ باستاماشىسى رەتٸندە وبلىس ەكٸمٸ بەردٸبەك ساپارباەۆ ٶمٸرلٸك قيىن جاعدايعا تاپ بولعان بالالاردى قولداۋ ورتالىعىنىڭ تەربيەلەنۋشٸسٸ, 6-سىنىپ وقۋشىسى البينا قادىروۆاعا ٶمٸرلٸك قولداۋ جٶنٸندەگٸ ەلەۋمەتتٸك كەلٸسٸمشارتقا بٸرٸنشٸ بولىپ قول قويدى. باسقا بالالار بويىنشا وسىنداي كەلٸسٸمدەرگە ٸرٸ كەسٸپورىنداردىڭ باسشىلارى مەن ايماقتاعى بەدەلدٸ تۇلعالار دا قول قويدى. ولاردىڭ قاتارىندا «قازفوسفات» جشس باس ديرەكتورى مۇقاش ەسكەندٸروۆ, «التايس گرۋپپ» جشس ديرەكتورى ەلٸمبەك جۇماباەۆ, «ارايسترويماركەت-2003» جشس ديرەكتورى ارمان ەدٸلباەۆ, «گاۋگارتاس» مەيرامحاناسىنىڭ ديرەكتورى مەرۋەرت لەشتاەۆا جەنە تاعى باسقالارى بار.
وسى كەلٸسٸمدەر اياسىندا بەس بالاعا ميلليون تەڭگەلٸك سەرتيفيكاتتار تابىستالدى. بۇل اقشا ولاردىڭ «تۇرعىن ٷي قۇرىلىس جيناق بانكٸ» اق-ىنداعى تۇرعىن ٷي جەنە جيناق شوتتارىنا تٷسەدٸ. 18 جاسقا تولعاننان كەيٸن ورتالىق تەربيەلەنۋشٸلەرٸ ولاردى جەكە تۇرعىن ٷي ساتىپ الۋ ٷشٸن پايدالانا الادى. وعان دەيٸن ولاردىڭ قامقورشىلارى مٷمكٸندٸگٸنشە وسى شوتتى تولتىرىپ وتىرادى.
