قر پرەمەر-مينيسترٸنٸڭ ورىنباسارى بەردٸبەك ساپارباەۆ باستاعان ٷكٸمەتتٸك جۇمىس توبى سولتٷستٸك قازاقستان وبلىسىنا كەلدٸ. ونىڭ قۇرامىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ, بٸلٸم جەنە عىلىم ۆيتسە-مينيسترٸ شولپان كارينوۆا, دەنساۋلىق ساقتاۋ مينيسترٸ كامالجان نادىروۆ, مەدەنيەت جەنە سپورت مينيسترٸ ەلدوس رامازانوۆ, اقپارات جەنە قوعامدىق دامۋ ۆيتسە-مينيسترٸ دانييار ەسين بار.
استانالىقتاردىڭ جۇمىس ساپارى قىزىلجار اۋدانىنداعى ەڭبەك كٷشٸ مول ٶڭٸرلەردەن قونىس اۋدارۋشىلارعا ارنالعان تۇرعىن ٷيلەردٸ ارالاۋدان باستالدى. بۇل ٷيلەر ٶنٸمدٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ "ەڭبەك" مەملەكەتتٸك باعدارلاماسى اياسىندا سالىنۋدا. بيىل وبلىسىمىزعا 688 وتباسى قونىس اۋداردى. ونداعى 2060 ادامنىڭ 1031-ٸ جۇمىسقا قابٸلەتتٸ جاستا, 935 – جەتكٸنشەك, 57 – ستۋدەنت, 37 – زەينەتكەر. وبلىستىڭ ەلەۋمەتتٸك-ەكونوميكالىق دامۋىنىڭ كەشەندٸ جوسپارى نەگٸزٸندە 2142 ٷيدٸڭ قۇرىلىسى قاراستىرىلعان. 428 ٷي بيىل سالىندى. ەكٸ جاتىن بٶلمە, زال جەنە اس ٷي 120 شارشى مەتردٸ قۇرايدى.
بەردٸبەك ساپارباەۆ قىزىلجار اۋدانىنىڭ بەيتەرەك اۋىلىندا تۇرعىزىلعان ٷيلەردٸ ارالاپ, قونىستانۋشىلارمەن ەمەن-جارقىن ەڭگٸمەلەستٸ. "جىلۋ ٷيگە كٸرٸپ, ٶمٸر سٷرە بەرۋگە بولادى", – دەيدٸ رۋسلان ناسىروۆ. ول بۇل اۋىلعا مامىر ايىندا ەيەلٸ جەنە ەكٸ بالاسىمەن تٷركٸستان وبلىسى قازىعۇرت اۋدانىنان قونىس اۋدارىپ كەلگەن. ٶز شەشٸمٸنٸڭ دۇرىس ەكەندٸگٸنە كٶزٸ جەتكەن وتاعاسى وسى اۋىلدى تۇراقتاپ قالماق.
"بۇل ٶڭٸردٸڭ توپىراعىن العاش دوسىما قوناققا كەلٸپ باسقان بولاتىنمىن. مەنٸ كٶشۋگە كٶندٸرگەن سول. جۇمىسپەن قامتۋ ورتالىعىنا بارىپ, قانداي بوس جۇمىس ورىندارى بار ەكەنٸن سۇرادىم. ونداعى ماماندار بارلىعىن تٷسٸندٸردٸ, شارتتارعا قۇلاعدار ەتتٸ. بٸرنەشە جۇمىس ورنىن ۇسىنىپ, تاڭداۋ جاساۋعا مٷمكٸندٸك جاسادى. باسپانا مەسەلەسٸ وڭاي شەشٸلەتٸنٸن ايتتى. بٸز – جاس وتباسىمىز. قول جەتكٸزۋگە تيٸستٸ جوسپارىمىز دا كٶپ. بەيتەرەك بٸزگە ۇنادى. ادامدارى كەڭپەيٸلدٸ, كٶمەك قولىن سوزعا قاشاندا دايىن, – دەيدٸ رۋسلان ناسىروۆ.
جاڭا ٷيلەر جىلى, جارىق, قولايلى. تۇرعىنداردىڭ كٶڭٸلٸنەن شىعىپ وتىر.
جۇمىس توبى اتباسىن تٸرەگەن كەلەسٸ نىسان – جەرگٸلٸكتٸ مەكتەپ بولدى. قوناقتار بەيتەرەك اۋىلىنىڭ تۇرعىندارىمەن كەزدەسٸپ, جىلى سٶزدەر ەستٸدٸ. تۇرعىندار اۋىلىنىڭ بٸر ورىندا تۇرماي دامىپ, كٶركەيٸپ كەلە جاتقاندىعىن ماقتانىشپەن ايتتى. سۋ, كوممۋنيكاتسييا مەسەلەسٸندە ەش قيىندىق جوق. تۇرعىندار ٷكٸمەت باسشىسىنىڭ ورىنباسارىنا تەك بالاباقشانىڭ جٸتٸسپەيتٸندٸگٸن ايتىپ, وسى مەسەلەگە قولعابىس جاساۋدى ٶتٸندٸ.
ۆيتسە-پرەمەر بەسكٶل اۋىلىندا دا بولدى. اۋدان ەكٸمدٸگٸندە جۇمىس توبىنىڭ حالىقپەن كەزدەسۋٸ ۇيىمداستىرىلدى. قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ كٶپبالالى جەنە از قامتىلعان وتباسىلاردى قولداۋدىڭ جاڭا تەسٸلدەرٸ تۋرالى ەگجەي-تەگجەيلٸ ايتىپ بەردٸ.
بەردٸبەك ساپارباەۆ جۇمىس توبىنىڭ باستى مٸندەتٸ حالىقتىڭ ٶمٸر سٷرۋ ساپاسىن باعالاۋ جەنە پروبلەمالىق مەسەلەلەردٸ شەشۋگە جەردەمدەسۋ دەپ اتاپ كٶرسەتتٸ. ەسٸرەسە, بٸلٸم جەنە دەنساۋلىق ساقتاۋ سيياقتى ماڭىزدى ەلەۋمەتتٸك سالالارعا ەرەكشە توقتالدى.
"12 جىلدىق بٸلٸم بەرۋگە كٶشۋگە كەلەتٸن بولساق, قازٸر ارنايى توپ جۇمىس ٸستەۋدە. پرەزيدەنت ەڭ باستىسى مەكتەپتەردٸڭ, مۇعالٸمدەردٸڭ, وقۋلىقتاردىڭ دايىندىعىن شەشٸپ بارىپ, اسىقپاي ورىنداۋعا تاپسىرما بەرگەن بولاتىن, – دەگەن ۆيتسە-پرەمەر سٶزٸن جالعاپ –اۋىلدىق جەرلەردە مۇعالٸمدەردٸڭ جەتٸسپەۋشٸلٸگٸ بولماسا, بۇل سالادا باسقا ٶزەكتٸ مەسەلە جوق. "ديپلوممەن اۋىلعا" باعدارلاماسى بويىنشا بٸز جەرگٸلٸكتٸ اتقارۋشى ورگاندارمەن جۇمىستى شيراتىپ, مۇعالٸمدەرگە تيٸستٸ جاعدايدى قامتاماسىز ەتۋٸمٸز كەرەك. مەكتەپتەردٸ زەرتحانالارمەن, كابينەتتەرمەن جابدىقتاۋ بويىنشا جۇمىستار قارقىندى جالعاسىن تابادى».
سونداي-اق بەردٸبەك ساپارباەۆ ازاماتتاردى مەملەكەت بەرەتٸن مٷمكٸندٸكتەردٸ پايدالانۋعا جەنە مەملەكەتتٸك باعدارلامالارعا قاتىسۋعا شاقىردى. "تٷرلٸ سالادا 14 مەملەكەتتٸك باعدارلاما بار. ولار ارقىلى 500 مىڭ تەڭگەگە تەگٸن گرانت الۋ مٷمكٸندٸگٸ بار, سونداي-اق جەڭٸلدٸكپەن ميكروكرەديت الۋعا دا بولادى. بٸراق, ٶكٸنٸشكە وراي, كٶپشٸلٸك قولجەتٸمدٸ مەحانيزمدەردٸ پايدالانبايدى. بٸرەۋ بٸلسە, بٸرەۋ بٸلمەيدٸ. ەڭ باستىسى – ادامنىڭ ٶز ٸسٸن اشۋعا دەگەن نيەتٸ. بٸز بۇل تەتٸكتەردٸڭ حالىق ٷشٸن جۇمىس ٸستەۋٸن كٶزدەيمٸز. تۇرعىندار بۇل كٶمەكتەردٸ پايدالانىپ, جۇمىس ٸستەپ, اقشا تاۋىپ, وتباسىلارىن اسىراي الۋى ٷشٸن باعدارلامالاردى ودان ەرٸ جەتٸلدٸرە تٷسەمٸز, – دەپ اتاپ ٶتتٸ بەردٸبەك ساپارباەۆ.
كەزدەسۋ سوڭىندا جۇمىس توبىنىڭ مٷشەلەرٸ حالىقتىڭ سۇراقتارىنا جاۋاپ بەردٸ.
