اقتٶبە وبلىسىنىڭ ەكٸمٸ بەردٸبەك ساپارباەۆ تەرروريزم جەنە دٸني ەكسترەميزممەن كٷرەس جولىندا بٸرقاتار ۇسىنىس ايتتى, دەپ حابارلايدى قازاقپارات تٸلشٸسٸ.
اقتٶبەدە پارلامەنت مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸ كٶشپەلٸ وتىرىس ٶتكٸزگەن بولاتىن. جيىن كەزٸندە مەجٸلٸس تٶراعاسى نۇرلان نىعماتۋللين تەررورلىق ەرەكەتتٸ جٷزەگە اسىرماق بولعان 220-دان استام ادامنىڭ جازالانعانىن ايتتى.
قازٸر اقتٶبە وبلىسىندا جاعداي تۇراقتى. ٶتكەن جىلى باس پروكۋراتۋرانىڭ «حالىق قاۋٸپسٸزدٸگٸ ٷشٸن» اتتى جۇمىسى بيىل جەرگٸلٸكتٸ جەردە جالعاسىپ, جات اعىمدى ناسيحاتتايتىن بٸرقاتار سايتتار جابىلدى. دەگەنمەن مەسەلە ەلٸ تولىققاندى شەشٸمٸن تاپقان جوق.
«قۇقىق قورعاۋ ورگاندارى سالافيزم باعىتىن ۇستاناتىن 64 ادامدى ۇستادى. بۇل باعىتتاعى جۇمىس ەرٸ قاراي جالعاسادى. سونىمەن قاتار, سول قۇقىق قورعاۋ ورگاندارىمەن بٸرلەسە وتىرىپ جات اعىم جەتەگٸندە جٷرگەن ادامداردىڭ تولىق تٸزٸمٸ جاسالدى. قازٸر ولاردىڭ سانى - 2255. ٶتكەن جىلى 2450 ادام بولعان ەدٸ. سوڭعى 7 ايدا دەسترۋكتيۆتٸ دٸندٸ ۇستاناتىندار 197 ادامعا دەيٸن قىسقاردى. بٸزدە ەرقايسىسى تۋرالى اقپارات بار. ولاردىڭ نەمەن اينالىساتىنى, قايدا جۇمىس ٸستەيتٸنٸ, كٸمدەرمەن ارالاساتىنى, وتباسى تۋرالى تولىق مەلٸمەت جيناقتالعان, جەكە جۇمىس جٷرٸپ جاتىر. ەسٸرەسە, اۋىلدا. ەكٸمنەن باستاپ, ۋچاسكەلٸك ينسپەكتور, ارداگەرلەر, قوعامدىق ۇيىم ٶكٸلدەرٸ تٷسٸندٸرۋ جۇمىستارىن جالعاستىرىپ كەلەدٸ», - دەدٸ وبلىس ەكٸمٸ بەردٸبەك ساپارباەۆ.
قازٸر اقتٶبەدەگٸ قارۋ-جاراق دٷكەندەرٸنٸڭ بەرٸندە دابىل تٷيمەسٸ جۇمىس ٸستەپ تۇر. بەرٸنە بەينەكامەرا قوندىرىلىپ, قارۋ-جاراق ساقتاۋ قويماسىنىڭ قاۋٸپسٸزدٸگٸ كٷشتەيتٸلدٸ. دٷكەندەردەن تٷسەتٸن دابىل الدىمەن وبلىستىق ٸشكٸ ٸستەر دەپارتامەنتٸنٸڭ ارنايى قىزمەتٸنە, حالىققا قىزمەت كٶرسەتۋ ورتالىعىنا جەتەدٸ. جيىن كەزٸندە وبلىس ەكٸمٸ بەردٸبەك ساپارباەۆ تەرروريزم جەنە دٸني ەكسترەميزممەن كٷرەستٸڭ بٸرنەشە جولىن ۇسىندى.
«الدىمەن سالافيزمگە زاڭدى تٷردە تىيىم سالۋ قاجەت. سونىمەن قاتار, ەلٸمٸز بويىنشا تىيىم سالىنعان ەدەبيەتتەر تٸزٸمٸن قايتا قاراپ, ولاردى جويۋ جۇمىستارىن جانداندىرعان دۇرىس. بٸزگە ەيەل تەولوگتار كەرەك. سەبەبٸ جات اعىم جەتەگٸندە جٷرگەندەردٸڭ 30 پايىزى ەيەلدەر. بالالاردى ۆاكتسيناتسييالاۋ دا ماڭىزدى. بۇل پروبلەما الداعى ۋاقىتتا ۋشىعىپ كەتۋٸ مٷمكٸن. قازٸر ٶڭٸردە 2500-دەن استام بالا ەكپە الماعان. بەرٸ سول دٸني كٶزقاراستا جٷرگەن اتا-انالاردىڭ بالالارى. دٸني جوعارى بٸلٸمدٸ شەتەلدە ەمەس, ەلٸمٸزدە العان دۇرىس. بٸزدٸڭ ويىمىزشا, جەرگٸلٸكتٸ جەردەگٸ جوعارى وقۋ ورىندارىندا تەولوگتار دايىنداۋ كەرەك. سەبەبٸ, قازٸر تەولوگ مامان تاپشى. مەكتەپتەردە دٸني كيٸمدەر كييۋگە دە تىيىم سالعان جٶن», - دەدٸ بەردٸبەك ساپارباەۆ.
