«قازاقستاننىڭ 100 جاڭا ەسٸمٸ» جوباسى جەڭٸمپازدارىنىڭ اراسىندا ەيگٸلٸ يلون ماسك ۇيىمداستىرىپ جاتقان حالىقارالىق كونكۋرستىڭ فيناليسٸ سانجار تايجان دا بار, دەپ حابارلايدى قازاقپارات.
پرەزيدەنت قاسىم-جومارت توقاەۆپەن كەزدەسۋدە سٶز سٶيلەگەن تالاپتى جاسپەن شارادان كەيٸن شاعىن سۇحبات قۇرۋدىڭ سەتٸ تٷسكەن بولاتىن.
«قازٸر جاسىم 23-تە. بالا كٷنٸمدە كٸم بولاتىنىمىدى ناقتى بٸلمەسەم دە, تەحنولوگيياعا ەۋەس بولىپ ٶستٸم. كٷن سايىن تاڭعى شايدىڭ الدىندا وتباسىلىق كٶلٸگٸمٸزگە بارىپ امانداساتىنمىن. تٶرت جاسىمدا ماشينالاردىڭ بارلىق ماركاسىن جاتقا بٸلەتٸن ەدٸم. اتا-اناما بۇل كٷلكٸلٸ كٶرٸنەتٸن. ال 6 جاسىمدا ٶزٸم ويلاپ تاباتىن اۆتوموبيل برەندٸنە «تايسان موتورس» دەپ ات قويام دەپ شەشتٸم. قازٸر سول ارمانىمدى ٸسكە اسىرۋعا جاقىن تۇرمىن», - دەپ باستادى ول ەڭگٸمەسٸن.
ۇلىبريتانييادا بٸلٸم العان جاس ينجەنەر 2017 جىلى Bellerbys CollegeCembridge-دٸڭ «جىل ستۋدەنتٸ» اتانادى. سودان بەرٸ عىلىمعا ارقا سٷيەگەن جاستىڭ ايى وڭىنان تۋىپ كەلەدٸ.
«بٷگٸنگە دەيٸن ەلەمنٸڭ 20 ەلٸنەن 400-دەن استام ينجەنەرٸن تارتا وتىرىپ, وزىق تەحنولوگييالارمەن بايلانىستى بٸرنەشە جوباعا قاتىستىم. ونداعى ماقساتىمىز – كٶلٸكتەردٸ تيٸمدٸ ەرٸ قولايلى ەتە تٷسۋ بولدى. جۋىقتا يلون ماسكپەن كەزدەسەمٸن. ول بٸزدٸڭ يدەيامىزعا قىزىعۋشىلىق تانىتىپ وتىر. ال ول ماعان قايتپايتىن قايسارلىعىمەن ۇنايدى. وسىنداي تەجٸريبەنٸڭ ارقاسىندا ٶز يدەيالارىمىزدى سوڭىنا دەيٸن ٸسكە اسىرا الاتىنىمىزعا سەنٸمدٸمٸن. مەملەكەتٸمٸزدٸڭ بولاشاعى دەگەن سول», - دەيدٸ سانجار.
سوڭعى جىلدارى جاھاندىق اۋقىمدا تەحنولوگييالىق ترەندتەردٸڭ كٶشٸن باستاپ كەلە جاتقان يلون ماسكتٸڭ كٶزٸنە تٷسۋ وڭاي ەمەس ەكەنٸ بەلگٸلٸ. سانجار بۇل ٸسكە ناقتى جوسپارمەن كٸرٸسكەنٸن ايتادى.
«2017 جىلى مەن ۋورۆيك ۋنيۆەرسيتەتٸنە تٷسٸپ, يلون ماسكتٸڭ تۋرنيرٸنە قاتىساتىن ەكٸ كوماندانى جاساقتادىم. بٸرٸنشٸ كوماندام – Warwick Hyperloop. بۇل كوماندامەن SpaceX Hyperloop تۋرنيرٸندە جارتىلاي فينالعا ٶتٸپ, 1600 كوماندانىڭ اراسىنان ٷزدٸك 35 ۇجىمنىڭ ٸشٸنە كٸردٸك.
ەكٸنشٸ كوماندامنىڭ اتى – Warwick Boring. بۇل كوماندامەن فينالعا ٶتٸپ وتىرمىز. قازٸر بٷكٸل كوماندامىزبەن امەريكاداعى كونكۋرستىڭ فينالىنا دايىندالىپ جاتىرمىز. وسى جازدا يلون ماسكتٸڭ ٶزٸنە بۇرعىلاۋشى ماشينانىڭ پروتوتيپٸن تانىستىرامىز. ول جەردە ەلەمدەگٸ ٷزدٸك يننوۆاتورلاردىڭ توپ-3 پايىزى قاتىسادى. بٸز ٶزٸمٸز جاساعان يننوۆاتسييالىق تەحنولوگييا ەلەمگە 3D ٶلشەممەن قوزعالۋعا مٷمكٸندٸك بەرەتٸنٸنە سەنٸمدٸمٸز. قازٸر بەرٸمٸز 2D ٶلشەممەن قوزعالىپ جٷرمٸز. بۇل كونكۋرسقا باسىندا 400 كوماندا ٸرٸكتەپ الىنعان بولاتىن. قازٸر فينالدا 12 كوماندا قالدىق», - دەپ تٷسٸندٸردٸ جاس ينجەنەر.
جوبانىڭ بولاشاعىنا ۋورۆيك ۋنيۆەرسيتەتٸنٸڭ باسشىلىعى دا سەنٸممەن قاراعان سىڭايلى. پروتوتيپتٸ جاساۋعا جان-جاقتى قولداۋ كٶرسەتكەن ەكەن.
«بۇل عىلىمي جوبانى نەگٸزٸنەن ٶزٸم وقىعان ۋنيۆەرسيتەت قارجىلاندىردى. ول جاعىنان ۋنيۆەرسيتەتٸمٸز جاقسى قولداۋ كٶرسەتەدٸ. تۋرنير بٸتكەن سوڭ قازاقستانعا قايتىپ كەلٸپ, كٶلٸكپەن جەنە تەحنولوگييالارمەن بايلانىستى جوبالاردى ٸسكە اسىرۋدى جوسپارلاپ وتىرمىن», - دەدٸ سانجار تايجان.
ونىڭ قازاقستاندا كٶلٸكپەن بايلانىستى تەحنولوگييالىق جوبالاردى قولعا الام دەپ وتىرۋى بەكەر ەمەس. بٸرٸنشٸدەن, بالا كٷنٸنەن بەرٸ «تايسان موتورس» دەپ ات قويعان جانىنا ەڭ جاقىن جوبانى ٶز ەلٸندە ٸسكە اسىرعىسى كەلەدٸ. ەكٸنشٸدەن, بۇعان دەيٸن ەيگٸلٸ Jaguar كومپانيياسىنىڭ بازاسىندا بۇل سالاداعى بٸلٸمٸن ٸس جٷزٸندە سىناپ, ناقتى تابىسقا جەتكەن بولاتىن.
«راسىمەن دە مەن Jaguar Land Rover كومپانيياسىنىڭ ليتيي باتارەياسىنىڭ ينجەنەرٸ بولىپ جۇمىس ٸستەدٸم. ول جەردە ەلەكتروموبيلدەرگە ارنالعان باتارەيالاردىڭ كەلەشەك نۇسقالارىن دايىندادىم. نەتيجەسٸندە مەنٸڭ جۇمىسىم ەلكتروموبيلدەردٸڭ جٷرۋ ۇزاقتىعىن 8 پايىزعا ۇزارتتى. بيىلدان باستاپ Jaguar-دىڭ بارلىق ەلەكتروموبيلدەرٸ مەن مودەلدەگەن باتارەيالارمەن جٷرە باستايدى», - دەيدٸ «100 جاڭا ەسٸم» جەڭٸمپازى.
سٶز سوڭىندا ٶنەرتاپقىش ەلەمنٸڭ ەر تٷكپٸرٸندە جٷرگەن تالانتتى قازاقستاندىقتار ەلگە ورالسا دەگەن ارمانى بار ەكەنٸن جەتكٸزدٸ
«ماعان قازاقستانداعى مورالدىق قولداۋ قاتتى سەزٸلەدٸ. وسى ٷشٸن ٶتە ريزامىن. مەملەكەت جوبالارىمىزدى قازاقستاننىڭ ٶزٸندە ٸسكە اسىرعانىمىزدى قالايدى. سول مٷمكٸندٸكتٸ پايدالانىپ قازاقستاندىق ەلەكتروكار جاساپ شىعارماقشىمىن. ول كٶلٸك بٷكٸل قازاقستاندىقتار ٷشٸن قولجەتٸمدٸ جەنە تيٸمدٸ بولاتىنىنا شىن نيەتٸممەن سەنەمٸن. وسى جوبانىڭ قازاقستاندا سەتتٸ ٸسكە اسقانىن كٶرٸپ ەلەمنٸڭ ەر تٷكپٸرٸندە جٷرگەن تالانتتى قازاقستاندىقتاردىڭ وتانعا ورالعانىن شىن جٷرەگٸممەن قالايمىن. مەملەكەتتٸڭ جاستاردى قالاي قولداپ جاتقانىن كٶرٸپ جٷرمٸز. مەن جۋىق ارادا ەلٸمٸزدە ەلەمدٸك اۋقىمداعى تىڭ جوبالار سەتتٸ ٸسكە اسقانىن كٶرەتٸمٸزگە سەنٸمدٸمٸن», - دەدٸ ٶنەرتاپقىش.
