فوتو: الماتى ەكٸمدٸگٸ
2025 جىلى الماتى تۋريزم سالاسىندا تۇراقتى ٶسٸم كٶرسەتتٸ: توعىز اي ٸشٸندە قالاعا شامامەن 1,87 ملن ادام كەلدٸ, بۇل ٶتكەن جىلمەن سالىستىرعاندا 8% كٶپ. ولاردىڭ ٸشٸندە 563 مىڭنان استام شەتەلدٸك جەنە 1,3 ملن ٸشكٸ تۋريست بار. بۇل تۋرالى قالالىق تۋريزم باسقارماسىنىڭ ٶكٸلدەرٸ ايتتى, دەپ حابارلايدى Ult.kz.
ۆەدومستۆو دەرەگٸنشە, سالانىڭ ينۆەستيتسيياسى 39,4%-عا ٶسٸپ, 198,8 ملرد تەڭگەگە جەتتٸ. جەكە ينۆەستيتسييا ەسەبٸنەن 941 نٶمٸرلٸ قوناق ٷيلەر, جاتاقحانالار جەنە دەمالىس بازالارى بار 48 جاڭا نىسان اشىلدى.
الماتى حالىقارالىق دەڭگەيدە تانىلىپ كەلەدٸ: Bloomberg بويىنشا قالا ەلەمنٸڭ 25 ٷزدٸك قالاسىنىڭ قاتارىنا ەندٸ, ال Booking.com دەرەگٸنشە, ورتالىق ازييانىڭ تەز دامىپ كەلە جاتقان 10 تۋريستٸك باعىتىنىڭ بٸرٸ. CNN جەنە The Telegraph قالانى ايماقتىڭ نەگٸزگٸ تۋريستٸك نٷكتەسٸ رەتٸندە اتادى.
ٸس-شارا تۋريزمٸ دە جاڭا دەڭگەيگە كٶتەرٸلدٸ: «ALA CRAFT 2025» حالىقارالىق قولٶنەر فەستيۆالٸ 15 ەلدەن شەبەرلەردٸ جينادى, ال ٸسكەرلٸك MICE – ٸس-شارالارعا ەلەمنٸڭ تٷكپٸر-تٷكپٸرٸنەن 5,7 مىڭنان استام ادام قاتىستى.
قالا ينفراقۇرىلىمى دامۋىن جالعاستىرىپ كەلەدٸ. «الما-اراسان» تەرمالدى بۇلاعى قايتا جاڭارتىلدى, 10 تۋريستٸك مارشرۋت كٶركەيتٸلدٸ, كٷن پانەلدەرٸ بار كەمپينگتەر مەن تاۋعا شىققاندا ەسەپكە الاتىن قۇرىلعى ورناتىلدى. تۋريستەر ٷشٸن 110 نىسانعا اۋديو نۇسقاۋلىق دايىندالدى, 27,5 مىڭ بۋكلەت شىعارىلدى, سونداي-اق نەگٸزگٸ كٶرٸكتٸ جەرلەردٸڭ 5 تاكتيلدٸ مودەلٸ جاسالدى.
