«سامۇرىق-قازىنا» ۇلتتىق ەل-اۋقات قورى» اكتسيونەرلٸك قوعامىنىڭ باسقارما تٶراعاسى الماسادام سەتقاليەۆ ٷكٸمەت وتىرىسىندا سارشا ەلدٸ مەكەنٸ جىلى جاعاجاي ايماعىندا گاز تاريفٸن ٶسٸرۋ مەسەلەسٸن كٶتەردٸ, دەپ حابارلايدى قازاقپارات.
«ماڭعىستاۋ وبلىسىن دامىتۋدىڭ كەشەندٸ جوسپارىندا بٸزدٸڭ قور جاۋاپتى 30 ٸس-شارا ەسكەرٸلگەن. جالپى كومپانييانىڭ ينۆەستيتسييا كٶلەمٸ 692 ملرد تەڭگەدەن اسادى. كەشەندٸ جوسپاردا ايماقتىڭ ماڭىزدى ينفراقۇرىلىم جوبالارىن جٷزەگە اسىرۋ كٶزدەلگەن. اتاپ ايتقاندا, «استراحان-ماڭعىشلاق» ماگيسترالدى سۋ تارتقىشىن قايتا جاڭعىرتۋ, كەندٸرلٸ اۋىلىندا سۋدى تۇزسىزداندىرۋ زاۋىتىن سالۋ, قاراجامباس كەن ورنىندا تۇزسىزداندىرۋ زاۋىتىن سالۋ, جاڭاٶزەن قالاسىندا گاز ٶڭدەۋ زاۋىتىن سالۋ, بەينەۋ-جاڭاٶزەن قۇبىرىن قايتا جاڭعىرتۋ جوبالارى كٶزدەلگەن», - دەگەن اكتسيونەرلٸك قوعام باسشىسى كەشەندٸ جوسپارداعى بٸر جوبانىڭ قارجىلاندىرۋ كٶزٸ ەلٸ ناقتىلانباعانىن ەسكەرتتٸ.
«سارشا ەلدٸ مەكەنٸ مەن جىلى جاعاجاي ايماعىن گازداندىرۋ جوبالارىنا جالپى قۇنى 34 ملرد تەڭگە قارجى بٶلۋ مەسەلەسٸنٸڭ باسى اشىق قالىپ وتىر. بۇعان دەيٸن ول بويىنشا بيۋدجەت قاراجاتىن تارتۋ كٶزدەلگەن بولاتىن. جوسپار جوباسىندا بيۋدجەت قاراجاتى قاراستىرىلماعان. رەسپۋبليكالىق بيۋدجەتتەن قاراجات الماي جوبالاردى ورىنداۋ ٷشٸن گاز باعاسىن ٶسٸرۋ قاجەت بولادى. قر ۇلتتىق ەكونوميكا مينيسترلٸگٸنە تاريفتەردٸڭ قاجەتتٸ ٶسٸمٸ بويىنشا بٸزدٸڭ ەسەبٸمٸزدٸ قاراۋدى تاپسىرۋىڭىزدى سۇرايمىز», - دەدٸ الماسادام سەتقاليەۆ.
