«سامۇرىق-قازىنا» اق ەنشٸلەس كومپانيياسى - «Samruk Kazyna Construction» اق قۇرىلىس ماتەريالدارىنىڭ يمپورتىن الماستىرۋ ٷشٸن جاڭا ٶندٸرٸستەردٸ ٸسكە قوسۋعا ارنالعان 23 اۋقىمدى جوباعا اتسالىسادى. جوبالار 2022-2024 جىلدار ارالىعىندا ٸسكە قوسىلىپ, 5 300 جاڭا جۇمىس ورىندارىن قۇرۋعا سەپتٸگٸن تيگٸزەدٸ. «Samruk Kazyna Construction» اق ينۆەستيتسييالىق ٷلەسٸ شامامەن 10%, نەمەسە 39,5 ملرد تەڭگەنٸ قۇرايدى.
بۇل تۋرالى ٷكٸمەت وتىرىسىندا «سامۇرىق-قازىنا» قورىنىڭ باسشىسى الماسادام سەتقاليەۆ مەلٸمدەدٸ.
اتاپ ايتساق, شەتەل سەرٸكتەستەرٸمەن نۇر-سۇلتان قالاسىندا 5 زاۋىت سالۋ كٶزدەلٸپ وتىر. سونىڭ ٸشٸندە قىش سانفايانس پەن قىش تاقتايشالارىن شىعارۋ زاۋىتتارى بار.
ينۆەستورلاردىڭ كٶمەگٸمەن ەلوردا مەن الماتى قالالارىندا بٶلمەارالىق ەسٸكتەردٸ جاسايتىن قۋاتتىلىعى 500 مىڭ دانا بولاتىن زاۋىت سالۋ, جىلىنا 660 تىس. مىڭ شارشى مەتر قۇرالاتىن تەمٸربەتون بۇيىمدارىن شىعاراتىن زاۋىت اشۋ كٶزدەلٸپ وتىر.
الماتى وبلىسىندا قۋاتتىلىعى 60 مىڭ تەكشە مەتردٸ قۇرايتىن گازوبەتون شىعاراتىن زاۋىت, 1,5 ملن شارشى مەتر ەرلەۋ تاقتايشالارىن شىعاراتىن زاۋىت سالۋ جوسپارلاندى.
كىزىلوردا وبلىسىندا قولدانىستاعى كارەردە جىلىنا 30-40 ملن كٸرپٸش شىعاراتىن جەنە 100 000 توننا ەك شىعاراتىن سيليكات كٸرپٸشٸ مەن ەك ٶندٸرەتٸن زاۋىت اشۋ كٶزدەلگەن. اتىراۋدا پوليپروپيلەننەن بۇيىمدار جاسايتىن زاۋىت ٸسكە قوسىلادى. ونىڭ قۋاتتىلىعى جىلىنا 15 مىڭ توننا بولادى.
بارلىق 23 جوبانى ٸسكە قوسۋ ارقىلى قازاقستاننىڭ قۇرىلىس ماتەريالدارى نارىعىندا يمپورت ٷلەسٸن ەدەۋٸر تٶمەندەتۋگە مٷمكٸندٸك بەرەدٸ. اتاپ ايتساق, بۇل زاۋىتتار تولىق قۋاتىندا جۇمىس ٸستەسە, شىنى ماقتاسى بويىنشا يمپورتتى الماستىرۋ 90%-عا جەتەدٸ, سانيتارلىق فايانس بويىنشا - 81%-عا, ەرلەۋ ماتەريالدارى بويىنشا - 36%-عا, ەسٸكتەر بويىنشا - 18%-عا, قىش تاقتايشالارى بويىنشا - 11%-عا دەيٸن تٶمەندەيدٸ, دەدٸ الماسادام سەتقاليەۆ.
ونىڭ ايتۋىنشا, قازاقستاندىق شيكٸزاتتى پايدالانۋ ارقىلى, بۇل يندۋستريياداعى جەرگٸلٸكتٸ ٷلەستٸ 80%-عا جەتكٸزۋگە بولادى.
