«قازپوشتا» اكتسيونەرلٸك قوعامى ساتىلادى. بۇل تۋرالى «سامۇرىق-قازىنا» ۇلتتىق ەل-اۋقات قورىنىڭ باسقارما تٶراعاسى احمەتجان ەسٸموۆ ايتتى, دەپ حابارلايدى قازاقپارات.
«كەلەسٸ كومپانييا - «قازپوشتا». وسى جىلداردىڭ ٸشٸندە قور كومپانيياعا 28 ملرد تەڭگە ينۆەستيتسييا باعىتتادى. شالعاي اۋداندارداعى جەلٸلەرٸندە 8 ملرد تەڭگە شىعىنى بار. جىل سايىن رەسپۋبليكالىق بيۋدجەتتەن بٶلٸنەتٸن سۋبسيدييا 4,2 ملرد تەڭگەنٸ قۇرايدى. سوندىقتان كەڭەسشٸلەر تٸكەلەي اتاۋلى ساتۋدى ۇسىنادى», - دەدٸ احمەتجان ەسٸموۆ نۇرسۇلتان نازارباەۆتىڭ تٶراعالىعىمەن ٶتكەن قوردى باسقارۋ جٶنٸندەگٸ كەڭەستە.
ونىڭ اتاپ ٶتۋٸنشە, ينۆەستورلار تاراپىنان قىزىعۋشىلىق بار.
«ەرينە, بۇل جۇمىستار دا وڭاي ەمەس. دەگەنمەن ماقۇلدانعان جاعدايدا بٸز ونى بارىنشا تابىستى جٷزەگە اسىرا الامىز دەپ ويلايمىن», - دەدٸ ەسٸموۆ.
