فوتو: بولات شايحينوۆ, Sputnik قازاقستان
ۇلتتىق قاۋٸپسٸزدٸك كوميتەتٸ تٶراعاسىنىڭ بۇرىنعى بٸرٸنشٸ ورىنباسارى سامات ەبٸشكە قاتىستى تەرگەۋ باستالدى, دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
"باس پروكۋراتۋرانىڭ ارنايى پروكۋرورلارى ۇلتتىق قاۋٸپسٸزدٸك كوميتەتٸ تٶراعاسىنىڭ بۇرىنعى بٸرٸنشٸ ورىنباسارى سامات ەبٸشكە قاتىستى «قاڭتار وقيعالارى» كەزٸندە بيلٸك پەن لاۋازىمدىق ٶكٸلەتتٸكتەردٸ اسىرا پايدالانۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸپ جاتىر.
تەرگەۋ قۇپييا قۇجاتتامانىڭ ەدەۋٸر كٶلەمٸن زەردەلەۋمەن بايلانىستى.
قر قپك-نٸڭ 201-بابىنا سەيكەس تەرگەۋ مٷددەسٸندە سوتقا دەيٸنگٸ تەرگەپ-تەكسەرۋدٸڭ ٶزگە دە دەرەكتەرٸ جارييا ەتٸلۋگە جاتپايدى" - دەلٸنگەن حابارلامادا.
سونىمەن قاتار قاداعالاۋ ۆەدومستۆوسى كونستيتۋتسييا نورمالارىنا سەيكەس زاڭ مەن سوت الدىندا بەرٸ تەڭ ەكەنٸن اتاپ ٶتتٸ.
تەرگەۋ قورىتىندىسى بويىنشا زاڭدى ٸس جٷرگٸزۋ شەشٸمٸ قابىلداناتىن بولادى.
ايتا كەتەيٸك, سامات ەبٸش – تۇڭعىش پرەزيدەنت نۇرسۇلتان نازارباەۆتىڭ نەمەرە ٸنٸسٸ. 2015 جىلدان باستاپ قاڭتار وقيعاسىنا دەيٸن, ياعني 2022 جىلدىڭ قاڭتارىنا دەيٸن ۇلتتىق قاۋٸپسٸزدٸك كوميتەتٸ تٶراعاسىنىڭ بٸرٸنشٸ ورىنباسارى قىزمەتٸن اتقارعان.
ەستەرٸڭٸزگە سالايىق, قاڭتار وقيعاسىنان كەيٸن ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ پەن ونىڭ ورىنباسارلارى ۇستالدى. ارتىنشا ولارعا سوت ٷكٸمٸ شىقتى. مەسٸموۆ مٷلكٸ تەركٸلەنٸپ, 18 جىلعا باس بوستاندىعىنان ايىرىلدى.
ال مەسٸموۆتٸڭ ورىنباسارى بولعان سامات ەبٸش قىزمەتٸنەن بوساتىلدى, ونىڭ ٷستٸنەن قىلمىستىق ٸس قوزعالعان جوق.
