سالىققا جارييالانعان راقىمشىلىق اياسىندا زاڭدى تۇلعالار 3,5 ملرد تەڭگە بەرەشەگٸن ٶتەدٸ. راقىمشىلىق شاراسىنا قاتىسقان جالپى سالىق تٶلەۋشٸلەردٸڭ 30 پايىزعا جۋىعى تٶلەمدٸ سوڭعى اپتا ٸشٸندە جاساعان, دەپ حابارلايدى "ۇلت اقپارات".
قر قم مەملەكەتتٸك كٸرٸستەر كوميتەتٸنٸڭ دەرەگٸنشە, راقىمشىلىققا شامامەن 1,4 ملن ادام ٸلٸگەدٸ. اتالعان جەكە تۇلعا 13,9 ملرد تەڭگە سوماسىنداعى نەگٸزگٸ قارىزدارىن ٶتەگەن جاعدايدا 6,14 ملرد تەڭگە ٶسٸمپۇلدان قۇتىلادى. جەكە كەسٸپكەر رەتٸندە تٸركەۋ ەسەبٸندە تۇرماعان جەكە تۇلعالاردىڭ تٸزٸمٸ بەكٸتٸلدٸ.
ولاردا 15 جىلدان استام ۋاقىت بويى جيناقتالىپ قالعان قاتە سالىقتىق بەرەشەك بار جەنە ولار شىعىنعا جاتقىزىلۋى تيٸس. تٸزٸمگە ەنگەن 2 980 جەكە تۇلعانىڭ 100 ملن تەڭگە سالىق بەرەشەگٸ بار. اتالعان سومانىڭ 52,2 ملن تەڭگەسٸ نەگٸزگٸ سالىق بولسا, ٶسٸمپۇلى 47,8 ملن تەڭگەنٸ قۇرايدى.
«بٷگٸنگٸ كٷنٸ 177 065 جەكە تۇلعانىڭ ٶسٸمپۇلى شىعىنعا جازىلدى. جىل باسىنان بەرٸ ولار 3,5 ملرد تەڭگە نەگٸزگٸ قارىزىن ٶتەپ, 875,2 ملن تەڭگە كٶلەمٸندەگٸ ٶسٸمپۇل شىعىنعا جاتقىزىلدى», - دەپ اتاپ ٶتەدٸ كوميتەتتەن.
تاراتىلعان اقپاراتقا سەيكەس, سالىقتىق مٸندەتتەمەلەرٸن ورىنداۋدا الماتى قالاسىنىڭ (35 111), قوستاناي (27 587) جەنە تٷركٸستان (12 777) وبلىستارىنىڭ جەكە تۇلعالارى بەلسەندٸلٸك تانىتىپ وتىر. ال سالىقتىق بەرەشەگٸن از ٶتەگەندەر قاتارىندا سقو (3 700), بقو (1 999) جەنە قىزىلوردا وبلىستارىنىڭ (1 549) جەكە تۇلعالارى بار.
الماتى قالاسىنىڭ تۇرعىندارى 1 ملرد 979 ملن 300 مىڭ تەڭگە, نۇر-سۇلتان قالاسى تۇرعىندارى 185 ملن 200 مىڭ تەڭگە, الماتى وبلىسىنىڭ تۇرعىندارى 161 ملن 900 مىڭ تەڭگە سالىق بەرەشەكتەرٸن ٶتەگەن. سالىق بەرەشەگٸ از ٶتەلگەن ٶڭٸرلەردٸڭ قاتارىندا قىزىلوردا (70,3 ملن), قاراعاندى (57,5 ملن) جەنە باتىس قازاقستان وبلىستارى (53,1 ملن) بار.
شىعىنعا جازىلعان ەڭ ٷلكەن ٶسٸمپۇل سوماسى (362,3 ملن) دا الماتى قالاسىنا تيەسٸلٸ. ال پاۆلودار وبلىسىندا 143,2 ملن, الماتى وبلىسىندا 47,2 ملن تەڭگە ٶسٸمپۇل شىعىنعا جازىلعان.
