Salyqqa jariialanǵan raqymshylyq aiasynda zańdy tulǵalar 3,5 mlrd teńge bereshegin ótedi. Raqymshylyq sharasyna qatysqan jalpy salyq tóleýshilerdiń 30 paiyzǵa jýyǵy tólemdi sońǵy apta ishinde jasaǵan, dep habarlaidy "Ult aqparat".
QR QM Memlekettik kirister komitetiniń dereginshe, raqymshylyqqa shamamen 1,4 mln adam iligedi. Atalǵan jeke tulǵa 13,9 mlrd teńge somasyndaǵy negizgi qaryzdaryn ótegen jaǵdaida 6,14 mlrd teńge ósimpuldan qutylady. Jeke kásipker retinde tirkeý esebinde turmaǵan jeke tulǵalardyń tizimi bekitildi.
Olarda 15 jyldan astam ýaqyt boiy jinaqtalyp qalǵan qate salyqtyq bereshek bar jáne olar shyǵynǵa jatqyzylýy tiis. Tizimge engen 2 980 jeke tulǵanyń 100 mln teńge salyq bereshegi bar. Atalǵan somanyń 52,2 mln teńgesi negizgi salyq bolsa, ósimpuly 47,8 mln teńgeni quraidy.
«Búgingi kúni 177 065 jeke tulǵanyń ósimpuly shyǵynǵa jazyldy. Jyl basynan beri olar 3,5 mlrd teńge negizgi qaryzyn ótep, 875,2 mln teńge kólemindegi ósimpul shyǵynǵa jatqyzyldy», - dep atap ótedi komitetten.
Taratylǵan aqparatqa sáikes, salyqtyq mindettemelerin oryndaýda Almaty qalasynyń (35 111), Qostanai (27 587) jáne Túrkistan (12 777) oblystarynyń jeke tulǵalary belsendilik tanytyp otyr. Al salyqtyq bereshegin az ótegender qatarynda SQO (3 700), BQO (1 999) jáne Qyzylorda oblystarynyń (1 549) jeke tulǵalary bar.
Almaty qalasynyń turǵyndary 1 mlrd 979 mln 300 myń teńge, Nur-Sultan qalasy turǵyndary 185 mln 200 myń teńge, Almaty oblysynyń turǵyndary 161 mln 900 myń teńge salyq bereshekterin ótegen. Salyq bereshegi az ótelgen óńirlerdiń qatarynda Qyzylorda (70,3 mln), Qaraǵandy (57,5 mln) jáne Batys Qazaqstan oblystary (53,1 mln) bar.
Shyǵynǵa jazylǵan eń úlken ósimpul somasy (362,3 mln) da Almaty qalasyna tiesili. Al Pavlodar oblysynda 143,2 mln, Almaty oblysynda 47,2 mln teńge ósimpul shyǵynǵa jazylǵan.
