«پرەزيدەنت ٸندەتپەن كٷرەس جٷرگٸزٸپ جاتقان مەديتسينا, قۇقىق قورعاۋ قىزمەتكەرلەرٸنٸڭ جالاقىسىنا قوسىمشا بٸر ايلىق جالاقى قوسىپ بەرۋ جٶنٸندە تاپسىرما جٷكتەدٸ. بۇل بٸز ٷشٸن ٷلكەن موتيۆاتسييا». بۇل تۋرالى تٷركٸستان وبلىسى قوعامدىق دەنساۋلىق باسقارماسى باسشىسىنىڭ مٸندەتٸن اتقارۋشى سالتانات جامالوۆا ايتتى, دەپ حابارلايدى قازاقپارات.
«بٷگٸندە قازاقستان حالقى كٷردەلٸ احۋالدى باستان ٶتكەرٸپ جاتىر. وسى ورايدا ەل پرەزيدەنتٸ قاسىم-جومارت توقاەۆ مەديتسينا قىزمەتكەرلەرٸنە اسا ٷلكەن سەنٸم مەن جاۋاپكەرشٸلٸك ارتىپ وتىر. بۇل سەنٸم ٷدەسٸنەن شىعىپ, حالىقتىڭ دەنساۋلىعىن ساقتاۋدى بٸز ابىرويلى مٸندەتٸمٸز دەپ سانايمىز. وسى رەتتە مەن بارشا ەرٸپتەستەرٸمدٸ ابىرويلى جۇمىس ٸستەۋگە شاقىرعان بولار ەدٸم», - دەيدٸ ول.
سونداي-اق, سالتانات جامالوۆا ٸرٸ قالالاردىڭ كارانتينگە جابىلۋىن دەر كەزٸندە قولعا الىنعان شارا دەپ باعالايتىنىن ايتتى: «مەملەكەت باسشىسى بٷگٸنگٸ مەلٸمدەمەسٸندە بٸرٸنشٸ مەسەلە رەتٸندە- كوروناۆيرۋستىڭ تارالۋىنا قارسى جۇمىستاردى كٷشەيتۋدٸ اتاپ ٶتتٸ. ٶيتكەنٸ جاھاندىق ٸندەتكە بالانىپ وتىرعان دەرتتٸڭ تارالۋ اۋماعى كەڭەيٸپ, ۋشىعىپ بارادى. قازٸردٸڭ ٶزٸندە بٷكٸل ەلەم بويىنشا بۇل دەرتكە جٷز مىڭداعان استام ادام شالدىعىپ وتىر. بۇل ۆيرۋستىڭ تارالۋ جىلدامدىعى بەسەڭدەمەي وتىر دەگەن سٶز. بٸر قۋانارلىعى, بٸزدٸڭ مەملەكەت ٸندەتپەن كٷرەس جۇمىستارىن مىقتاپ قولعا الىپ, بٸرقاتار ناقتى شەكتەۋلەردٸ جولعا قويدى. ٸرٸ-ٸرٸ ەكٸ قالامىزدا كارانتين جارييالانىپ, كٸرٸپ-شىعۋ شەكتەتٸلدٸ. مۇنى دەر كەزٸندە قولعا الىنعان شارالار دەپ ەسەپتەيمٸز».
تٷركٸستان وبلىسى قوعامدىق دەنساۋلىق باسقارماسى باسشىسىنىڭ مٸندەتٸن اتقارۋشى وسىناۋ قيىن كٷندە اۋرۋمەن مايداننىڭ الدىڭعى شەبٸندە جٷرگەن مامانداردى قولداۋدىڭ دا ماڭىزدىلىعىن اتاپ ٶتتٸ.
«بٷگٸنگٸ سٶزٸندە پرەزيدەنتٸمٸز ٸندەتپەن كٷرەس جٷرگٸزٸپ جاتقان مەديتسينا, قۇقىق قورعاۋ قىزمەتكەرلەرٸنٸڭ جالاقىسىنا قوسىمشا بٸر ايلىق جالاقى قوسىپ بەرۋ جٶنٸندە تاپسىرما جٷكتەدٸ. بۇل بٸز ٷشٸن ٷلكەن موتيۆاتسييا ەكەنٸ داۋسىز. ەڭ باستىسى جالاقى ەمەس, حالىقتىڭ دەنساۋلىعى مەن قاۋٸپسٸزدٸگٸ دەپ ەسەپتەيمٸز», - دەدٸ ول.
