الماتىلىق كەلٸنشەك ەيگەرٸم راديكال سالافيت اعىمىنداعى كٷيەۋٸمەن تۇرعان 11 جىلدا نە كٶرگەنٸن ايتىپ بەردٸ. ول جاستايىنان اتا-اناسىنىڭ ەركەلەپ ٶسكەن جالعىز قىزى بولعان. ٶمٸرٸندە ەكە-شەشەسٸ بەتٸنەن قاقپاعان قىز ٶز دەگەنٸن ٸستەتەتٸن ەركە بولىپ ٶستٸ.
بويجەتٸپ, وقۋىن بٸتٸرگەن كەزدە ارمانمەن تانىسادى. ارمان ٶتە تۇيىق, بٸرتوعا جٸگٸت ەدٸ, ناماز وقيتىن, ازداپ ساقال قوياتىن. ەيگەرٸمنٸڭ اتا-اناسى باسىندا مۇنىسىن جاراتپادى.
كەيٸن قىزىنىڭ مٸنەزٸنٸڭ شەلكەستٸگٸنەن امال جوق كەلٸسەدٸ. بٸراق ەكەۋٸنٸڭ تويى بولمادى. سەبەبٸ وعان ارمان قارسى بولدى.
«مەن وعان كٷيەۋگە شىققاندا راديكال سالافيت ەكەنٸن بٸلمەدٸم. بٸرتٸندەپ مٸنەزٸنٸڭ مٷلدە تۇيىقتالىپ بارا جاتقانىن بايقادىم. بٸزدٸڭ ٷيگە قوناق كەلمەيتٸن. ەشكٸمدٸ تانىمايتىنمىن. ٷيدە مەن اقشا تاباتىنمىن. ول نامازحان دوستارىن ارالاپ قۇر جٷرەتٸن. جەڭٸلدٸڭ ٷستٸمەن, اۋىردىڭ استىمەن ٶمٸر سٷرگٸسٸ كەلدٸ. قىزىم ەكەۋمٸزدٸ اسىراۋدى مٷلدە ويلامايتىن. بٸرەسە, ٶزٸنٸڭ جاقتاستارىمەن ساۋداعا شىعاتىن, بولماسا ٷيدە جاتاتىن», - دەدٸ ەيگەرٸم.
ەيگەرٸمگە اناسى, باۋىرلارى اقشالاي, زاتتاي كٶمەكتەسٸپ تۇرعان. بٸر جىلدا جاس وتباسى بٸرنەشە رەت پەتەر اۋىستىرعان.
«مۇسىلمانداردا ەيەلدٸ العان سوڭ اسىراۋ پارىز ەدٸ عوي. بٸزدە ولاي بولمايتىن. مەن دەرٸحانادا ٸستەدٸم. كەيدە تەۋلٸك بويى جۇمىس ٸستەدٸم. سوندا كٷيەۋٸم دەرٸحاناعا كەلٸپ, مەنٸ كٷزەتٸپ وتىراتىن. قوجايىن كەلگەن كەزدە اقشامدى الىپ كەتەتٸن. جاعدايىمىز ٶتە ناشار بولدى. جازدىگٷنٸ ماعان قولعاپ كيگٸزەتٸن. ولح-تەن تەگٸن زات ٸزدەپ جٷرەتٸنبٸز. بەلەنٸڭ بەرٸ قىزىم مەكتەپكە بارعاندا باستالدى. قىزدى مەكتەپكە جٸبەرگٸسٸ كەلمەيتٸن. ٶيتكەنٸ ەنۇران ايتقانىن قالامايتىن. قىزىم ساباعىنان جيٸ قالاتىن بولدى. كەيٸن باليعات جاسىنا جەتٸپ قالعاندا مەجبٷرلەپ ورامال تاققىزدى. باليعاتىنا تولعان سوڭ كٷيەۋگە بەرەم دەدٸ. بٸزدٸڭ ەلدٸڭ زاڭىنا باعىنعىسى كەلمەدٸ. قازاقستاندا 18 جاسقا تولماعان ادام نەكەگە تۇرا المايدى»,- دەدٸ كەلٸنشەك.
ەيگەرٸمنٸڭ 9 جاسىندا ورامال تاققان قىزىنىڭ جٷيكەسٸ توزا باستادى. تٷندە قاراڭعىلىقتان قورقادى. بارلىق جەردە ەكەسٸ ايتىپ قويعان شايتان ەلەستەيتٸن.
«تٷن ٸشٸندە شايتان كٸرٸپ جاتىر دەپ شوشىپ وياناتىن. قىزىمدى پسيحيكالىق دەنساۋلىق ورتالىعىندا جاتقىزۋىما تۋرا كەلدٸ», - دەدٸ ول.
ەيگەرٸم ٶزٸنٸڭ سالافيت اعىمىنداعى جٸگٸتكە كٷيەۋگە شىققانىنا ٶكٸنەدٸ. قىزىنىڭ دەنساۋلىعى ٷشٸن الاڭدايدى.
بۇل وقيعاعا قاتىستى الماتىداعى زاريا ۆوستوكا مەشٸتٸنٸڭ يمامى قازبەك احمەتوۆ مىناداي تٷسٸنٸك بەردٸ.
«حالىقتىڭ اراسىندا ازاماتتىق نەكە كٶبەيٸپ كەتتٸ. بۇل - وڭ ٷردٸس ەمەس. قازاقستاننىڭ ەدٸلەت ورگاندارىندا نەكەسٸن تٸركەۋ ەكٸ ادامعا دا جاۋاپكەرشٸلٸك جٷكتەيدٸ. ال ازاماتتىق نەكەدە دەسترۋكتيۆتٸ دٸني اعىم ٶكٸلدەرٸ ٷشٸن ەش جاۋاپكەرشٸلٸك جوق. ولار 3 رەت تالاق ايتىپ كەتە بەرەدٸ. ال جاس ەيەلدەر نە مٷلكٸ جوق, نە اليمەنتٸ جوق ورتادا قالادى. قازٸر قمدب بۇل پروتسەسكە جاۋاپكەرشٸلٸكپەن قاراي باستادى. مەشٸت يمامدارىنا نەكە كۋەلٸگٸنسٸز نەكە قييۋعا تىيىم سالدى. نەمەسە ەكٸ تاراپتىڭ دا اتا-اناسى قاتىسۋى تالاپ ەتٸلەدٸ. پايعامبارىمىز (س.ع.س) اجىراسۋعا قارسى بولعان», - دەدٸ مەشٸت يمامى.
