قازاقستاندىق بوكسشى سەكەن بيبوسىنوۆ جاتتىعۋ كەزٸندە اۋىر جاراقات الىپ, اۋرۋحاناعا جەتكٸزٸلدٸ. بۇل تۋرالى سپورت جۋرناليسٸ اسلان قاجەنوۆ مەلٸمدەدٸ, دەپ حابارلايدى ult.kz.

جۋرناليستٸڭ مەلٸمەتٸنشە, سپورتشىنىڭ ومىرتقاسىنا زاقىم كەلگەن. وسىعان بايلانىستى ول 29 قازاندا تارازدا باستالاتىن بوكستان قازاقستان چەمپيوناتىنا قاتىسا المايدى.

“ٶكٸنٸشكە قاراي, كەشە جاتتىعۋ بارىسىندا اۋىر جاراقات الىپ, اۋرۋحاناعا تٷستٸ. ومىرتقاسىنا زاقىم كەلدٸ. تەزٸرەك ساۋىعىپ كەتۋٸن تٸلەيمٸز”, – دەپ جازدى قاجەنوۆ.

جۋرناليست ەل بٸرٸنشٸلٸگٸنە قاتىسپايتىن ٶزگە بوكسشىلاردى دا اتادى. ونىڭ ايتۋىنشا, ازييا ويىندارىندا جٷلدە العان ماحمۇد سابىرحان, تٶرەحان سابىرحان جەنە ايبەك ورالباي بۇل تۋرنيرگە قاتىسپايدى. ال نۇربەك ورالباي الدىڭعى كەزدەسۋٸندە العان جاراقاتىنا بايلانىستى ٷزٸلٸس جاساعان.
ەيەلدەر قۇراماسىنان الۋا مەن ناتاليا دا شارشى الاڭعا شىقپايدى.

ايتا كەتەيٸك, سپورت جۋرناليسٸ گەنناديي گولوۆكينمەن كەلەڭسٸز جاعدايعا تاپ بولعان. 

سەكەن بيبوسىنوۆ كٸم?

سەكەن بيبوسىنوۆ – قازاقستاندىق بوكسشى, ەكٸ دٷركٸن ەلەم چەمپيونى جەنە توكيو وليمپياداسىنىڭ قولا جٷلدەگەرٸ. ول 2019 جىلى ەلەم چەمپيوناتىندا قولا مەدال جەڭٸپ العان. 2021 جىلى توكيودا ٶتكەن وليمپيادا ويىندارىندا 52 كەلٸگە دەيٸنگٸ سالماقتا ٷزدٸك ٷشتٸككە ەندٸ.

سول جىلى سەربييانىڭ بەلگراد قالاسىندا ٶتكەن ەلەم چەمپيوناتىندا التىن مەدال يەلەندٸ. ال دۋبايدا IBA ۇيىمداستىرعان ەلەم بٸرٸنشٸلٸگٸندە 54 كەلٸ سالماقتا جەڭٸسكە جەتٸپ, ەكٸ دٷركٸن ەلەم چەمپيونى اتاندى. فينالدا رەسەيلٸك ۆياچەسلاۆ روگوزيندٸ ۇتتى. 

سەكەن بيبوسىنوۆ 2024 جىلعى پاريج وليمپياداسىنا دا جولداما الىپ, قازاقستان اتىنان 51 كەلٸگە دەيٸنگٸ سالماقتا ٶنەر كٶرسەتتٸ.