مەجٸلٸستٸڭ جالپى وتىرىسىندا دەپۋتات ەرلان سايروۆ ەۋروپادان جٷك تاسىمالىنىڭ قيىنداۋىنا بايلانىستى فەرمەلەر شىعىنعا باتاتىنىن ايتتى, دەپ حابارلايدى قازاقپارات.
«بٷگٸنگٸ شيەلەنٸستٸ حالىقارالىق جاعداي وتاندىق بيزنەس ٶكٸلدەرٸنٸڭ مٷددەسٸنە كەرٸ ەسەر ەتۋدە. شيەلەنٸس ايماعىندا قازاقستاندىق كەسٸپكەرلەرگە تيەسٸلٸ 1007 جٷك ۆاگونى تۇرىپ قالعان, 680 جٷك ۆاگونى شيەلەنٸس ايماعىنا جەتپەي توقتاتىلعان. ترانزيت قۇنى ەكٸ ەسەگە ٶسٸپ كەتكەن. لوگيستيكانىڭ بۇزىلۋىنا بايلانىستى ەۋروپادان ەلٸمٸزگە كەلەتٸن تۇقىم, تىڭايتقىش, ٶسٸمدٸكتەردٸ قورعاۋ قۇرالدارىن جەتكٸزۋ قيىنداپ كەتكەن. كٶكتەمگٸ ەگٸستٸك جۇمىستارىنا تۇتىنۋعا قاجەتتٸ اۋقىمنىڭ 50-پايىزى عانا جەتكٸزٸلەدٸ دەگەن بولجاۋ جاسالۋدا. ال, يمپورتتان كەلەتٸن ٶسٸمدٸكتٸ قورعاۋ قۇرالدارى ەگٸستٸككە قاجەت دەڭگەيدٸڭ 90-پايىزىن قۇرايدى. وتاندىق بيزنەس ٶكٸلدەرٸ جٷزدەگەن ميلليون تەڭگە شىعىنعا ۇشىراۋدا. ٷكٸمەت قيمىلداپ جاتىر, بٸراق مىنا زاماندا ٶتە شيراق بولۋ ماڭىزدى», - دەدٸ سايروۆ ٷكٸمەت باسشىسى ەليحان سمايىلوۆتىڭ اتىنا جولداعان ساۋالىندا.
وسى ورايدا ول ەلٸمٸزدٸڭ بيزنەسٸ كٶپتەگەن حالىقارالىق ساۋدا برەندٸلەرمەن رەسەي ارقىلى جۇمىس ٸستەگەنٸن اتاپ ٶتتٸ.
«ول برەندٸلەر كٶرشٸمٸزدەن جاپپاي شىعىپ جاتىر. مۇناي تاسىمالداۋدىڭ دا پروبلەماسى قىلتيىپ تۇر. نەگە ٷكٸمەت كەزٸندە مۇناي تاسىمالى, ساۋدا برەندتەرٸنٸڭ بالاما لوگيستيكاسىن ويلاستىرماعان?! رەسەي رۋبلٸنٸڭ تەز بوساڭسۋى بٸزدٸڭ ەلٸمٸزگە كٶرشٸمٸزدەن ازىق-تٷلٸكتٸڭ يمپورتىنىڭ ەسەلەپ ٶسۋٸنە الىپ كەلۋٸ مٷمكٸن. بۇل ٶز كەزەگٸندە قازاقستاندىق ازىق-تٷلٸك ٶندٸرۋشٸلەردٸڭ جاعدايىن مٷلدەم تۇرالاتىپ جٸبەرۋٸ ىقتيمال. «جىعىلعان ٷستٸنە جۇدىرىق» بولىپ حالقىمىزدى باعا مەن دەۆالۆاتسييا القىمنان قىسىپ جاتىر. «AMANAT» پارتيياسىنىڭ سايلاۋشىلارى وسى مەسەلەلەر بويىنشا الاڭداۋلى», - دەدٸ دەپۋتات.
وسى تۇرعىدا ول تيٸستٸ سۇراقتارىن جولدادى:
1. قازاقستاننىڭ تاسىمال لوگيستيكاسىن ەرتاراپتاندىرۋعا قانداي قادامدار جاسالۋدا?
2. حالىقارالىق ساۋدا برەندتەرٸنٸڭ قازاقستانمەن تٸكەلەي جۇمىس ٸستەۋٸن قامتاماسىز ەتۋ ٷشٸن نە ٸستەلٸپ جاتىر ?
3. مۇناي تاسىمالىن ەرتاراپتاندىرۋعا قانداي ەرەكەت جاسالۋدا ?
4. جالپى, تۋربۋلەنتتٸلٸك كەزەڭٸندە, قازاقستاننىڭ ەكونوميكالىق مٷددەسٸن قورعاۋدىڭ جاڭا فيلوسوفيياسى بار ما?
«وسى مەسەلەنٸ زاڭدا بەلگٸلەنگەن مەرزٸمدە قاراستىرىپ, جاۋاپ بەرۋٸڭٸزدٸ سۇرايمىز»,-دەلٸنگەن دەپۋتاتتىڭ ساۋالىندا.
