ٷكٸمەت باسشىسى باقىتجان ساعىنتاەۆ بٶلٸنگەن قاراجاتتى يگەرە الماي جاتقان مينيسترلەرگە ەسكەرتۋ جاسادى, دەپ حابارلايدى قازاقپارات تٸلشٸسٸ.
ايتا كەتسەك, بٷگٸن ٷكٸمەت وتىرىسىندا مينيسترلەر 2018 جىلدىڭ 5 ايىنداعى قورىتىندىسى بويىنشا رەسپۋبليكالىق بيۋدجەتتٸڭ ورىندالۋى تۋرالى بايانداما جاساپ جاتىر.
ٶز كەزەگٸندە قر ۇلتتىق ەكونوميكا مينيسترٸ تيمۋر سٷلەيمەنوۆ قۇرىلىس سالاسىنىڭ دامۋ جايى جىل بويى بٸركەلكٸ ەمەس سەرپٸندٸ كٶرسەتٸپ وتىرعانىن ايتقان بولاتىن. مينيستردٸڭ ايتۋىنشا, قۇرىلىس سالاسىنىڭ ٶسۋ سەرپٸنٸ بٸرٸنشٸ توقساندا 5,9 پايىزعا ۇلعايعانىمەن, قاڭتار-مامىردىڭ قورىتىندىلارى بويىنشا 0,3 پايىزدى, ياعني نٶلدٸك مەنگە قاراي جاقىنداعان. بەسەڭدەۋ پاۆلودار مۇناي-حيمييا زاۋىتىن جاڭعىرتۋ بويىنشا, ماگيسترالدٸ قۇبىرلار مەن ٶنەركەسٸپتٸك وبەكتٸلەردٸڭ, سونداي-اق «ەبۋ-دابي پلازا» كٶپ فۋنكتسييالىق كەشەننٸڭ قۇرىلىسى بويىنشا جۇمىستاردىڭ تٶمەندەۋٸمەن بايلانىستى بولىپ وتىر.
مينيسترلەردٸڭ بايانداماسىن تىڭداعان باقىتجان ساعىنتاەۆ نەگٸزگٸ مەسەلەنٸ كٶلدەنەڭ تارتتى.
«نەگٸزگٸ, بٸزدٸڭ مەسەلەلەردٸڭ بارلىعى تەك قانا قۇرىلىستا. 275 ملرد تەڭگە 2018 جىلعا قابىلداعان بولساق, قالعان مٸندەتتەمەمٸز - 178 ملرد تەڭگە. ياعني, الدا ەلٸ 100 ملرد تەڭگەگە مٸندەتتەمەلەر قابىلداۋ كەرەك. ونىڭ ٸشٸندەگٸسٸ 5 ايدىڭ ٸشٸندە 42 ملدر تەڭگەنٸڭ عانا جۇمىسىن اتقارعانبىز. ال ۋاقىت ٶتٸپ بارا جاتىر. قازان ايىنان باستاپ كٷن سۋىتىپ, جول سالۋ مەسەلەسٸ, جەڭٸس ماحمۇدۇلى, باسقا دا قۇرىلىستار مەسەلەسٸنٸڭ بەرٸندە ٶتە اۋىر جاعداي قالىپتاسادى. سوندا قالاي مۇنى يگەرەمٸز?», - دەدٸ ٷكٸمەت باسشىسى.
باقىتجان ساعىنتاەۆ ەگەر دە شىن مەنٸندە قارجى يگەرٸلمەسە, التى ايدىڭ قورىتىندىسىمەن اقشانىڭ بەرٸن كەرٸ قايتارۋ كەرەكتٸگٸن اتاپ ٶتتٸ.
«بوستان-بوس ۇستاپ وتىرعاننان گٶرٸ, باسقا مينيسترلٸكتەردٸڭ تاراپىنان سۇرانىستار تٷسٸپ جاتىر. ٶزٸنٸڭ جولىمەن شىعىپ, اقشانى ۋاقىتىندا تيٸمدٸ يگەرۋ قاجەت. جولدارعا ٷلكەن تاپسىرمالار بولدى, جەڭٸس ماحمۇدۇلى. قاۋٸپ بار. مەدەنيەت جەنە سپورت مينيسترلٸگٸ ۆيزيت-ورتالىقتارىن سوعىپ بٸتەم دەگەنشە تۋريستٸك ماۋسىم ٶتٸپ كەتەدٸ. ەلٸ كونكۋرس ٶتپەگەن. جسق-سى جوق. وندا اقشانى نەگە سۇرادى? اۋىل شارۋاشىلىعى, قارجى مينيسترلٸگٸ دە... قوسىمشا مٸنە, قارجى سۇراپ وتىرسىزدار. 42 ملرد دەگەن دايىن تۇر, مٸنە. الۋ كەرەك تە - باسقا سالاعا سالۋ كەرەك. بەرٸبٸر ودان پايدا جوق», - دەدٸ ول.
سٶز سوڭىندا ٷكٸمەت باسشىسى مينيسترلەرگە ەسكەرتۋ جاسادى.
«ەلباسىنىڭ تاپسىرماسى بويىنشا ٷكٸمەت قارجىنى بٶلدٸ. پارلامەنت قولدادى. بيۋدجەت قابىلداندى. بٸراق, قارجى يگەرٸلمەيدٸ. قاشانعى كٷتٸپ وتىرامىز? نە ەكونوميكادا ٶسٸم جوق, نە حالىقتىڭ الدىندا ايتاتىن سٶز جوق. ەسەپ بەرٸلگەن كەزدە بەرٸن دە قاتىرىپ جاتىرمىز دەپ ايتامىز. ودان كەيٸن بەرٸ ۇمىت قالادى. ايتپادى دەمەڭٸزدەر, قۇرمەتتٸ ەرٸپتەستەر! سوڭعى سٶز - جارتى ايدىڭ قورىتىندىسىنان كەيٸن بٶلٸنگەن, الايدا يگەرٸلمەگەن قارجى باسقا سالاعا جۇمسالاتىن بولادى. ارى قاراي ٶزدەرٸڭٸز بٸلەسٸزدەر. حالىق پەن ەلباسىنىڭ الدىندا ٶزدەرٸڭٸز جاۋاپ بەرەسٸزدەر», - دەدٸ باقىتجان ساعىنتاەۆ.
