الماتى ەكٸمٸ باقىتجان ساعىنتاەۆ سىبايلاس جەمقورلىققا قارسى ٸس-قيمىل مەسەلەلەرٸ بويىنشا كەڭەيتٸلگەن كەڭەس ٶتكٸزدٸ, دەپ حابارلايدى "ۇلت اقپارات".
كەڭەسكە مەملەكەتتٸك, قۇقىق قورعاۋ جەنە ەسكەري ورگانداردىڭ باسشىلارى, سۋديالار كورپۋسىنىڭ ٶكٸلدەرٸ, مەسليحات دەپۋتاتتارى, جوعارى وقۋ ورىندارىنىڭ رەكتورلارى, مەديتسينا مەكەمەلەرٸنٸڭ باسشىلارى, مەكتەپ پەن كوللەدج ديرەكتورلارى قاتىستى.
كەڭەستٸ اشقان باقىتجان ساعىنتاەۆ مەملەكەت باسشىسىنىڭ سىبايلاس جەمقورلىققا قارسى كٷرەس مەملەكەتتٸك ساياساتتىڭ باسىم باعىتى بولىپ بەلگٸلەنگەنٸن اتاپ ٶتتٸ.
العاش رەت زاڭ دەڭگەيٸندە باسشىلاردىڭ سىبايلاس جەمقورلىقتا قۇقىق بۇزۋشىلىقتارى ٷشٸن دەربەس جاۋاپكەرشٸلٸك بەكٸتٸلدٸ.سونداي-اق باسشىنىڭ ۇجىمدا سىبايلاس جەمقورلىقتىڭ الدىن الۋ بويىنشا ٶز مٸندەتتەرٸن جٷيەلٸ تٷردە ورىنداماعانى ٷشٸن جەنە سىبايلاس جەمقورلىقتىڭ الدىن الۋ بويىنشا شارالار قولدانباعانى ٷشٸن جاۋاپكەرشٸلٸك ەنگٸزٸلگەن.
«بٸزدٸڭ ماقساتىمىز – قوعام, بيزنەس جەنە تۇتاستاي العاندا ادامداردىڭ ٶمٸرٸ سىبايلاس جەمقورلىقتان ادا بولۋعا جاعداي جاساۋ», – دەدٸ قالا ەكٸمٸ باقىتجان ساعىنتاەۆ. بۇعان قوسا سىبايلاس جەمقورلىققا قارسى ٸس-قيمىلدىڭ تيٸمدٸلٸگٸ ۋاقتىلى ەرٸ ٷيلەستٸرٸلگەن بولۋ كەرەكتٸگٸن ايتتى.
الماتى قالاسى جەمقورلىققا قارسى قىزمەتٸنٸڭ باسشىسى قايرات سٷنتاەۆ قالاداعى سىبايلاس جەمقورلىقتىڭ احۋالى تۋرالى بايانداپ بەردٸ.
«بٸز بۇرىنعىداي ەدٸلدٸك پەن زاڭدىلىقتى العا قويىپ, ەربٸر سىبايلاس جەمقورلىق فاكتٸسٸنە پرينتسيپتٸ جەنە ىمىراسىز قارايتىن بولامىز», – دەپ اتاپ ٶتتٸ قالالىق سىبايلاس جەمقورلىققا قارسى ۆەدومستۆونىڭ باسشىسى.
جيىن بارىسىندا قالا ەكٸمٸ مەملەكەتتٸك ورگانداردىڭ باسشىلارىنا سىبايلاس جەمقورلىققا قارسى ٸس-قيمىل سالاسىنداعى جۇمىستى كٷشەيتۋدٸ, «الماتى – ادالدىق الاڭى» جوباسىن جانداندىرۋ جەنە حالىققا قۇقىقتىق كٶمەك كٶرسەتەتٸن «مەيٸرٸمدٸلٸك اكسەلەراتورى» قوعامدىق قوزعالىسىن قولداۋ بويىنشا بٸرقاتار تاپسىرمالار بەردٸ.
