ساعىنتاەۆ قىرعىزستانمەن شەكاراداعى كەزەكتٸڭ سەبەبٸن تٷسٸندٸردٸ

قازاقستان پرەمەرٸ شەكاراداعى جۇمىستاردىڭ قىرعىز تاراپىنا باعىتتالماعانىن ايتتى.

«بٸز سالىق ٷلەسٸ بويىنشا كەلەتٸن زييان مٶلشەرٸن ازايتىپ, كونتراباندا دەڭگەيٸن تٶمەندەتكٸمٸز كەلەدٸ. قازاقستاننىڭ بۇدان باسقا كٶزدەپ وتىرعان ەش ماقساتى جوق. بۇل وداقتاعى باسقا ەرٸپتەستەرٸمٸزگە دە قاتىستى» دەپ مەلٸمدەدٸ ساعىنتاەۆ.

«بٸز قازاقستان مەن قىرعىزستان اراسىنداعى جول كارتاسىن ەزٸرلەپ جاتىرمىز (48 تارماقتان تۇرادى – اگەنتتٸك). 43 تارماق بويىنشا بٸر مەمٸلەگە كەلٸپ وتىرمىز. بٸزدٸڭ قىزمەتتەر ولاردى ودان ەرٸ جٷزەگە اسىرۋمەن اينالىسادى», - دەدٸ باقىتجان ساعىنتاەۆ.

ول قىتايدان ەاەو ەلدەرٸنە تاۋار جەتكٸزۋگە قاتىستى جاعدايعا قىسقاشا شولۋ جاسادى.

«ەەك مەلٸمەتٸنشە, 2016 جىلى ەاەو ەلدەرٸنٸڭ يمپورتى $201 ميلليارد بولدى. سونىمەن قاتار ونىڭ ەدەۋٸر كٶپ بٶلٸگٸ قىتايدىڭ ٷلەسٸندە – 22,7 پروتسەنت. 2017 جىلدىڭ 7 ايىندا دا وسىنداي جاعداي قايتالاندى», — دەپ اتاپ ٶتتٸ قازاقستان پرەمەرٸ.

2014-2016 جىلدارى قىتايدان ەاەو ەلدەرٸنە يمپورت ديناميكاسىنىڭ تالداۋى: قىرعىز رەسپۋبليكاسىنان باسقا بارلىق ەلدەردە يمپورت تٶمەندەگەنٸ بايقالىپ وتىر, ونىڭ ٸشٸندە قازاقستانعا ەكٸ ەسە تٶمەندەگەن.

«2014-2016 جىلدار ٸشٸندە كەدەندٸك باج سالىعىنىڭ تٷسۋ ديناميكاسىنىڭ تالداۋى دا قىرعىزستاننان باسقا, وداقتىڭ بارلىق ەلدەرٸ بويىنشا تٷسٸم تٶمەندەگەنٸن كٶرسەتتٸ. بۇل تۇستا ەڭ كٶپ جوعالتىپ وتىرعان – قازاقستان (18,9 پايىز)», - دەدٸ ول.

سونداي-اق, باقىتجان ساعىنتاەۆ جان باسىنا شاققانداعى حالىقتىق تۇتىنۋ تاۋارلارىن (كيٸم-كەشەك پەن اياق كيٸم) ەكەلۋ اقىلعا قونىمسىز جٷرگٸزٸلەتٸنٸن اتاپ ٶتتٸ.مەسەلەن, قازاقستانعا قاراعاندا قىرعىزستانعا كيٸم-كەشەك 65 ەسە, ال رەسەيگە قاراعاندا 43 ەسە كٶپ جەتكٸزٸلەدٸ.

ساعىنتاەۆ قازاقستان كەدەندٸك ەكٸمشٸلەۋدٸڭ جەتكٸلٸكسٸز ەكەنٸن 2016 جىلى بٸرنەشە رەت كٶتەرگەنٸن ەسكە سالدى.

«قىرعىز رەسپۋبليكاسى مەن قازاقستان رەسپۋبليكاسى قىزمەتتەرٸ اراسىندا قحر-دان تاۋار تاسىمالداۋ كەزٸندە كٷمەندٸ دەكلاراتسييالاۋدىڭ جولىن كەسۋ ماقساتىندا 2017 جىلعى 5 ماۋسىمدا بٸرلەسكەن قيمىل جٶنٸندەگٸ جوسپارعا قول قويىلعان بولاتىن. الايدا قىرعىز تاراپىنىڭ جوسپارلانعان ٸس-شارالاردى ورىنداماۋىنىڭ سالدارىنان تيٸستٸ ەسەر بولعان جوق», - دەدٸ باقىتجان ساعىنتاەۆ.

قىرعىز پرەمەر-مينيسترٸ ساپار يساقوۆ قىرعىز تاراپى جەكە مەلٸمدەمە جاسايتىنىن اتاپ ٶتتٸ.

«بٸزدٸڭ دە ايتاتىن جايتتارىمىز بار. بٸرنەشە شاقىرىمعا سوزىلعان كەزەك تەك قىرعىزستان ازاماتتارىنىڭ عانا ەمەس, قازاقستاننىڭ دا جەنە ٷشٸنشٸ ەلدەر ازاماتتارىنىڭ دا نارازىلىعىن تۋعىزۋدا», - دەدٸ ول.