بٷگٸن ٷكٸمەت وتىرىسىندا پرەمەر-مينيستر باقىتجان ساعىنتاەۆ ٸشكٸ ٸستەر مينيسترلٸگٸنٸڭ جۇمىسىن سىنعا الدى, دەپ حابارلايدى Sputnik قازاقستان تٸلشٸسٸ.
بٷگٸن ٷكٸمەت وتىرىسىندا شىعىس قازاقستان وبلىسىنىڭ ەكٸمٸ دانيال احمەتوۆ ٶڭٸردەگٸ سۋ تاسقىنىنا بايلانىستى بايانداما جاساعان بولاتىن. وبلىس ەكٸمٸ تٶتەنشە جاعدايلار دەپارتامەنتٸندە موتوپومپا, گيدروكومبينەزون, قايىق – بەرٸ تاپشى ەكەنٸن ايتتى.
ٷكٸمەت باسشىسى قر ٸشكٸ ٸستەر مينيسترٸنٸڭ بٸرٸنشٸ ورىنباسارى جانات سٷلەيمەنوۆتەن مۇنىڭ سەبەبٸن سۇرادى.
"بۇل مەسەلە بويىنشا بٸز دەمالىس كٷنٸ ۇلتتىق ۇلان ۇشاعىمەن وڭتٷستٸك قازاقستان, الماتى, پاۆلودار وبلىستارىنان جەكە قۇرام مەن تەحنيكالار جەتكٸزدٸك", — دەدٸ سٷلەيمەنوۆ.
"ول دۇرىس ەندٸ, جوق بولعاننان كەيٸن باسقا وبلىستاردان الىپ وتىرسىز عوي. ال دانيال كەنجەتايۇلى ايتىپ وتىر, نورما بويىنشا وسىنشا بولۋ كەرەك, ال شىن مەنٸندە ٶتە تٶمەن دەپ. مينيسترلٸك تاراپىنان قانداي شارالار جاسالىپ جاتىر", — دەپ ناقتىلادى پرەمەر.
بٸراق ٸٸم ۆيتسە-مينيسترٸ قولىندا دايىن بايانداماسى بولماعان سوڭ, جاۋاپ بەرە الماي قينالدى.
"ەرينە, الدىڭىزدا بايانداما جوق, سوندا سٸزدەر قالاي باسقاراسىزدار? باياندامادا جازىلعاندى وقيسىزدار, جازباسا جاعدايدىڭ نە بولعانىن بٸلمەيسٸزدەر. وسىدان كەيٸن تٶتەنشە جاعدايعا دۋشار بولامىز, تەحنيكا جوق, كومبينەزون جوق, موتوپومپا جوق. قيىن جاعداي بولسا, كٶرشٸ وبلىستاردان سۇراپ الامىز", — دەپ اشۋلاندى ساعىنتاەۆ.
