پرەمەر-مينيستر باقىتجان ساعىنتاەۆ مينيستردەن نەلٸكتەن ەلدە اي-92 بەنزينٸ تاپشى ەكەنٸن سۇرادى, - دەپ حابارلايدى kaz.tengrinews.kz تٸلشٸسٸ.
"جانار-جاعارماي نارىعىندا قالىپتاسقان جاعدايعا نازار اۋدارامىن. ٶڭٸرلەردە دەفيتسيت بايقالىپ وتىر, بەنزين شەكتەۋمەن, ال كەي جەرلەردە تٸپتٸ تالونمەن ساتىلۋدا. سالدارىنان باعا ٶسٸپ كەتتٸ. الايدا, قانات الدابەرگەنۇلى (بوزىمباەۆ - اۆت.), ٷكٸمەتتٸڭ ٶتكەن وتىرىسىندا بارلىق پروبلەمانى شەشۋگە ۋەدە بەرگەنسٸز, بٸراق جانار-جاعارماي بويىنشا جاعداي شەشٸلمەدٸ, ياعني جاعداي تۇراقتانبادى. بۇل قاشانعى جالعاسا بەرمەك?", - دەدٸ ساعىنتاەۆ ٷكٸمەت وتىرىسىندا.
قانات بوزىمباەۆ 2017 جىلعى 1 ماۋسىمداعى جاعداي بويىنشا اي-92 قورى 292 مىڭ توننا بولعانىن, ال قورداعى بەنزيندٸ تۇتىنۋ كەزەڭٸنەن كەيٸن مۇناي بازالارىندا بۇل كٶرسەتكٸش 140 مىڭ تونناعا ازايعانىن, مۇنىڭ تۇتىنۋعا 15 كٷنگە جەتەتٸنٸن ايتتى.
"ورتاشا باعا 11 پايىزعا ٶستٸ. ال يمپورت ٷلەسٸ شٸلدەدەگٸ 15 پايىزدان قىركٷيەكتەگٸ 30 پايىزدان, قازانداعى 40 پايىزعا دەيٸن ٶستٸ. بۇل جەردە دەفيتسيت سٶزٸن قولدانۋ دۇرىس ەمەس, ەلدە دەفيتسيت جوق", - دەدٸ مينيستر.
"سٶزٸڭٸز اۋزىڭىزدا, ەلدە دەفيتسيت بولماسا, كەزەك قايدان شىعىپ وتىر? حالىق تٷسٸنبەيدٸ عوي", - دەدٸ پرەمەر-مينيستر.
