الماتى ەكٸمٸ باقىتجان ساعىنتاەۆ قالا تۇرعىندارىن ٶز اۋدانىنىڭ كٶركەيۋٸنە بەلسەندٸ ات سالىسۋعا شاقىردى, دەپ حابارلايدى "ۇلت اقپارات".
قالا ەكٸمٸ باقىتجان ساعىنتاەۆ Instagram-داعى پاراقشاسىندا جاڭارعان اۋلالار مەن جاياۋ جٷرگٸنشٸ ايماقتارىنىڭ قوعامدىق كەڭٸستٸك اجارىن اشا تٷسكەنٸن ايتتى.
«اۋدانعا جاساعان جۇمىس ساپارى كەزٸندە اۋماقتاردى ٶزگەرتۋگە كەشەندٸ تٷردە قاراپ, شاڭ-توزاڭ بولماۋ ٷشٸن بارلىق بوس ۋچاسكەلەردٸ بارىنشا كٶگالداندىرۋدى تاپسىردىم. بيىل اۋداندا 205 اۋلا, 9 سكۆەر جٶندەلٸپ, 5 بوس ۋچاسكە, 2 جاعالاۋ ايماعى اباتتاندىرىلدى. №10 ىقشاماۋدانداعى جاياۋ جٷرگٸنشٸلەر ايماعى جٶندەلٸپ جاتىر», - دەپ جازدى الماتى ەكٸمٸ.
قالا ەكٸمٸ بۇل جۇمىستاردىڭ بارلىعى تۇرعىندارمەن ٶتكەن ەسەپ بەرۋ كەزدەسۋٸندە ايتىلعان ٶتٸنٸشتەر بويىنشا جاسالعانىن اتاپ ٶتتٸ.
«ادامداردىڭ كٶڭٸل-كٷيٸنٸڭ قالاي جاقسارىپ جاتقانىن بايقاۋ قيىن ەمەس. ىقشاماۋداندار ٶمٸر سٷرۋگە ىڭعايلى بولىپ تٷرلەندٸ. ىڭعايلى ورىندىقتار, ويىندارعا ارنالعان ٷستەلدەر, بالالار الاڭدارى تۇرعىندارعا ۇزاق قىزمەت ەتەرٸ سٶزسٸز», - دەدٸ ول.
ب. ساعىنتاەۆ قالا تۇرعىندارى بۇرىنعىشا ٶزدەرٸ تۇراتىن جەردٸ اباتتاندىرىپ, گٷلدەر مەن اعاشتار وتىرعىزۋدى قولعا السا دەگەن ۇسىنىسىن بٸلدٸردٸ.
«تەرتٸپتٸ ساقتاپ, بالالارىمىزعا قالامىزعا ۇقىپتى قاراۋدىڭ ٷلگٸسٸن كٶرسەتەيٸك», - دەدٸ مەگاپوليس ەكٸمٸ.
