الماتىدا الداعى ەكٸ جىل ٸشٸندە جيىنى 13 مىڭ ورىنعا ارنالعان بٸرنەشە مەكتەپ اشىلادى. وكق-دا ٶتكەن باسپاسٶز مەسليحاتىندا الماتى قالاسىنىڭ ەكٸمٸ باقىتجان ساعىنتاەۆ وسىلاي مەلٸم ەتتٸ, دەپ حابارلايدى قازاقپارات.
«مەكتەپ بويىنشا پروبلەما بار. بٸر سىنىپتا 40 وقۋشىدان وتىرعاندار دا بار. دەسە دە, جاعدايدى جاقسارتۋ مەسەلەسٸن مەملەكەتتٸك-جەكەمشەلٸك ەرٸپتەستٸك ارقىلى شەشٸپ, تيٸستٸ مودەلدٸ ەزٸرلەپ, ينۆەستورلاردىڭ قولداۋىمەن دەفيتسيتتٸ جويامىز دەگەن ويدامىن», - دەدٸ ەكٸم تٸلشٸلەردٸڭ سۇراعىنا جاۋاپ بەرە وتىرىپ.
باقىتجان ساعىنتاەۆ قر پرەزيدەنتٸ قاسىم-جومارت توقاەۆتىڭ مەكتەپتەر مەن بالاباقشالارداعى ورىن تاپشىلىعى پروبلەمالارىن شەشۋ جٶنٸندە بەرگەن تاپسىرماسىنىڭ قالاي جٷزەگە اساتىنى تۋرالى تولىعىراق بايانداماسىندا دا ايتتى.
«بٷگٸنگٸ كٷنٸ الماتى مەكتەپتەرٸندەگٸ ورىن تاپشىلىعى 30 مىڭدى قۇرايدى. بالاباقشالاردا ورىن تاپشىلىعى — 20 مىڭنان استام. بۇل پروبلەمالاردى شەشۋ ٷشٸن مەملەكەتتٸك-جەكەشەلٸك ەرٸپتەستٸك قاعيداسى بويىنشا مەكتەپتەر سالۋ باعدارلاماسى ەزٸرلەندٸ. تاياۋ اراداعى ەكٸ جىل ٸشٸندە شامامەن 13 مىڭ ورىندى سەگٸز مەكتەپ سالىنادى», — دەدٸ قالا ەكٸمٸ.
ەكٸمنٸڭ ايتۋىنشا, 2020 جىلدىڭ باسىندا 790 ورىندى بەس بالاباقشا پايدالانۋعا بەرٸلەدٸ. جاڭا وقۋ جىلىندا 1 800 ورىندى ەكٸ مەكتەپ جەنە بۇرىننان بار مەكتەپتەردٸڭ جانىنان 2 017 ورىندىق بەس قوسالقى نىسان ٸسكە قوسىلادى.
بۇدان ٶزگە, بۇل ٸسكە مەملەكەتتٸك بٸلٸم بەرۋ تاپسىرىسىن ورنالاستىرۋ جولىمەن جەكە بيزنەس تارتىلۋدا. 2020-2022 جىلدارى جەكە ينۆەستيتسييالىق ەسەبٸنەن 2 240 ورىندى تٶرت مەكتەپتٸ, 8 000 ورىندى 300 بالاباقشانى اشۋ جوسپارلانىپ وتىر.
«وسىلايشا اتالعان شارالار ەكٸ اۋىسىمدا بٸلٸم الاتىن مەكتەپتەردەگٸ تاپشىلىقتى 30 مىڭ ورىنعا قىسقارتادى. سونىمەن قاتار, بالاباقشا كەزەگٸن 10 مىڭ ورىنعا ازايتادى», — دەپ اتاپ ٶتتٸ الماتى ەكٸمٸ.
