الماتى ەكٸمٸ باقىتجان ساعىنتاەۆ زەردەلٸ شاعىن اۋدانىنداعى جەتٸ ۋچاسكەنٸ مەملەكەت مەنشٸگٸنە قايتارۋ قاراستىرىلىپ جاتقانىن ايتتى, دەپ حابارلايدى "ۇلت اقپارات".
بۇل تۋرالى ول شاعىن اۋدان تۇرعىندارىمەن كەزدەسۋدە ايتتى.
«زەردەلٸ» ىقشاماۋدانىنىڭ تۇرعىندارىمەن ەڭگٸمە بارىسىندا قالا ەكٸمٸ كٶتەرٸلگەن مەسەلەلەردٸڭ نازاردان تىس قالمايتىنىن اتاپ ٶتتٸ. سونىڭ بٸرٸ — «كٸرٸستٸرۋ» دەپ اتالاتىن جوسپارلانعان قۇرىلىس, ياعني تۇرعىن ٷيلەرگە ٸرگەلەس جاتقان ۋچاسكەلەردە قۇرىلىس جٷرگٸزۋ.
ىقشاماۋداننىڭ بەلسەندٸ تۇرعىندارىنىڭ بٸرٸ دانا راحيموۆا تۇرعىنداردىڭ «كٸرٸستٸرۋ» قۇرىلىستارىنان قاۋٸپتەنەتٸنٸن ايتتى. ونىڭ بۇل سٶزٸنە ەكٸم ٶزٸنٸڭ تاپسىرماسى بويىنشا جەر قاتىناستارى باسقارماسىنىڭ وسىنداي جەتٸ ۋچاسكەنٸ مەملەكەت مەنشٸگٸنە قايتارۋ مەسەلەسٸن قاراپ جاتقانىن جەتكٸزدٸ.
«بۇل ۋچاسكەلەر ٸرگەلەس سالىنعان ٷيلەر تۇرعىندارىنىڭ تٸلەكتەرٸنە ساي اباتتاندىرىلۋى تيٸس. مٷمكٸن مۇندا ويىن, سپورت نەمەسە بالالار الاڭدارى قاجەت شىعار», - دەدٸ ب. ساعىنتاەۆ.
ەڭگٸمە بارىسىندا الماتى ەكٸمٸ الاتاۋ اۋدانىن دامىتۋعا ەرەكشە نازار اۋدارىلاتىنىن, ونىڭ ورتالىقتاندىرۋ قاعيداتى بويىنشا جٷزەگە اسىرىلاتىنىن ايتتى.
سونىمەن قاتار, الماتى ەكٸمٸ الاتاۋ اۋدانىنداعى «باقىتتى وتباسى» ەلەۋمەتتٸك قولداۋ ورتالىعىنىڭ بازاسىندا جٷزەگە اسىرىلعان «ٸسكەر انا» جوباسىنا قاتىسۋشى كٶپبالالى انالارمەن كەزدەسۋ بارىسىندا ٸسكەر ەيەلدەردٸڭ جەتٸستٸكتەرٸنە قىزىعۋشىلىق بٸلدٸردٸ.
الاتاۋ اۋدانىنداعى «باقىتتى وتباسى» ورتالىعىنىڭ جەتەكشٸسٸ اقمارال باسيروۆا بيىل 25 مىڭعا جۋىق ەيەلدٸڭ تٷرلٸ شەبەرلٸك كۋرستارىندا بٸلٸم العاندارىن ايتتى. قازٸردٸڭ ٶزٸندە ولاردىڭ كٶپشٸلٸگٸ تابىستى ٸسكەر ەيەلگە اينالدى.
«كٷردەلٸ جاعدايلارعا تاپ بولعان كٶپتەگەن ەيەلدەردٸڭ ٶمٸرٸ بٸزدٸڭ كٶز الدىمىزدا ٶزگەرۋدە. قيىندىقتارعا قاراماستان, ولار ٶز كٷشتەرٸنە سەنەدٸ ەرٸ جاڭا ٸستەردٸ يگەرۋگە ۋاقىت تا تابادى», - دەدٸ اقمارال باسيروۆا.
قالا ەكٸمٸ ب. ساعىنتاەۆ «ٸسكەر انا» باعدارلاماسىنىڭ كٶپبالالى انالاردى قولداۋعا باعىتتالعانىن ەسكە سالدى. ولار «باقىتتى وتباسى» اۋداندىق ورتالىقتارىنىڭ بازاسىندا «ەڭبەك» مەملەكەتتٸك باعدارلاماسى اياسىندا كەسٸپكەرلٸك نەگٸزدەرٸن وقىپ-ٷيرەنەدٸ. كٶپبالالى وتباسىلاردان شىققان 888 ادام 555 مىڭ تەڭگەگە دەيٸن گرانت الدى. ولاردىڭ 557-سٸ ٶزدەرٸنٸڭ جەكە كەسٸپتەرٸن اشتى. تاعى 203 كٶپبالالى انا 5 ميلليون تەڭگەگە دەيٸن گرانت الدى. وسى جوباعا جالپى سوماسى 406 ملن تەڭگە جۇمسالدى.
الماتى ەكٸمٸ ب. ساعىنتاەۆتىڭ ايتۋىنشا, بيىل گرانتتاردىڭ جالپى سوماسى 200% -عا ۇلعايىپ, 700 ملن تەڭگە بولدى.
«باعدارلاما سۇرانىسقا يە جەنە ناقتى نەتيجەلەردٸ كٶرسەتۋدە. سٸزدەرمەن كەزدەسكەننەن كەيٸن مەن بۇعان تاعى دا كٶز جەتكٸزدٸم. ەكٸمدٸك كٶپبالالى انالار اراسىندا كەسٸپكەرلٸكتٸ دامىتۋعا قولداۋ كٶرسەتۋدٸ جالعاستىرادى. جەڭٸلدەتٸلگەن جالعا بەرٸلەتٸن ٷي-جايلاردى, مىسالى, شاعىن ٶندٸرٸستٸك پاركتەردە ورىنداردى الۋعا كٶمەكتەسەمٸز. بۇلاردان ٶزگە, گرانتتارعا بٶلٸنەتٸن سومانى ۇلعايتۋ مٷمكٸندٸگٸن قاراستىرامىز», - دەدٸ ب. ساعىنتاەۆ.
