قر بٸلٸم جەنە عىلىم مينيسترٸ ەرلان ساعاديەۆ «جاس الاش» پەن «تريبۋنا» باسىلىمدارى باس رەداكتورلارىنىڭ الماتىدا ٶتەتٸن باسقوسۋعا شاقىرعان حاتتارىنا ەلەۋمەتتٸك جەلٸ ارقىلى جاۋاپ بەردٸ, دەپ حابارلايدى ۇلت.كز تٸلشٸسٸ. 22 قازانعا جوسپارلانعان باسقوسۋ مەكتەپتەرٸندە وقىتۋدىڭ ٷش تٸلدە جٷرگٸزٸلۋ مەسەلەسٸنە ارنالماق.
تاياۋدا قر بٸلٸم جەنە عىلىم مينيسترلٸگٸنە «جاس الاش» گازەتٸنٸڭ باس رەداكتورى رىسبەك سەرسەنباي مەن «تريبۋنا» گازەتٸنٸڭ باس رەداكتورى جانبولات ماماي اتتارىنان بٸلٸم جەنە عىلىم مينيسترٸ ەرلان ساعاديەۆتٸ الماتىدا ٶتكٸزٸلەتٸن باسقوسۋعا شاقىرۋ حاتى كەلٸپ تٷستٸ. 22 قازان كٷنٸنە جوسپارلانعان بۇل جيىندا رەسپۋبليكامىزدىڭ مەكتەپتەرٸندە وقىتۋدىڭ ٷش تٸلدە جٷرگٸزٸلۋ مەسەلەسٸ تالقىلانباق.
وسى حاتقا جاۋاپتى بعم فەيسبۋك ەلەۋمەتتٸك جەلٸسٸندەگٸ رەسمي پاراقشاسىندا جارييالادى.
«قۇرمەتتٸ رىسبەك سەرسەنبايۇلى, جانبولات ماماي!
ەڭ الدىمەن, الماتىدا ۇيىمداستىرىپ جاتقان جيىندارىڭىزعا قر بٸلٸم جەنە عىلىم مينيسترٸ ەرلان ساعاديەۆتٸ شاقىرعان حاتىڭىزدىڭ نازارسىز قالماعانىن جەتكٸزگٸمٸز كەلەدٸ.
بٷگٸندەرٸ بٸزدٸڭ تەۋەلسٸز ەلٸمٸزدە قازاق تٸلٸن – مەملەكەتتٸك تٸلدٸ دامىتۋ مەسەلەسٸ كٸم-كٸمدٸ دە بەي-جاي قالدىرماسى انىق. سٸزدەردٸڭ تاراپتارىڭىزدان وسى باعىتتا ٷنەمٸ كٶتەرٸلٸپ جٷرگەن مەسەلەلەر جايىندا حاباردارمىز. بٸلٸم سالاسىنىڭ جاعدايىنا بايلانىستى ٶز كٶزقاراستارىڭىزدى بٸلدٸرٸپ, اشىق جەنە جارييالى تٷردە الاڭداۋشىلىق بٸلدٸرگەنٸڭٸز – قۇپتارلىق جايت دەپ بٸلەمٸز. دەگەنمەن, مەملەكەت اتىنان بٸلٸم جەنە عىلىم سالاسىن دامىتۋ مٸندەتٸ جٷكتەلگەن مينيسترلٸك رەتٸندە سٸزدەردٸڭ كەلتٸرٸپ جٷرگەن كەيبٸر دەيەكسٸز پٸكٸرلەرٸڭٸزبەن كەلٸسە المايمىز.
سوندىقتان دا, قر بٸلٸم جەنە عىلىم مينيسترلٸگٸنٸڭ سٸزدەرمەن پٸكٸر الماسىپ, بٷگٸنگٸ كٷنٸ بٸلٸم سالاسىندا ٶتكٸزٸلٸپ جاتقان رەفورما مەن ونىڭ اياسىندا ەنگٸزٸلٸپ جاتقان كٶپتەگەن جاڭاشىل ٷدەرٸستەر جٶنٸندە تولىققاندى اقپارات بەرٸپ, مٸندەت-ماقساتتارىن تٷسٸندٸرۋگە مٷددەلٸ.
وسى تۇستا تاعى بٸر ايتا كەتەرلٸك جايت بار. 22 قازان كٷنٸ قر بٸلٸم جەنە عىلىم مينيسترٸ ەرلان ساعاديەۆتٸڭ قىزمەتتٸك كٷنتٸزبەسٸندە بٸرقاتار مەملەكەتتٸك ماڭىزى بار ٸس-شاراعا قاتىسۋ جوسپارلانىپ قويىلعان. ولاردىڭ بەرٸ دە استانا قالاسىندا ٶتەتٸندٸكتەن, بەلگٸلەنگەن كٷنٸ مينيستردٸڭ الماتىداعى كەزدەسۋگە قاتىسۋ مٷمكٸندٸگٸ بولمايتىنىنا تٷسٸنٸستٸكپەن قارايسىزدار دەپ ٷمٸتتەنەمٸز», - دەپ جازىلعان حات مەتٸنٸندە.
ەسەسٸنە, ەرٸپتەستەرٸمەن بٸرگە تالقىلاپ, بٸر شەشٸمگە كەلەر دەگەن نيەتپەن مينيسترلٸك تاراپىنان ٶزەكتٸ تاقىرىپتى تالقىلاۋ بويىنشا ەكٸ ۇسىنىس جاسالادى.
«1. سٸزدەر قارسى بولماساڭىزدار, الماتىدا ٶتەتٸن شاراعا مەملەكەتتٸڭ بٸلٸم سالاسىن دامىتۋ ساياساتىن قولداپ, رەفورمالاردى ٸسكە اسىرۋعا بەلسەنە اتسالىسىپ جٷرگەن بٸر توپ ماماندار, لاۋازىم يەلەرٸ جەنە ازاماتتىق قوعام ٶكٸلدەرٸ قاتىسۋعا دايىن.
2. 26 قازان كٷنٸ استانادا بٸلٸم ۇيىمدارىندا قازاق تٸلٸن وقىتۋ, ونىڭ قولدانۋ اياسىن بارىنشا كەڭەيتۋ ارقىلى مەملەكەتتٸك تٸلدٸ دامىتۋ مەسەلەلەرٸ تالقىلاناتىن دٶڭگەلەك ٷستەل وتىرىسى ٶتكٸزٸلمەك. سٸزدەردٸ وسى ٸس-شاراعا قاتىسۋعا شاقىرامىز.
قر بٸلٸم جەنە عىلىم مينيسترٸ ە. ساعاديەۆ سٸزدەرمەن اتالعان باسقوسۋ اياسىندا كەزدەسۋگە دايىن ەكەندٸگٸن جەتكٸزەمٸز», - دەپ جازدى قر بٸلٸم جەنە عىلىم مينيسترلٸگٸنٸڭ باسپاسٶز حاتشىسى ە. ەلٸبەكوۆا.
ۇلت پورتالى
