ورىس مەكتەپتەرٸندە بٸلٸم الىپ جاتقان 500 مىڭ بالانى قازاق تٸلٸندە سٶيلەتەتٸن جاڭا ەدٸستەمە جاسالدى. بۇل تۋرالى بٷگٸن ەلورداداعى №80 مەكتەپ-گيمنازييادا ٶتكەن العاشقى قوڭىراۋ اياسىندا باق ٶكٸلدەرٸنە سۇحبات بەرگەن ەلٸمٸزدٸڭ بٸلٸم جەنە عىلىم مينيسترٸ ەرلان ساعاديەۆ ايتتى, دەپ حابارلايدى قازاقپارات.
«بارلىقتارىڭىز بٸلەسٸزدەر, قازٸرگٸ ۋاقىتتا جاعدايىمىز جامان ەمەس. قازاق بالالارىنىڭ 90 پايىزى قازاق تٸلٸندە بٸلٸم الىپ جاتىر. مەسەلەن, مەن وقىعان ۋاقىتتا الماتى قالاسىندا 65 مەكتەپتٸڭ بٸرەۋٸ عانا قازاق تٸلٸندە بولاتىن. قازٸر قازاق بالالارىنىڭ 90 پايىزى انا تٸلٸندە بٸلٸم الۋدا. دەمەك شۋلاساق تا, شۋلاماساق تا ۋاقىتتىڭ ٶزٸ كەلەدٸ», - دەدٸ ول.
وسى رەتتە ەرلان ساعاديەۆ بٸلٸم جەنە عىلىم مينيسترلٸگٸ ايرىقشا نازار اۋداراتىنى ورىس مەكتەپتەرٸندە بٸلٸم الىپ جاتقان 500 مىڭعا جۋىق بالانى قازاق تٸلٸنە ٷيرەتۋ ەكەندٸگٸن باسا ايتتى.
«ولار 11 جىل وقىسا دا قازاق تٸلٸندە سٶيلەمەيدٸ, ەدٸستەمە ناشار. بٸز ونى تٷسٸنٸپ وتىرمىز. جاڭا ەدٸستەمە دايىن. ٸلكٸ جوبا رەتٸندە مىڭنان استام مەكتەپكە ەنگٸزگەلٸ وتىر. ول كوممۋنيكاتيۆتٸك تەحنولوگييا, سٶزدٸك قورى مينيمۋم بولىپ جاسالعان. ٸلكٸ جوبا ٶز نەتيجەسٸن بەرەتٸن بولسا, كەلەسٸ جىلى مەكتەپتەرگە ەنگٸزەتٸن بولامىز», - دەدٸ مينيستر.
