بٸلٸم جەنە عىلىم مينيسترٸ ەرلان ساعاديەۆ مۇعالٸمدەردٸڭ جالاقىسىن ٶسٸرۋ قالاي جٷزەگە اسىرىلاتىنىن ايتتى, دەپ حابارلايدى Sputnik قازاقستان تٸلشٸسٸ.
مەجٸلٸستە ٶتكەن ٷكٸمەت ساعاتىندا دەپۋتات شاۆحات ٶتەمٸسوۆ مينيستردەن مۇعالٸمدەردٸڭ جالاقىسى قالاي جەنە قاشان ٶسەتٸنٸن سۇرادى.
"مەملەكەت باسشىسى بيىلعى جىلعى جولداۋىندا بٸلٸم بەرۋدٸڭ جاڭارتىلعان مازمۇنىنا كٶشەتٸن مۇعالٸمدەردٸڭ لاۋازىمدىق جالاقىسىن 2018 جىلدىڭ 1 قاڭتارىنان باستاپ 30 پايىزعا كٶبەيتۋدٸ تاپسىردى. سونىمەن بٸرگە, كەلەسٸ تاپسىرماسى 2018 جىلى مۇعالٸمدەر ٷشٸن بٸلٸكتٸلٸك دەڭگەيٸن ەسكەرەتٸن كاتەگورييالاردىڭ جاڭا كەستەسٸن ەنگٸزۋ ەدٸ. ەندٸ مۇعالٸمدەردٸڭ جالاقىسى بٸلٸكتٸلٸك تەستەرٸن تاپسىرۋىنا بايلانىستى 30-دان 50 پايىزعا دەيٸن ٶسەتٸن بولادى. سايلاۋشىلارمەن كەزدەسكەن كەزدە وسى مەسەلە پەداگوگيكالىق قوعامداستىقتىڭ ەرەكشە قىزىعۋشىلىعىن تۋعىزدى. وسىعان بايلانىستى كەيبٸر انىقتاعىم كەلگەن مەسەلەلەر بار. بٸرٸنشٸدەن, مۇعالٸمدەردٸڭ قانداي ساناتىنا ٷستەمەاقى كٶزدەلەدٸ جەنە ول نەگە بايلانىستى بولادى? مىسالى, جۇمىس ٶتٸلٸنە مە, ونىڭ كەسٸبي جەتٸستٸكتەرٸنە مە, قالالىق نە اۋىلدىق مەكتەپ دەگەنگە بايلانىستى بولا ما? مۇعالٸمگە ەڭبەكاقىسىن ٶسٸرۋ ٷشٸن نە ٸستەۋ كەرەك? ٶيتكەنٸ ولاردىڭ بارلىعى جاڭارتىلعان بٸلٸم مازمۇنىمەن جۇمىس ٸستەمەيدٸ عوي. جەنە ٷستەمەاقى ناقتى قانداي كەزەڭنەن باستاپ جٷزەگە اسىرىلاتىنىن تٷسٸندٸرٸپ بەرسەڭٸز", — دەدٸ دەپۋتات.
سۇراقتىڭ ماڭىزدىلىعىن اتاپ ٶتكەن ەرلان ساعاديەۆ ەلباسىنا تاعى بٸر رەت راحمەتٸن ايتتى.
"بٸز جاڭا وقۋ جىلىنان باستاپ مۇعالٸمدەردٸ بٸرىڭعاي تەستٸلەۋدەن ٶتكٸزۋدٸ جوسپارلاپ وتىرمىز. تەك قانا بٸرىڭعاي تەستٸلەۋ جٷيەسٸن ەنگٸزەمٸز, ال بۇرىنعى جٷيە سول كٷيٸندە قالادى. بٸرىڭعاي تەستٸلەۋ نەگە كەرەك? قازٸر بەرٸمٸزگە كەرەگٸ – مۇعالٸم ٶزٸنٸڭ ساباعىن بٸلە مە, بٸلمەي مە? سونى بٸلۋ ٷشٸن, مۇعالٸمدەر دايىندالۋ ٷشٸن بٸرىڭعاي تەستٸلەۋ رەجيمٸن ەنگٸزٸپ وتىرمىز", — دەدٸ ساعاديەۆ.
ەمتيحاندا مۇعالٸمدەر 100 سۇراققا جاۋاپ بەرەدٸ, ونىڭ 70 سۇراعى پەن بويىنشا بولادى.
"ال 30 سۇراق بٸلٸم بەرۋ ەدٸستەمەلەرٸ جەنە زاڭدار سيياقتى سۇراقتارعا ارنالعان. قازٸرگٸ ۋاقىتتا سۇراقتار دايىن, بٸرنەشە قابىلدايتىن قۇجاتتار بار. ونىڭ بەرٸن ەكٸ-ٷش ايدىڭ ٸشٸندە دايىنداساق, جاڭا وقۋ جىلىنان مۇعالٸمدەردٸ تەستٸلەۋدەن ٶتكٸزٸپ, ەرٸ قاراي دەڭگەيٸن كٶتەرۋگە مەحانيزم ەنگٸزەمٸز. بۇل كٶپ مەملەكەتتە بار جٷيە ", — دەدٸ مينيستر.
"مۇعالٸمدەردٸڭ بەرٸ تەستٸلەۋدەن ٶتۋٸ كەرەك پە?", — دەپ سۇرادى مەجٸلٸس تٶراعاسىنىڭ ورىنباسارى گٷلميرا يسيمباەۆا.
"بٸرىڭعاي تەستٸلەۋدەن بٸلٸكتٸلٸك دەڭگەيٸن كٶتەرۋگە مٷددەلٸ مۇعالٸمدەردٸڭ بەرٸ ٶتۋٸ قاجەت. بٸراق, مىسالى, مۇعالٸمدەر ەكٸ-ٷش جىل بۇرىن بٸلٸكتٸلٸك دەڭگەيٸن كٶتەرسە, ەرٸ قاراي جۇمىس ٸستەۋگە بولادى. كەلەسٸ كەزەڭدە عانا تەستٸلەۋدەن ٶتەتٸن بولادى", — دەپ جاۋاپ بەردٸ مينيستر.
ودان كەيٸن ۆيتسە-سپيكەر جالاقىسىن كٶبەيتۋ ٷشٸن مۇعالٸمدەردٸڭ 100 سۇراقتىڭ نەشەۋٸنە جاۋاپ بەرۋٸ كەرەك ەكەنٸن سۇرادى.
"بەرٸ دەڭگەيگە بٶلٸنگەن. ەڭ جوعارى دەڭگەيٸنە سۇراقتىڭ توقسان پايىزىنا, پەداگوگ-زەرتتەۋشٸ سەكسەن پايىزىنا, پەداگوگ-ساراپشى جەتپٸس پايىزىنا, پەداگوگ-مودەراتور الپىس پايىزىنا جاۋاپ بەرۋٸ كەرەك", — دەدٸ ساعاديەۆ.
"سوندا سٸزدەردٸڭ ويىڭىزشا, مۇعالٸمنٸڭ بار كەسٸبي دەڭگەيٸن وسى 100 سۇراق انىقتاپ بەرەدٸ دەپ وتىرسىزدار عوي…", — دەدٸ دەپۋتات.
"جوق, ولاي ەمەس. ەكٸ كەزەڭ بولادى. بٸرٸنشٸ, ۇلتتىق بٸرىڭعاي تەستٸلەۋدەن ٶتەدٸ. ەكٸنشٸ, كوميسسييا شەشەتٸن بولادى. ياعني, قازٸرگٸ جٷيە قالادى. بٸز تەك قانا بٸرىڭعاي تەستٸلەۋ نەتيجەسٸن كوميسسيياعا بەرٸپ وتىرامىز. جۇمىس توبىنا بٸرنەشە دەپۋتات قاتىسقان بولاتىن. بٸز بٸرنەشە اي مۇعالٸمدەرمەن دە, مەكتەپ ديرەكتورلارىمەن دە تالقىلادىق. قازٸرگٸ ۋاقىتتا مۇعالٸمدەر ونى تٷسٸنٸپ, دايىندالىپ وتىر", — دەپ تٷيدٸ سٶزٸن مينيستر.
