فوتو: president.kg
Facebook قولدانۋشىسى ايدا ساسىباەۆا قىرعىزستان پرەزيدەنتٸ سادىر جاپاروۆتان قىرعىزدارعا تٸل تيگٸزگەنٸ ٷشٸن كەشٸرٸم سۇراۋدى تالاپ ەتتٸ, - دەپ حابارلايدى Tengrinews.kz سايتى 24.kg اگەنتتٸگٸنە سٸلتەمە جاساپ.
ول پرەزيدەنتتٸڭ قىرعىزداردى جالقاۋ دەپ اتاعانى ۇناماعانىن اتاپ ٶتتٸ.
"بۇل مەنٸڭ ۇلتتىق ار-نامىسىما تيەدٸ, مەن سٸزدەن كەشٸرٸم سۇراۋدى تالاپ ەتەمٸن. ٶزٸڭٸزدٸڭ ابايسىزدا ايتقان سٶزٸڭٸزبەن مەنٸڭ ەلٸمە, حالقىمنىڭ بەدەلٸنە نۇقسان كەلتٸرەسٸز. وسىنداي كەمسٸتەتٸن سيپاتتاما كەسٸرٸنەن باسقا ەلدەردە بٸز تۋرالى جاعىمسىز پٸكٸر تۋىنداۋى مٷمكٸن. سونىمەن قاتار, مۇنداي كٶزقاراس بالالارعا تەرٸس ەسەر ەتەدٸ, بالالاردىڭ ٶزٸن, اتا-اناسىن, تۋىستارىن جەنە تۇتاستاي العاندا بٷكٸل حالىقتى قابىلداۋىن بۇزادى", - دەپ جازدى ول.
ايدا ساسىباەۆا پرەزيدەنت "ويلانىپ, كٶپشٸلٸك الدىندا كەشٸرٸم سۇرايدى" دەگەن ٷمٸتٸن بٸلدٸردٸ.
"ەيتپەسە, مەن بارلىق ەلەۋمەتتٸك جەلٸلەردە فلەشموب جارييالاۋعا مەجبٷر بولامىن. بۇل اكتسيياعا جەتكٸلٸكتٸ ادام قوسىلعاندا, ەرەۋٸلدٸ باستايتىن كٷندٸ انىقتايمىز", - دەدٸ ول.
ەسكە سالايىق, بۇعان دەيٸن سادىر جاپاروۆ كٶلٸك جەنە كوممۋنيكاتسييا مينيسترلٸگٸنە جول تەحنيكاسىن تاپسىرۋ رەسٸمٸندە قازاق پەن قىرعىز جول سالۋشىلارى تۋرالى ەزٸل ايتقان بولاتىن. بۇدان كەيٸن جاپاروۆ پرەزيدەنت ەكٸمشٸلٸگٸنە ارنالعان عيمارات قىرعىزداردىڭ جالقاۋلىعىنان باياۋ سالىنىپ جاتقانىن اتاپ ٶتتٸ.
