Foto: president.kg
Facebook qoldanýshysy Aida Sasybaeva Qyrǵyzstan prezidenti Sadyr Japarovtan qyrǵyzdarǵa til tigizgeni úshin keshirim suraýdy talap etti, - dep habarlaidy Tengrinews.kz saity 24.kg agenttigine silteme jasap.
Ol prezidenttiń qyrǵyzdardy jalqaý dep ataǵany unamaǵanyn atap ótti.
"Bul meniń ulttyq ar-namysyma tiedi, men sizden keshirim suraýdy talap etemin. Ózińizdiń abaisyzda aitqan sózińizben meniń elime, halqymnyń bedeline nuqsan keltiresiz. Osyndai kemsitetin sipattama kesirinen basqa elderde biz týraly jaǵymsyz pikir týyndaýy múmkin. Sonymen qatar, mundai kózqaras balalarǵa teris áser etedi, balalardyń ózin, ata-anasyn, týystaryn jáne tutastai alǵanda búkil halyqty qabyldaýyn buzady", - dep jazdy ol.
Aida Sasybaeva prezident "oilanyp, kópshilik aldynda keshirim suraidy" degen úmitin bildirdi.
"Áitpese, men barlyq áleýmettik jelilerde fleshmob jariialaýǵa májbúr bolamyn. Bul aktsiiaǵa jetkilikti adam qosylǵanda, ereýildi bastaityn kúndi anyqtaimyz", - dedi ol.
Eske salaiyq, buǵan deiin Sadyr Japarov Kólik jáne kommýnikatsiia ministrligine jol tehnikasyn tapsyrý rásiminde qazaq pen qyrǵyz jol salýshylary týraly ázil aitqan bolatyn. Budan keiin Japarov Prezident ákimshiligine arnalǵan ǵimarat qyrǵyzdardyń jalqaýlyǵynan baiaý salynyp jatqanyn atap ótti.
