فوتو: Wikimedia
قىرعىزستان پرەزيدەنتٸ سادىر جاپاروۆ جيەنٸنٸڭ ۇستالۋىنا قاتىستى پٸكٸر بٸلدٸردٸ, - دەپ حابارلايدى Massaget.kz پورتالى 24.kg سايتىنا سٸلتەمە جاساپ.
پرەزيدەنت جۋرناليستەرگە جيەنٸنٸڭ ۇستالۋىنا بايلانىستى ويىن ايتقان.
"قالعان تۋىستارىما ساباق بولسىن", - دەپ كەلتٸردٸ باسىلىم پرەزيدەنتتٸڭ سٶزٸن.
سادىر جاپاروۆتىڭ ايتۋىنشا, سىبايلاس جەمقورلىقپەن كٷرەستە تانىس نەمەسە بٶتەندەر دەگەن ۇعىم جوق. زاڭدى بۇزعانى ٷشٸن ەشكەرەلەنگەننٸڭ بارلىعى مەملەكەتتٸڭ بٸرٸنشٸ تۇلعالارىمەن تۋىستىق دەرەجەسٸنە قاراماستان جاۋاپكەرشٸلٸككە تارتىلادى.
"قازٸر باسقا زامان. بارلىعىنا كٶزقاراس بٸردەي. سىبايلاس جەمقورلىققا قاتىسى بار بولسا, قاماۋعا الىنادى. مەملەكەتكە كەلتٸرٸلگەن شىعىندى ەسەلەپ ٶتەسە, شىعادى. ەيتپەسە وتىرادى. مەن اراشالاپ, مىنا باۋىرىمدى قاماۋعا الماڭدار دەسەم, باسقالارى دا زاڭ بۇزا باستايدى. قىرعىزدا جاقسى سٶز بار: "بٸر جازا – مىڭعا ساباق", – دەپ تٷسٸندٸردٸ مەملەكەت باسشىسى.
ەسكە سالايىق, پرەزيدەنتتٸڭ جيەنٸ ۇلان جاپاروۆقا قىرعىز رەسپۋبليكاسى قىلمىستىق كودەكسٸنٸڭ "جەمقورلىق" بابى بويىنشا ايىپ تاعىلىپ وتىر. ٸستٸ ٸشكٸ ٸستەر مينيسترلٸگٸنٸڭ تەرگەۋ قىزمەتٸ تەرگەپ جاتىر.
ۇلان جاپاروۆ – سادىر جاپاروۆتىڭ تۋىس اعاسى راقىمجان جاپاروۆتىڭ ۇلى.
