Foto: Wikimedia
Qyrǵyzstan prezidenti Sadyr Japarov jieniniń ustalýyna qatysty pikir bildirdi, - dep habarlaidy Massaget.kz portaly 24.kg saityna silteme jasap.
Prezident jýrnalisterge jieniniń ustalýyna bailanysty oiyn aitqan.
"Qalǵan týystaryma sabaq bolsyn", - dep keltirdi basylym prezidenttiń sózin.
Sadyr Japarovtyń aitýynsha, sybailas jemqorlyqpen kúreste tanys nemese bótender degen uǵym joq. Zańdy buzǵany úshin áshkerelengenniń barlyǵy memlekettiń birinshi tulǵalarymen týystyq dárejesine qaramastan jaýapkershilikke tartylady.
"Qazir basqa zaman. Barlyǵyna kózqaras birdei. Sybailas jemqorlyqqa qatysy bar bolsa, qamaýǵa alynady. Memleketke keltirilgen shyǵyndy eselep ótese, shyǵady. Áitpese otyrady. Men arashalap, myna baýyrymdy qamaýǵa almańdar desem, basqalary da zań buza bastaidy. Qyrǵyzda jaqsy sóz bar: "Bir jaza – myńǵa sabaq", – dep túsindirdi Memleket basshysy.
Eske salaiyq, prezidenttiń jieni Ulan Japarovqa Qyrǵyz Respýblikasy Qylmystyq kodeksiniń "Jemqorlyq" baby boiynsha aiyp taǵylyp otyr. Isti Ishki ister ministrliginiń Tergeý qyzmeti tergep jatyr.
Ulan Japarov – Sadyr Japarovtyń týys aǵasy Raqymjan Japarovtyń uly.
