سادىر جاپاروۆ قىرعىزستان پرەزيدەنتٸ قىزمەتٸنە رەسمي تٷردە كٸرٸستٸ. 28 قاڭتاردا بٸشكەكتەگٸ ۇلتتىق فيلارمونييادا جاپاروۆتىڭ يناۋگۋراتسيياسى ٶتٸپ, مەملەكەت باسشىسى رەتٸندە انت بەردٸ. بۇل تۋرالى ازاتتىقتىڭ قىرعىز قىزمەتٸ حابارلادى.
پرەزيدەنت رەتٸندە العاش سٶز سٶيلەگەن جاپاروۆ موينىنا "ٶتە اۋىر جاۋاپكەرشٸلٸكتٸ" الىپ وتىرعانىن اتاپ ٶتكەن. ەلدٸڭ قيىن جاعدايدا تۇرعانىن ەسكە سالىپ, مەملەكەت بيۋدجەتٸنٸڭ قىسقارۋى, مەملەكەت قارىزىنىڭ ٶسۋٸ, ەنەرگەتيكا سالاسىنداعى داعدارىس مەسەلەلەرٸنە توقتالعان. حالىقتى مەسەلەلەردٸ بٸرٸگٸپ شەشۋگە شاقىرعان. ول ەلدەگٸ بارلىق ساياسي كٷشتەردٸ دە بٸرلٸككە ٷندەدٸ.
قىرعىزستاننىڭ التىنشى پرەزيدەنتٸ سادىر جاپاروۆتىڭ يناۋگۋراتسيياسىنا مىڭنان استام ادام - زاڭ شىعارۋ, سوت, اتقارۋ بيلٸگٸنٸڭ ٶكٸلدەرٸ, ەكس-پرەزيدەنتتەر, حالىقارالىق ۇيىمدار مەن كٶرشٸ ەلدەردەن كەلگەن قوناقتار قاتىستى.
بۇعان دەيٸن يناۋگۋراتسييا رەسٸمٸنە قازاقساننىڭ بٸرٸنشٸ پرەزيدەنتٸ نۇرسۇلتان نازارباەۆ شاقىرىلعانى حابارلانعان ەدٸ. الايدا نازارباەۆتىڭ ٶزٸ شاراعا بارمادى. ونىڭ قۇتتىقتاۋ حاتىن رەسٸم كەزٸندە قازاقستان حالىقتارى اسسامبلەياسى تٶراعاسىنىڭ ورىنباسارى جانسەيٸت تٷيمەباەۆ وقىپ بەردٸ (اسسامبلەيانىڭ ٶمٸر بويعى تٶراعاسى نازارباەۆ سانالادى).
سادىر جاپاروۆ بىلتىر قازان ايىنداعى ەلدەگٸ پارلامەنت سايلاۋىنىڭ نەتيجەسٸنە قارسىلىقتان كەيٸن بيلٸككە كەلگەن. قاراشا ايىندا پرەزيدەنت سايلاۋىنا قاتىسقىسى كەلەتٸنٸن مەلٸمدەپ, پرەمەر-مينيستر ٶكٸلەتٸنەن باس تارتقان. پرەزيدەنت مٸندەتٸن ۋاقىتشا اتقارۋدى دا توقتاتقان.
10 قاڭتاردا كەزەكتەن تىس پرەزيدەنت سايلاۋى ٶتٸپ, وعان 17 كانديدات قاتىسقان. سايلاۋدىڭ رەسمي نەتيجەسٸ بويىنشا, سادىر جاپاروۆقا سايلاۋعا قاتىسقانداردىڭ 79,20 پايىزى داۋىس بەرگەن. جاپاروۆ كەڭسەسٸ ٷكٸمەت ٷيٸندە ورنالاسادى. وسىعان دەيٸن پرەزيدەنتتەر جوگوركۋ كەڭەش عيماراتىندا ٸستەپ كەلگەن ەدٸ.
