قازاقستاندىق كەسٸپقوي بوكسشى سادريددين احمەدوۆتىڭ (9-0, 8كو) جەكپە-جەگٸن «حابار» ارناسى تٸكەلەي ەفيردەن كٶرسەتەتٸن بولدى, دەپ حابارلايدى "ۇلت اقپارات".
«قازاقستان كەسٸپقوي بوكسى» ۆكونتاكتە پاراقشاسىندا حابارلانعانداي, سادريددين ەكٸ كٷننەن كەيٸن كۆەبەكتە (كانادا) «كوۆبوي» لاقاپ اتتى 31 جاستاعى مەكسيكالىق دجونني ناۆاررەتەمەن (33-15-2, 15كو) كەزدەسەدٸ. ايقاس 10 راۋندقا ەسەپتەلگەن. جانكٷيەرلەر جەكپە-جەكتٸ «حابار» ارناسىنان 26 قازان كٷنٸ ساعات 07.00-دە كٶرە الادى.
ەسكە سالا كەتسەك, جەڭٸلٸپ كٶرمەگەن قازاقستاندىق سادريددين احمەدوۆ (9-0, 8كو) كەلەسٸ كەزدەسۋٸن 25 قازاندا كانادانىڭ كۆەبەك قالاسىندا مەكسيكالىققا قارسى ٶتكٸزەتٸنٸ حابارلانعان بولاتىن. سوڭعى رەت 21 جاستاعى قازاقستاندىق نوكاۋتشى تەتفور ميندەگٸ (كانادا) بوكس كەشٸ اياسىندا ٶنەر كٶرسەتٸپ, رينگتە مەكسيكالىق دانيەل ۆەگا كوتانى (14-3-1, 11 كو) تەحنيكالىق نوكاۋتپەن 90 سەكۋندتا جەڭگەن ەدٸ.
