ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا مٷشەسٸ سابىر قاسىموۆتىڭ ايتۋىنشا, 1916-1930 جىلدارى زورلىق-زومبىلىق ساياسي ناۋقاندارى مەن اشارشىلىقتىڭ سالدارىنان قۇربان بولعاندار جايلى زەرتتەۋ جۇمىسىن كٷشەيتۋ قاجەت, دەپ حابارلايدى قازاقپارات.
بۇل جايلى ول شىعىس قازاقستان وبلىسىنىڭ ەكٸمدٸگٸ مەن ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ جوبالىق كەڭسەسٸ ٶتكٸزگەن رەسپۋبليكالىق سەميناردا ايتتى.
«ستاليندٸك رەجيمنٸڭ كەسٸرٸنەن حالقىمىز باستان كەشكەن بۇل زوبالاڭ ەش ۋاقىتتا ۇمىتىلمايدى. الايدا وسى تاقىرىپتا قازاقستان تەۋەلسٸزدٸك جىلدارىندا بٸردە بٸر ٷكٸمەتتٸك شەشٸم قابىلداعان جوق. سول جىلدارى ميلليونداعان ادام ٶز جەرٸنەن قاشۋعا مەجبٷر بولدى. بٷگٸن بۇل مەسەلەنٸ جان-جاقتى زەرتتەۋدٸ بٸرٸنشٸ رەت باستاپ وتىرمىز. پرەزيدەنت قاسىم-جومارت توقاەۆتىڭ «ساياسي قۋعىن-سٷرگٸن قۇرباندارىن تولىق اقتاۋ تۋرالى» جارلىعىنا سەيكەس, مەملەكەتتٸك كوميسسييا جان-جاقتى زەرتتەۋ مەن وڭالتۋ بويىنشا ۇسىنىستار ەنگٸزۋ ٷشٸن ارنايى توپ قۇردى. وسىنداي توپتار ايماقتىق كوميسسييالاردا دا قۇرىلدى», - دەدٸ سابىر قاسىموۆ.
ونىڭ ايتۋىنشا, ساياسي قۋعىن-سٷرگٸنگە ۇشىراعاندار ناقتى قانداي قيىندىق كٶرگەنٸن, اشتىقتان, سۋىقتان جەنە اۋرۋدان قانشا ادام كٶز جۇمعانىن زەرتتەۋ جۇمىسىن كٷشەيتۋ قاجەت.
«سونداي-اق ەلدەن كەتٸپ, قايتىپ ورالعاندارعا جەرگٸلٸكتٸ بيلٸك پەن حالىقتىڭ كٶزقاراسى قانداي بولعانى, قازاق بوسقىندارىن ولار قالاي قارسى العانى تۋرالى مۇقييات زەرتتەۋ جٷرگٸزگەن جٶن. ارحيۆ قۇجاتتارىنان بەلگٸلٸ بولعانداي, بوسقىندار نوۆوسٸبٸردە, ومبىدا, بارناۋلدا جەنە رەسەيدٸڭ باسقا قالالارىندا اشتىقتان ٶلمەۋ ٷشٸن كەز كەلگەن جۇمىس ٸستەۋگە مەجبٷر بولعان. ال قىرعىزستانعا 100 مىڭعا جۋىق قازاق كٶشٸپ باردى. ولار بۇرىنعى فرۋنزە, قازٸرگٸ بٸشكەك قالاسىندا قيىن جاعدايدا ٶمٸر سٷردٸ», - دەدٸ ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا مٷشەسٸ.
